جيتيني مثل الشروق الي محى عتم الليالي

Part 18

التكمله |
دخل بدر ومعه عياله بدر سلمان وكانت بالغرفه لطيفه وامها وليان اختها
بدر : بسم الله عليتس يا بنتي الله يوفقتس
لطيفه تجمعت الدموع بعيونها وتقدمت تسلم على ابوها وقالت : امين يا يبا
سلمان تقدم وحضنها : ماصدق يا لطيفه بتتزوجين
لطيفه بكت وبادلته الحضن : جعلني افداك يا سلمان
بعد سلمان عندها ومسح دموعها : ليييه الدموع يا لطيفه ذا يوم عرستس
تقدم سعد ودف سلمان من وجهه وقال : يا شيخ انقلع عني
لطيفه بدموع : يااا هلا بسعد
تقدم سعد وحضنها بكل مافيه وقال : مبروك وانا اخوتس الله يوفقتس
لطيفه بادلته الحضن : عقبااالك يارب واشوف زوجتك
سلمان : بنادي عبدالله انا
طلع سلمان متوجه لعبدالله الي كان واقف عند الباب
سلمان : 5 دقايق
عبدالله : يا رجال زوجتي
سلمان : 5 غيرها مافي
اشر عبدالله على خشمه : على ذا الخشم
طلع بدر وسعد وام لطيفه ودخل عبدالله وكانت لطيفه معطته ظهرها
عبدالله : لطيفه
لفت لطيفه وقالت بصوتها الانثوي : يا هلا
تقدم عبدالله وحضنها وقال : ردت روحي يا بعدهم انتي
بادلته لطيفه الحضن وقالت : اهخ يا عبدالله اخيرا
رجع عبدالله على ورا مسك يدها : يا زينتس زيناه شذا الزين !
لطيفه بخجل : يا عبدالله مو وقتك
عبدالله بضحك : سبحان من سواتس وطبع بوسه على شفايفها
توسعت عيون لطيفه وقالت : عبدااااالله شفيك
عبدالله بضحك : لذيذه
قاطعهم دخول ساره ونوف
نوف : يا زينكم زيناه بس
عبدالله : عقبالكم يا بنوتاتي
ساره تقدمت وحضنت عبدالله : بتوووحشني عبودي
بادلها عبدالله الحضن : وانتي بتوحشيني يا قلبي ودقاته سوير
نوف : يلا انت رح السياره وحنا بنجهز لطيفه ونجيبها
عبدالله طلع السياره ينتظر لطيفه بكل حب
لطيفه بحده : قال وشو قلبي ودقاته سلامات !
ساره بخبث : بدينا غيره بسم الله
نوف : البسي عباتس البيضا وخذي شنطتس
جهزو لطيفه وقاطعهم دخول لين وهي تقول : ما خلصتو ؟ ترا اخوتس برا
لطيفه مسكت يد لين وراحت معها
لين كانت لابسه عبايتها ونقابها وشافت سلمان واقف على جواله
لين تقدمت له مدت يدها : لطيفه الحين بتجي خذ شنطتها
فز سلمان وخذ شنطة اخته وقال : الله يعطيتس العافيه ( يييوه ذي شكلها ام كعب الي صرخت علي يا زين عيونها زيناه )
جت لطيفه وودعت لين وطلعت برا مع سلمان وركبت السياره
عبدالله : يا مرحبا يا لطوفتي
لطيفه : اهلين عبودي
عبدالله شبك يده بيد لطيفه وكانو متوجهين للفندق
____
نرجع للرجال بالمجلس
فارس بصوت عالي : دام كلنا متجمعين بمناسبة زواج ولد عمي عبدالله بن صالح حاب اقولكم اني بخطب بنت عمي صالح من عمي بنفسه
فزو الرجال يباركون بصوت واحد وفز صالح وهو يقول : بس بنتي الي تبيها لك ابشر بها وانت رجال والنعم فيك يا ولد اخوي بس راي بنتنا اول
فارس : رايها على عيني وعلى راسي وانتظر الرد منكم
همس له صالح : من تبي انت ؟
فارس رد عليه وقال : نوف
صالح : ابشر بها
صوت صالح لولده هتان عشان يجيه
هتان : سم يبا
صالح : رح داخل قل حق نوف جاتس خاطب
هتان توجهه للحريم وصارخ باعلى صوت : يا نوووف اخت هتان تعالي
نوف فزت وقالت : وش يبي ذا
توجهت نوف لهتان وقالت : هاه وش تبي ؟
هتان ابتسم وقال : جاتس خاطب
نوف تلاشت ابتسامتها وحست بضيقه : مين ذا ؟
هتان : توقعي من
نوف بحده : اخلص علي يا هتان مين ذا ماني ناقصتك
هتان ضحك : فارس ولد عمي محمد
فزت نوف : مييين !
هتان : بسم الله عليتس فارس فارس
نوف : اها
هتان : شرايتس ؟
نوف : شف يعني انا موافقه وانت شوف ابوي
هتان : يهب يالخفيفه وترا ابوي موافق
نوف بخجل : انقلع خلاص
توجهت نوف للطاولة الي فيها الجوهره وساره ولين وليان
الجوهره وهي تصفق : ولعنننه علامتس
نوف بربكه : انخططبت
طشرت ساره القهوه من فمها : وشوو ؟ صاحيه انتي
الجوهره : دقيقه استوعب مين ذا ؟
نوف : تخيلي منهو ؟
ليان بحده : لعنه تلعنس انطقي
نوف : فارس فارس
توسعت عيون الجوهره وقالت : فارس اخوي
نوف بابتسامه : اااييوه
طبعا الخبر انتشر بكل القاعه والكل قام يبارك
__
نرجع لمجلس الرجال |
هتان توجهه لفارس وجلس جنبه
فارس : هاه ؟
هتان : ابشرك موافقه نوف
فارس : حمد الله لك الحمد
صالح : الشيخ بالطريق
بعد ربع ساعه وصل الشيخ وكان جالس بالنص بين صالح وفارس وتم كل شي ووقع فارس
هتان : مبروك يا عرريس
فارس بحده : الله يبارك فيك عقبالك
هتان بخبث : على اختك
فارس بحده : ابشر بها
هتان بضحك : يارجال جب الكتاب عشان نوف توقع ( والله لا اخطبتس يالجوهره )
توجهه هتان لباب الحريم وصرخ باعلى صوت : نووف اخت هتااان تعاالي
فزت نوف اول ماسمعت صوت هتان وقالت : هلا
مد لها الكتاب وقال : وقعي
نوف مسكت القلم وهي ترتجف وكانت طايره من الفرحه ووقعت
تقدم هتان وحضنها وقال : الله يتمم لتس على خير
بادلته الحضن وقالت : عقبااالك تووونه
الجوهره توجهت لهتان ونوف وقالت : شصار ؟
نوف : وووقعت
الجوهره بصراخ : امانه احللفيييي
هتان بعصبيه : وجعاه اقصري حستس
جت أم عبدالله وام فارس يسلمون على نوف ويباركون لها ومن الجههه الثانيه ابو عبدالله وابو فارس يباركون له
فارس اشر لهتان عشان يجيه وقال : تعال تعال
هتان بملل : شتبي
فارس وهو يعدل شماغه قال : بشوفها
هتان بضحك : احلف عاد تراك كل يوم تشوفها بشحمها ولحمها [ طبعا البنات ماكانو يغطون على عيال عمهم وهيك]
فارس بحده : شدخلك ابي اشوفها بسلم عليها
هتان بخبث : اها حضن وتبويس قصدك
فارس بحده : ياااولددد اعقبببب !
هتان : اصبر ادق على ساره
كان هتان يدور بجواله اسم ساره وكان الاسم ( سوير البكايه ❤️)
ردت ساره : هلا هتان ؟
هتان : هلا بالزينه سوير
ساره : هلا فيييك
هتان : اسمعي سوير
ساره : سم
هتان : خلي نوف تروح المجلس الثاني فارس يبي يشوفها
ساره : تمام يلا
* انتهت المكالمة *
توجهت ساره لنوف الي كانت ترقص وقالت لها : فارس يبي يشوفتس
وقفت نوف رقصت وقالت : وشو !!
ساره مسكتها ونزلتها عن المسرح وقالت : اذلفي المجلس الثاني وبجيس
نوف وهي تتعدل : شكلي عدددل ؟
ساره بملل : ياليل حركات حبايب
نوف بحده : ولعنه دزي بس !
توجهت نوف للمجلس وكان التوتر مسيطر عليها وقاطعها دخول فارس وكانت معطته ظهرها
فارس : نوف ؟
لفت نوف بكامل قواها وقالت بصوتها الانثوي : هلا
تقدم فارس وحضنها بكل مافيه وقال : اههخ يا نوف وصرتي حلالي !!
بادلته الحضن وكانت منحرجه وقالت : صرت حلالك يا فارس
رجع فارس خطوه على ورا وقال : وش ذا الزين بتذبحيني انتي ؟
توسعت عيون نوف وقالت : لا وشو بسم الله عليك !
ضحك فارس وقال : بوسه عادي ؟
نوف بصدمه : ها.. طبع فارس بوسه على شفايفها وقال : وانتي مصدقه باخذ اذنك ؟
نوف بخجل : يا فاااارس شذا الحركات !
تقدم فارس وحشر راسه برقبة نوف واستنشق ريحتها وقال : جعلني افداتس يا بعد شرايني
نوف رجعت خطوه لورا وقالت : ناويها كذا ؟
فارس بضحك : وش بتسوين ؟
تقدمت نوف وانعدمت المسافه بينهم ورفعت رجولها بحكم ان فارس اطول منها وطبعت بوسه بخده وفتحت الباب وراحت
نوف : ياويلي ويييلاااه انا وش قاعده اسوي
فارس طلع وراها على طول وتوجه للمجلس وجهه الوان
عبدالرحمن : علامك يا ولد
فارس : مافيني شي
____________________________
انتهى الزواج والكل توجهه لبيته وكملو السهره بيت الجد عبدالله وكانت فقرة الحش
نوف : يا بنات ماصدق شذا
ليان : بيوم وليله انخطبتي يا نوف الله يا الدنيييا
نوف عدلت جلستها : يا شيخه انا بنفسي ماتوقعت
ساره جات وكانت ماكسه دلة الشاهي : وجا الشاهي
لين فزت تدور جوالها ومالقته وقالت : نسيت جوالي بمغاسل الرجال بقوم اجيبه وجايتكم
فزت نوف وقالت : بجي معتس
توجهو لين ونوف للحوش
__
عند العيال بالمجلس
هتان بضحك : وااااه ياكبدي
طرش عبدالرحمن القهوه من فمه وهو يضحك : بموت بموت
سلمان بعصبيه : الله يقرفك يا دحوم ثوووبي !
سعد بضحك : حتى انااا ثوبي
سلمان فز متوجهه لحمام وسرعان ما لحقه سعد
دخل سلمان الحمام وغسل سعد ثوبه ورجع داخل
جت لين ركض وخذت جوالها هي مع نوف وكانت نوف بتلف وارتطمت بجسم ماتدري مين
نوف : وجعااه
سعد صد على طول وقال : وش تسوين انتي هنا !
نوف : جايين ناخذ جوال لين
سعد بخبث : بالله عليكم كيف تطلعون والرجال برا وفيه خالد ومدري منهو
نوف : ياليل
سعد مد شماغه لنوف وقال : خذي امسكي تغطي به
نوف : وطيب لين ؟
سعد : وينها ذي ؟
نوف : وراي
سمعو صوت الباب ينتفح
نوف : ياويل حالي بيطلععع
فز سعد وقال : لاااا ياسلمان لا تفتح الباب البنات موجودين
رجع سلمان سكر الباب وقال : زين قلت يا ولددد !
سعد تخصر وقال : وش الدبره الحين ؟
نوف : مدري
سعد : طيب ناظري الي معتس لابسه قصير ولا شي
لفت نوف للين كانت لابسه شورت وتشيرت
نوف : ايه ايه
سعد بصراخ : يا سلمان مد شماغك للبنت
فتح سلمان الباب شوي شوي ومد شماغه ولفت لين تمسكه ولكن الصدمه يوم سلمان لمح لين الي كان شعرها منتثر وفخوذها الباينه وملامحها الهاديه الطفوليه
اخذت لين الشماغ وتغطت به وطلعو للبنات وهم ميتين ضحك
الجوهره : وينكم انتتتتو
جلست لين وهي تقول : تخيييلي وش صار
هبدت لها لين وش صار
ساره : ياويل حالي انتي صادقه ؟
نوف استنشقت شماغ سعد الي كان على رقبتها وقالت : يهب يا ريييحتتته تجنن
لين استنشقت شماغ سلمان الي كان برضو على كتوفها وقالت : ادددوخ انا شذا الرريييحه الزين
ليان بحده : اعقبي انتي وهي علامكم
نوف قامت : بعطيه فارس يرجعه له
لين مدت الشماغ لنوف وتوجهت برا وقالت بصوت عالي : هتااااننن
فز هتان بغضب لنوف الي كانت تصرخ والعيال كلهم جالسين بالحوش وقال : ولعنه يا حيوانه اقصري حستس !!!
نوف بحده : مالك دخل ناد فارس [ طبعا نوف كانت تقدر تعطي الشماغات لهتان بس هي تبي فارس ]
توجهه هتان لفارس وهمس له وقال : نوف تبيك
قام فارس بعصبيه بحكم الكل سمع صراخ نوف ووصل لها وقال : وشذا الصراخ ؟
نوف بربكه : كنت ابي هتان يناديك
فارس بحده : دقي عليه دقي علي اي شي ماله داعي الصراخ
نوف مسكت يد فارس وحطت بيده الشماغات وقالت : عطهم سلمان وسعد
فارس بحده : وذول وش يسون عندكم ؟
نوف بخوف : هاه ؟
فارس بخبث : هاه ؟ وش يسون عندكم !
نوف هبدت له الي صار وقالت : بس والله
فارس بعصبيه : احلفي عاد شافتس؟؟
نوف : ايوه
فارس : ولعنه تلعننننه ان شاء الله !!!!!!!!
نوف بخوف : طيب مايدري خلاص لا تسوي له شي امانه
فارس بحده : مارح اسوي له شي خلاص وحركات الصراخ لا تنعاد
نوف بحزن : طيب
فارس ناظرها ولاحظ ملامح الحزن الي سيطرت على وجه نوف وتقدم وباس راسها وقال : استودعتس الله يا نوفي

____
طبعا وذا بارت ططططوووويل اجحدوها بس 😭😭
حسابي تيك 7ilox8u