جيتيني مثل الشروق الي محى عتم الليالي

Part 53 💍

—
______________________________
بيت نوف وفارس |
جلسة نوف على طرف السرير تفصخ كعبها بألم وبدت تتفصح رجلها المجروحه بسبب الكعب مدت يدها تاخذ ربطة شعر وتربط شعرها على فوق ورفعت راسها اول مادخل فارس تقدم للسرير وفصخ شماغه يرميه على السرير وقال : الله يوفقهم
ابتسمت نوف وقالت : امين يارب
قامت نوف متوجهه للشماعه تاخذ روبها المعلق وتدخل الحمام تاخذ لها شاور بعد اليوم الطويل ذا
اما فارس فصخ ملابسه ولبس له شورت بدون تيشرت واخذ جواله يشوف اتصالات متكرره من الرّيم عقد حواجبه وقال : عسى ماشر بعد !
قرر ان يتصل عليها وحط الجوال باذنه ينتظر ردها ردت الرّيم بصوت خافت وقالت : فارس !
تنحنح فارس وقال : الرّيم ! علامك متصله اكثر من ثلاث مرات ؟
تنهدت الرّيم وقالت : بس كنت ابي مساعدتك لان طليقي داهمني انا وولدي
توسعت عيونه وقال : شلون ! متى متى ؟
الرّيم بانفعال : لا لا خلاص اتصلت باخوي وجا واسفه
فارس بحده : اذا جاتس مره ثانيه كلميني
طلعت نوف من الحمام ( الله يكرمكم ) وتوجهت للتسريحه عشان تنشف شعرها
الريّم بخوف : لا يا فارس مايحتاج انت واحد متزوج والزم ماعليك زوجتك
فارس بحده : الرّيم ! ترا انتي بحسبت اختي !
توسعت عيون نوف من سمعت اسمها على لسانه وعرفت انه يكلمها
سكر فارس جواله وانسدح على السرير
خلصت نوف تنشيف شعرها بعد مالبست بالحمام وحطت لها لوشن تقدمت للسرير تقعد بدون اي كلمه لف عليها فارس وسحبها لحضنه يقبل شفايفها وو ... 🫠 الباقي عليكم
________________________
اليوم الثاني | بالفندق
نزلت جهاز الفير على التسريحه وابتسمت برضى عن شكلها بعد لبست وسوت ميكب وبرضو شعرها
لفت عليه اول مادخل وبيده شماغه كان نازل تحت عند الاندري عشان يكوينه له ابتسم على طول من لمح كشختها وقال : وش هالزين ! يا حظك يا هتان!
ابتسمت الجوهره وقامت من التسريحه متوجهه تحضنه وتحاوط رقبته بيدينها وتقبل خده شد على خصرها وقرب راسه يستنشق ريحتها الي مسببه له دمار شامل وقال : جاهزه يلا ؟
بعدت الجوهره عنه وقالت : ايوه بس بلبس عبايتي
توجهت تاخذ عبايتها تلبسها وتعدل نقابها وتاخذ شنطتها مسكت ذراعه وتوجهو من الفندق الى بيت الجد
__________________________
بيت الجد عبدالله |
كان الكل ينتظر هتان والجوهره على احر من الجمر
لفت ساره على العنود وقالت : لازم نصالح نوف ولطيفه لين متى يعني ؟
العنود بانفعال : ااااي من جد والله
ابتسمت ساره بخبث وقالت : بحبسهم بالغرفه مع بعض !
ضحكت العنود وقالت : من جدك انتي ؟
قامت ساره وغمزت للعنود توجهت ساره تسحب نوف بعدها توجهو للطيفه واخذتها ساره وكانو مستغربين منها دخلتهم غرفتها وقالت : اجلسو .. تفاهمو يلا باااي!
طلعت من الغرفه وسكرت الباب معها لفو لطيفه ونوف مع بعض وضحكو بنفس الوقت فزت نوف تحضن لطيفه وتقول : وحشتيني يا كلبببه !!
ابتسمت لطيفه وبادلت نوف الحضن وقالت : حتى اناااا !!
قامت نوف من السرير وقالت : امشي بس نطلع
طلعو من الغرفه نازلين تحت للصاله ركضت نوف من لمحت الجوهره تسلم عليهم وفزت تحضنها باقوى ما عندها : جوووهرررتييي
توسعت عيون الجوهره من حضن نوف المبالغ فيه وقالت بصوت مخنوق : نوووف فعصتـ..ـيني !
بعدت عنها نوف وطبعت قبله على خد الجوهره
قامت لين من مكانها متوجهه للمطبخ تجهز معهم للغداء كان بس فيه المساعدات وهي اخذت الصينيه لاجل تحط صحون السلطه عشان تحطهم بالسفره لفت ظهرها لاجل تطلع من المطبخ ورفعت راسها وجت عينها بعين سلمان الي كانت مهمته يدخل صحون الغداء للحريم ماتنكر ان جتها الغصه وخنقتها العبره ماتدري هو يحبها هو يكرها لكن الاهم انها تحبه ودها يبادلها نفس الشعور لكن لو كان مايحبها كيف بتتقبل انه يكون حلال غيرها تنهدت تطرد الافكار من راسها وطلعت من المطبخ
~ بعد الغداء ~
كانت فترة العصريه كذا قامو البنات مجلس الحريم يجلسون جلستهم الخاصه
بدت نوف السالفه وقالت : ايييه يالجوهره شصار !!
حمرّت خدودها وتذكرت ليلة امس وقالت : مافهمت وش تقصدين ؟
ضحكت نوف وقالت : خلاص فهمتها صارت يا بنات
ضحكت العنود وقالت : يمه منك انتي !
اخذت ليان القهوه ورشفت منها شوي وقالت : ماعليكم من ذي الحين عانو العاشقه الولهانه لين
لفو البنات كلهم على لين الي كانت تلعب باصابعها وبعالم الثاني مسحت لطيفه على بطنها وقالت : شكل سلمان ماخذ قلبها صدقوني !
رفعت راسها لين من طرو اسم سلمان وهلت الدموع على خدها وبحكم ان العنود جالسه بجنبها اخذ لين لحضنها تهديها وتقول بصوتها الطفولي : ياعمري المشتاااق اناااا !!
تعالت شهقات لين وتجمعو البنات يواسونها وبدت تهدأ شوي مدت يدها لطيفه تاخذ جوالها وتدخل محادثتهم هي وسلمان وكتبت : ابي اكلمك شوي تعال الحوش
قامت من مكانها وقالت : اصبرو بجي
طلعت من مجلس الحريم تمشي للحوش وقابلت سلمان تخصرت لطيفه وقالت بحده : اسمعني زين !
عقد سلمان حواجبه وقال : اسمعتس انطقي
لطيفه بحده : كذا تلعب بمشاعر البنت وتخليها تتعلق فيك وتسحب عليها ! كذا يا سلمان ؟
توسعت عيون سلمان وقال : لين ! انا ماسحبت عليها انا اموت فيها يا لطيفه والله اني احبها !
صغرت لطيفه عيونها وقالت : البنت جالسه تتبكبك داخل تتوجع مشتاقه لحضرتك وطول وقتها تهوجس ماهي معنا
مسك سلمان قلبه وقال : وااا يا جعله بضلوعي يا ليني !
تنهدت لطيفه وقال : ضلوعك طز فيها الحين ترجع المجلس تقول حق ابوي انك تبيها وقدامهم كلهم تخطبها !
مسح سلمان على دقنه وقال : ابشري بي
طيرت لطيفه عيونها ورجعت لمجلس الحريم
_________________________________
مجلس الرجال |
دخل سلمان بعد كلامه مع لطيفه وتوجهه يجلس بجانب ابوه يهمس له ويقول : يبا ! ابي بنت سامي
توسعت عيون بدر وقال : انت صاحي انت ؟
تنهد سلمان يمسح على دقنه : ايوه صاحي ! عاني ابي اتزوج
ابتسم بدر وقال : اعترف وانا ابوك شايفها ؟
ابتسم سلمان ابتسامة الوهقه لان مافي اي مخرج لكن قال : الصراحه اي
عقد بدر حواجبه وقال : خبري عنده تؤام اي وحده تبي
ابتسم سلمان وقال : لين لين
ابتسم بدر وقال : بس خلاص اركد
سند سلمان ظهره اما بدر تنحنح وقال بصوت عالي : صلو على النبي يا جماعة !
الجميع بصوت واحد : عليه الصلاة والسلام !
بدر بحده : اسمع يا سامي !
لف سامي وقال بنفس نبرة بدر : سم !
رفع يده بدر وقال : اسلمت يالغالي .. انا ابطلب يد بنتك لين للطيب ذا - اشر على سلمان - ولدي سلمان
ابتسم سامي وقال : والنعم والنعم نتشرف فيكم وفي واحد نفس سلمان رجال والنعم وكفو وماينخاف عليه ولدنا وما بنلاقي نفسه حق بنتنا لين بس اخذ راي البنت وارد لكم خبر
ابتسم الجد محمد وقال : زين ماخترت يا سلمان والله يوفقهم ويجمعهم بالحلال يارب
دق سعد كتف سلمان وقال : هاه ؟ والله وسويتها بتصير حلالك من قدك
حاول سلمان يخفي ابتسامته وقال : من قالك اني مارح اسويها ؟
درعم عليهم هتان وقال : مهووس جدا يبي يتزوج مثلي !
كشّر سلمان وقال : وليكون الزواج مكتوب باسمك يالغالي ؟
جا فارس وحاوط كتف هتان وقال : يلا عقبال الطعوس عبدالرحمن وسعد
ضحك سلمان ولف على سعد وقال : سعد ! سعد بايعها يالحبيب ماله بسوالف الحب ذي
عقد سعد حواجبه وقال : ليه يالحبيب من قال لك ماحب ؟ لا احب ابشرك
توسعت عيون فارس وقال : اخو العيال !
ضحك هتان وقال : اعرف من يحب يا ساره ولا ليان
فز عبدالرحمن وقال : شفيها ساره !
ضحك فارس وقال : لا ذا يحب ساره هههههههههه
عقد عبدالرحمن حواجبه وقال : وشو مين احب انا بعد ؟
غمز فارس وهمس باذن عبدالرحمن وقال : ساره
حاول عبدالرحمن يخفي ابتسامته وقال : يرجال دزها
ضحك فارس وقال : تحسبني ماشفت الي بالملاحظات ؟
توسعت عيون عبدالرحمن وقال : احلف ! كذاب شفتهم ! الله لا يوفقك
_______________________
عدى اليوم على خير والكل كان مبسوط بزواج هتان والجوهره —
رفعت راسها اول ما دق الباب وقالت : تفضل
انرسمت الابتسامه على شفايفها اول ما دخل ابوها وسكر الباب خلفه وقال : كيفك يا بنتي !
سكرت الجوال وحطته على الطاوله وزحمت شوي عشان يجلس ابوها بجانبها وقالت : الحمدالله بخير
ابتسم سامي وقال : دوم ان شاء الله ... اسمعي يا بنتي الحين انتي كبرتي وحلويتي والسنه الجايه جامعه إن شاءالله
عقدت لين حواجبها وقالت : يبا شفيك تتكلم بالالغاز الله يهداك ؟
ضحك سامي وقال : اختصرها لك الحين .. جاك النصيب يا بنتي انخطبتي
تجمعت الدموع بعيونها لكن مو وقتها ابداً بلعت ريقها وقالت : مين ؟
ابتسم وقال : سلمان اخو لطيفه وعاد هو رجال كفو يخاف ربه ومافي احسن منه وقلت لهم بشوف راي البنت وارد لكم خبر لكن لا تستعجلين يا بنتي استخيري وفكري وحتى لو ماتبيه عادي ! اهم شي تكونين مرتاحه معه
حاولت لين تخفي ابتسامتها وكانت تحس بطنها فراشات والدنيا كذا ورددديه تنهدت وقالت : إن شاءالله ابشر بستخير وبرد لك خبر
ابتسم سامي وقام من السرير ومشى برا الغرفه سكرت لين الباب خلفه ونطت فوق سريرها وبدت تنط كانها طفل لقى حلاوه بدت تتعب شوي وجلست تريح ومدت يدها تاخذ جوالها وتدخل على محادثتهم الفارغه وكتبت : اخيرا حسيت ؟
ماهي ثواني الا ورد عليها كانه ينتظرها وكان رده : كنت حاس من زمان لكن جا الوقت
انرسمت الابتسامه على شفايفها و ردت : الله يتمم على خير بس لا تستعجل انا بستخير ان شاءالله وارد لك خبر
رد عليها سلمان : طلبتك لا تتاخرين يا لين عشان اخطبك رسمي ونسوي حفله بسيطه عن زواج لان عندي مهمه خارج السعودية وباخذك معي
توسعت عيون لين وردت : سلمان ! من جدك بذي السرعه كذا ! ملكه وزواج مع بعض
رد عليها سلمان : انا قلت لك يا لين عندي مهمه خارج السعوديه واقل شي بنقعد هناك خمس شهور كيف بروح بدونك ؟
تنهدت لين وقالت : معليه باقي وقت نفس ماقلت لك بستخير وصدقني مارح اطول عليك ❤️
رد عليها سلمان بقلب
دخلت قروب البنات تعلمهم وش صار من الالف للياء
________________________
مسك مقبض الباب يفتحه وقال : سمي
دخلت الجوهره وفكت نقابها وبدت تتامل البيت كن مفروش كامل ودااافي وشكله مريح للعين الوانه تهبل بدت الجوهره تدور بانحاء البيت اما هتان دخل الشنط للغرفه ومشت خلفه عشان تشوف غرفتهم لمحت السرير ونطت فوقه وبدت ترافس برجليها كانها طفل وقالت : ناعمممم مررره
ضحك هتان وطلع جواله من جيبه وقال : بطلب اكل لان ثانيه وحده واموت من الجوع قامت الجوهره من السرير وفصخت عبايتها وجلست بالارض عند الشنطه تطلع لها بجامه تلبسها وتنزل لهتان عشان يتعشون
______________________________
مر اسبوعين وكان اخر يوم للبنات بالمدرسه بحكم انهم تخرجو من الثانوي -
وقعت نوف وطلعة من القاعه والابتسامه شاقه وجهها وكانه مو مصدقه انها خلصت مسيرة 12 سنه توجهت للبنات الي كانو يراجعون اجاباتهم بعد الاختبار ونطت عليهم تحضنهم وتقول بصوت عالي : تخررررجنننننااااا
لفت عليها ليان تحضنها وبدو ينطون كانهم اطفال بالروضه صرخت ليان بصوت عالي من جت بقعة على عباية التخرج حقتها انخرشت نوف وقالت : هاه شفيك !
ليان بحده : عبايييتييييي !!!
مسكت نوف ليان من معصمها وشدتها معها للحمام وفتحت المويه وخذت شوي بكف يدها تمسحه على عباية ليان تنهدت من راحت البقعه وقالت : بس راحت
ابتسمت ليان برضى ورجعو للبنات برا ماهي دقايق الا وجت اساميهم كلهم بحكم ان عبدالرحمن هو الي رح يوصلهم وصلت نوف اول وحده ونزلت من السياره تودع البنات وطلعت من شنطتها مفتاح البيت ودخلت وسكرت الباب خلفها دخلت ركض تدور فارس وانرسمت الابتسامه على شفتها مع شافتها واقف بالنص مع بوكيه ورد كبير باللون الابيض رمت شنطتها وفزت تحضنه وتقول : تخرررجتتتت فاااارسسس !!!
حضنها بيد وحده واليد الثانيه ماسك فيها الورد وقال : احلى من يتخرج يا عيون فارس !
بعدت نوف عنه ومد لها الورد واخذته تستنشقه ومسكت فارس من معصمه ووقفت عند المرايا ومدت له الجوال وقالت : صورني يلا
ابتسم فارس على فرحها الواضح وكشختها بعباية التخرج السوداء مع وشاح بني وقبعة سوداء اخذ لها صوره ومد لها الجوال وقال : شرايك ؟
اخذ الجوال تتامل الصوره وقالت : عشششقي موووت
______________________________
لفت اخر خصله من شعرها بجهاز الويفي وابتسمت برضى عن شكلها بفستان ابيض بسيط بحكم انه عقد قران وزواج وكل شي لانها بتروح معه لاجل شغله تنهدت تشوف اغراضها كلها ملمومه بشنط لفت على الباب او مادخلت العنود مع نايف ابتسمت العنود وقالت : يازين عروستنا يا ناااس
قلت نايف يده من يد العنود وراح ركض يحضن لين رفعته لين لحضنها وقالت : حبببييي اكثر واحد بيوحشني نيوفي
_ عشان مانطول فساتين البنات بنزلهم بالانستا _
تخصرت العنود وقالت : ايه خير ان شاءالله بس نيوفي تشتاقين له !
نزلته لين وفتحت يدها تحضن العنود وقالت : بشتااااق لكم كلكم وربي بفقدكم !
دخلت ليان وبيدها مسكة الورد الي كانت بالوان ورد بيبي بينك مع ابيض مع ورود صغيره باللون الوردي نكمل الحين مدت ليان المسكة حق لين وقالت : الشيخ جا تعالي وقعي
مشت ليان وخلفها لين والعنود ونايف ونزلو تحت بمجلس الحريم الي كان فاضي عشان توقع وتروح الصاله حيث كل اهلها هناك الباب ومدته للين الي بدت يدها ترتجف تنهدت تاخذ القلم الي وسط العقد وابتسمت من شافت توقيعه راحت عند خانة اسمها ووقعت عنده وحطت القلم داخل العقد بدت العنود تزغرط اما ليان رجعت العقد للشيخ من ورا الباب والتمو على لين يحضنونها طلعو العنود وليان وبقت لين لحالها تنتظر الحان الزقه عشان تطلع زادت دقات قلبها من سمعت الحان الزفه دليل على انها بدأت تقدمت كم خطوه تطلع من المجلس للصاله بخطوات بطيئه والي زاد توترها حضور الجميع ماكانت متوقعه هالكثر اخذت لها نفس وشدت على مسكتها لين وصلت الكوشه الي بنص الصاله وقفت عند الكوشه وتقدمو لها يسلمون عليها خالاتها وامها وجدتها وبرضو اهلها الثانين ابتسمت من التمو عليها البنات وانحشرو كلهم بنفس الكوشه وخذتهم السوالف زفرت نوف وقالت : يمه الايام تمر بسرررعه !
ضحكت العنود وقالت : ااااييي بكره تشوفين زواج ساره
توسعت عيون ساره وقالت : خييير شكو انا
تلاشت ابتسامة لين من جت امها تقول لها تقوم عشان يسلم عليها سلمان ويتوجهون للمطار
قامت تودع البنات بكل مافيها وتوجهت للمجلس مسكت مقبض الباب تفتحته لف عليها بكامل قواه لكن حس ان قواه كلها اختفت اول ماشاف طلتها بالابيض القصير تقدم لها يحاوط خصرها ويشدها لصدره يحضنها وكانه مو مصدق انها قدامه وصارت زوجته ابدا حاوطت رقبته بيدينها الصغيره مقارنة بيده يعني وقالت بصوت خافت : وحشتني
شد عليها اكثر وقال : جعلني فدا هالصوت
بعدت عنه بعد ماستوعبت انها طولت بحضنه رجعت خصله من شعرها خلف اذنها وقالت : بروح البس عبايتي عشان نروح
هز راسه سلمان بتفهم وطلع للسياره ينتظرها ماهي دقايق الا وجت لين وشابك يده بيدها وتوجهو للمطار
______________________________
بيت نوف وفارس |
ابتسم فارس بعد ماخلصت نوف سالفتها وقالت : بس والله يا مسرع الايام لكن تجمدت اول ماسمعت فارس يقول : الحين تخرجتي ابي بيبي
حمرّت خدودها وقالت : من وين اجيب لك بيبي ؟
ضحك فارس من عرف انها تضيع الموضوع وقال : نعمل سوا نجيب بيبي سوا ولا ؟
توسعت عيونها من فهمت قصده وضربت كتفه وقالت : فارس !
ضحك فارس وقال : هاه !
تنهدت نوف ونزلت راسها تلعب باصابعها وقالت : شوف ادري انك تبي طفل وانا كنت مانعتك من حقك لان مابي احمل وانا لسى ثالث ثانوي وضغوطات وحمل ويمكن اعيد السنه وقلت لك سابقا ان مابي بيبي الحين لين اتخرج وشسمه تخرجت الحين
ما مداها تاخذ نفس بعد الكلام الا ومسك فكها يقبل شفايفها ويحملها للغرفه وو ... 🫠 الباقي عليكم
____________________________
نكمل بعدين حبايبي ❤️
البارت 2238 كلمه اشوف احد يقول لي قصير وقسم بالله افصل عليه !!!

بنزل فساتين البنات انستا : 7ilox8u