— __________________________ المغرب - كانو البنات طول وقتهم بمجلس الحريم الا دقت لطيفه على ساره وردت ساره ساره : متى تجين ؟ لطيفه : ايوه صح قولي حق عمتي وزوجات عمي وجدتكم بيتنا ساره : يحماره تونا جايينك امس لطيفه : بيتنا بيت ابوي ! ساره : متى تجين ؟ لطيفه : لبست شوي واروح اساعد امي ساره : خلاص انقلعي سكرت ساره وقالت : الخطه انلغت عقدت نوف حواجبها وقالت : اي خطه ؟ ساره : بنروح بيت عمي بدر قامت الجوهره وقالت : نقول لامي وجدتي وزوجات عمي ؟ ساره خذت جوالها وقالت : ايوه يلا توجهو البنات للصاله حيث كلهم جالسين ووقفت نوف بالنص وقالت بصوت عالي : حبايبي اسمعوني كويس عمتي منال عازمتنا عندها بعد صلاة العشاء فا تجهزو الان ودقو على عمتي منال بعد خلصت نوف كلامها وصعدت فوق لدورهم ودخلت وتوجهت لغرفتها على طول وكانت ساره عند التسريحه تسوي اطراف شعرها ويفي نوف : حق وشو ويفي ؟ لفت ساره وقالت : بس اشتهيت طنشتها نوف وتوجهت للدولاب وطلعت لها فستان لونه وردي ساده طويل تحت الركبه تقريبا وحطته على سريرها ووقفت بجانب ساره وبدت تسوي مكياجها اما ساره خلصت الويفي وتوجهت للسرير وخذت فستانها الاسود اكمامه طويله بقماش شفاف ودخلت الحمام ( الله يكرمكم ) ولبسته وطلعت وجلست على التسريحه وبدت تسوي مكياجها اما نوف خلصت ولبست فستانها وكعبها وجلست على سريرها تلبس اكسسواراتها __________ شقة محمد | نروح للجوهره الي لبست وخلصت وصلحت مكياجها وفردت شعرها ولبست كعبها وطلعت من غرفتها متوجهه لغرفة امها وابوها ودخلت وشافت امها تتمكيج طبعت بوسه على راس امها وخذت البخور وبدت تبخر شعرها ابتسمت مريم وقالت : ان شاء الله اشوفتس عروس يا بنيتي توهقت الجوهره وابتسمت بدون اي رد عقدت حواجبها مريم وقالت : قولي امين ؟! توترت الجوهره وقالت : اا...امين قامت مريم من التسريحه ولبست عبايتها وخذت شنطتها وقالت : يلا البسي عبايتس عشان ننزل طلعو الجوهره وامها من الغرفه وتوجهو للصاله ابتسم فارس من شافهم وقال : وش ذا الزززين ام فارس واخت فارس ! ابتسمت مريم وقالت : الله يحفظك يا وليدي تقدم فارس وطبع بوسه على راس امه اما الجوهره الي كانت تطير عيونها بعدها توجهت لغرفتها ضحك فارس عليها وقال : والله الجوهره ذي مشكله ! عقدت مريم حواجبها وقالت : ليه شفيها ؟ فارس : لا ولا شي خلنا ننزل حلقتهم الجوهره وسكرت الباب معها وهم نازلين للدور الارضي قابلو مرام ونوف وساره مريم مسكت يد مرام وقالت : تعالي عند لتس سالفه همست الجوهره وقالت : امي نقالة علوم شكلها ضحكت نوف وقالت : حسبي الله عليك يالجوهره اعقلي ! الجوهره : والله العظيم ! ساره سبقتهم وراحت عند مراية المدخل تلبس نقابها اما نوف والجوهره ماسكينها سوالف ووراهم فارس نزلو تحت وكان الكل جاهز تقريبا راحت نوف عند المدخل هي وساره عشان يتنقبون بالمرايه ويطلعون طلعو الحريم يمشون وخلفهم العيال طبعا كلنا ندري ان بيت بدر قدام بيت الجد عبدالله كلها خطوتين الا وصلو الحريم ودخلو داخل ام عند العيال رحبو فيهم سعد وسلمان سعد : حياكم حياكم هتان دق كتف سعد وقال : مسوي يعنني بيتنا ابتسم سعد وقال : انا اقول ادخل لا انطحك هنا دخل هتان ودخل بعده سعد للمجلس فارس : والله الشيبان مظبطين نفسهم رايحين مزرعه ضحك سلمان وقال : ايه ابوي قال انتو انثبرو وحنا بنروح المزرعه عبدالله : والله احسن شي نسولف مرتاحييين لف فارس على عبدالله وقال : كلمت نوف ؟ تنهد فارس وقال : لا ماكلمتها رص عبدالله على فكه وقال : غبي والله انك غبي ! فارس بحده : ياخي خلاص شوي بروح لها ! ___________________________ نرجع للحريم | منال : حي الله من جانا تو مانورت ! الجده ساره : النور نورك يا ام سلمان ابتسمت منال وقالت : قومي لطيفه صبي قهوه ! توسعت عيون الجده ساره وقالت : لا والله ماتقوم وهي حامل تسذا ! قامت لطيفه وقالت : لا يا جده عادي بقوم الجده ساره بحده : اقول اجلسي واقضبي ارضتس خلي الجوهره تقوم قامت الجوهره ومسكت يد لطيفه وقالت : مسويه فيها انثبري بس بدت الجوهره تصب قهوه وخلفها نوف توزع الحلا جلسو البنات كلهم بصف واحد ليان : ابك علامكم ساكتين انتو ؟ نوف بحده : شوفي ساره والجوهره يتهامسون مدري وش عندهم قامت ليان وعدلت بلوزتها وقالت : قومي نطلع برا بس نوف : فيه عيال طيب ؟ ليان : يا شيخه مارح يسوي لك شي فوفو لا تخافين امشي طيرت نوف عيونها وقالت : هي هي تمونين انتي فوفو ؟ لين بحده : خيرررر ! تسولفون قدامي ولا تقولون تعالي معنا برا نوف : يلا امشي معنا توجهو البنات للحوش وجلسو يتمشون لفت لين على نوف وقالت : عرسك بعد اسبوع مستعده سكرت نوف عيونها وقالت : تتتتكفيييين لاااا ليان : الصراحه الله يعينتس رفعو لين ونوف راسهم الا شافو واحد معطيهم ظهره اما ليان كانت مو مركزه على جوالها همست نوف للين وقالت : شرايك نسحب عليها ونظبطها مع ذا الي يشيل صحون العشاء اشرت لين بيدها اوكيه وبدو يتسحبون شوي شوي لداخل سعد شال اخر صحن وحطه بالارض وقال : يالله حبيبي مشكور الله يعطيك العافيه العامل : الله يعافيك بالعافيه عليكم ابتسم سعد وسكر الباب ولف عشان ياخذ الصحون لقسم الحريم لكن لمح وحده لابسه بلوزه بيج ضيقه واكمامها طويله مع تنوره سوداء وشعرها كان مفتوح على جنب رفعت ليان راسها وقالت : وينكـ... لكن تجمدت يوم شافت سعد يناظرها اما سعد ابتسم يوم جت عينه بعين ليان توترت ليان وحست على نفسها شوي ولفت ظهرها وحطت رجلها ودخلت داخل وشافت لين ونوف يضحكون عليها وقالت : كنتو تعرفون صح !!!! ضحكت نوف وقالت : وربي لايقين لبعض ليان تكفين تزوجيه توسعت عيون ليان وضربت نوف وقالت : يا قليلة الادب يا نوّيف ! قاطع ضحكهم صوت فارس العالي يقول : نووووف ! تلاشت ابتسامة نوف وقالت : بطططننننييي ضحكت ليان وقالت : يلا انقلعي لرجلس لفت نوف على المرايا وعدلت شعرها وقالت : بروح بروح طلعت نوف وشافت بوجهها فارس وقالت : هلا ؟ ابتسم فارس لا شعوري واخذ وقت وهو يناظر كشخة نوف لوحت نوف بيدها على وجهه وقالت : ايييووو ولد ! شفيك ؟ استوعب فارس وقال : للحين زعلانه ؟ تكتفت نوف وقالت : شرايك يعني ؟ ضحك فارس وقال : زعلك ما يهون علي يا بعدي ناظرته نوف بنص عين وقالت : واضح واضح ايه تقدم فارس وباس راس نوف وقالت : والله مايهون علي ! ابتسمت نوف وقالت : طيب خلاص غمز فارس وقال : الوعد بعد اسبوع توترت نوف وقالت : شقصدك يعني ؟ ضحك فارس وقال : انتي فهمتي عاد يلا استودعتك الله حمّر وجهه نوف ودخلت داخل وجلست بدون اي كلمه لفت ليان وقالت : شقال لك ؟ نوف : شدعوه ماقال شي ؟ ليان بحده: عاني وجهك محمّر مسكت نوف وجهها وقالت : من الجو يمكن برا غمزت ليان وقالت : بحاول اصدق حُبي مر اليوم زي العسل وتعشو وجلسو شوي يشربون شاهي بعدها كل واحد راح بيته ___________________________________ مر اسبوع كامل بدون اي احداث ولا شي مهم وكان باقي يوم على زواج فارس ونوف نروح للبنات الي كانو قالبين مجلس الحريم صالون عنايه نوف بحده : ولعنه ياخي كم ساعه بحطه بوجهي ذا سكرت لين عيونها تمنع الغضب وقالت : نّوف ! مو طبيعيه انتي ! تبين وجهك يلّق انتظري ! نوف بحلطمه : طيب طيب اوووف ! نروح للجوهره الي كان شكلها حوسه وحاطه ربطة شعر وماسك وقالت : فاااارس ! خلاص ترا مارح تشوفها الا بكره تنهد فارس وقال : تكفين اختي حبيبتي فصخت الجوهره السليبر حقها وقالت : وقسم بالله لو ماتنقلع اني لا اهبدك بها ! توسعت عيون فارس وقال : خلاص بروح يمه ! ابتسمت الجوهره وقالت : ايوه احسن ! سكرت الباب وقالت : يوم قرب العرس فعل شخصية العاشق الولهان ! لطيفه بتعب : يا بنات راسي يدوخ لفت ساره على لطيفه وقالت : انتي وجهك اصفر قومي كلي ! لطيفه : لا مابي ساره بصراخ : خلاااااص !!! مو طبيعين انتوووو ! تراني مو اُم كل شوي اهجد وحده واسوي حق وحده ! الجوهره : شفيك انتي ؟ ساره توجهت للطيفه تحط لها ماسك وقالت : الجوهره كلي تبن ! الجوهره : سمي ليان بحده : سوّير شوي شوي على وجههههي !! ساره : طيب طيب نوف : ساره اغسله ؟ ساره : قومي اخلصي قامت نوف تغسل الماسك من ووجهها ورجعت للبنات وقالت : شوفو وجهي ابيييض !! ضحكت لين وقالت : يازينتس يا نوف نوف : انا بروح انام دزو لطيفه : خلاص بغسل وجهي واجي معك لاني ميته تعببب ! غسلت لطيفه وجهها وراحت مع نوف لاجل ينامون ام باقي البنات اخذو ساعه تقريبا بعدها لحقو البنات __________________________ نكمل بعدين حبايبي ❤️ شرايكم بالباااارت 🙈🙈؟ بكره العرس بكره العرس 😭😭!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
