جيتيني مثل الشروق الي محى عتم الليالي

Part 31

—
_________________________________
قامو البنات على صوت جدتهم ساره تقول : لا صلاة ولا عبادة ماغير مرقدين هنا !
فتحت نوف عيونها وقالت : ياخي شسالفه !
الجده ساره بحده : اخلصو علينا بنمشي للرياض !!
قامت نوف للحمام ( الله يكرمكم ) سوت روتينها وطلعت من الحمام ورتبت اغراضها وسكرت شنطتها ولبست عبايتها وتوجهت للاسطبل تودع الكّحيله
حضنت نوف الكّحيله وقالت : بتوحشيني يا الكّحيله !
طلعت نوف جوالها وخذت لها كم صوره مع الكّحيله وتوجهت للسياره وكانت اخر وحده تركب
فارس : قبل نمشي نسيتو شي ؟
كلهم بصوت واحد : لا
حرك فارس من المزرعه وكان في طريقه للرياض
الجوهره كانت جالسه قدام بجانب فارس لبست سماعتها وسكرت عيونها ونامت
اما ساره كانت تتابع جوالها بصمت ونوف عيونها على النافذه تناظر الطريق ولين وليان ولطيفه نايمين
____
بعد ساعتين وصلو الرياض تحديدا بيت الجد نزل عبدالله الاغراض داخل البيت وتوجهه لسيارة فارس ياخذ اغراض لطيفه اما لطيفه ودعت البنات وقالت : ادري بتنامون اذا صحيتو تعالو عندي !
ابتسمت الجوهره وقالت : تمام
راحت لطيفه السياره
عبدالله : ماتشبعين منهم ذول !
شهقت لطيفه وقالت : مسستحيل ذوول خواتي عبدالله تستعبط!
ضحك عبدالله وقال : الله يخليكم لبعض
حرك عبدالله ووصلو البيت ونزل الاغراض اما لطيفه صعدت فوق ونزلت عبايتها ودخلت الحمام تتروش بعدها طلعت ولبست تيشرت حرير ابيض مع شورت وفوقه روب وجلست تمشط شعرها ولفت على عبدالله الي كان منسدح على السرير يتابع جواله وقالت : مارح تنام ؟
فرك عبدالله عيونه وقال : انتظرك
ابتسمت لطيفه وقالت : ياررروحي
تقدمت لطيفه لعبدالله وطبعت بوسه على خده وانسدحت بجنبه ونامو
____________________________
بيت الجد عبدالله تحديدا شقة محمد |
دخلت الجوهره غرفتها وفصخت عبايتها وفتحت دولاب ملابسها وطلعت لها بجامه بارده عباره عن تيشرت قصير مع شورت لبستهم ومشطت شعرها وربطته وتوجهت لسريرها بدت تداهمها الهواجيس ونص الهواجيس هتان طردت الهواجيس عنها ونامت على طول
_________________________
شقة صالح |
تحديدا غرفة نوف وساره
طلعت نوف من الحمام بعد ماتروشت وتوجهت للتسريحه وبدت تمشط شعرها ولفت على ساره الي كانت تهوجس وقالت : هي سوير ؟
لفت ساره وقالت : هاه ؟
نوف : علامك ؟
ابتسمت ساره وقالت : بقول لك شي
عقدت نوف حواجبها وقالت : انطقي ؟
ابتسمت ساره وقالت : اسمعي هو بديت بديت احب عبدالرحمن
توسعت عيون نوف وقالت : يا راسي يا ساره !
غطت وجهها ساره وقالت : وشووو!
نوف : مالقيتي تحبين الا الجليد ذا ؟
عدلت جلستها ساره وقالت : اسمعي صدق انه بارد وماعنده مشاعر بس لا تساليني
غمزت نوف لساره وقالت : والله وبدينا نحب يا سوووير
خجلت ساره وقالت : خلاص قومي نامي !
قامت نوف من التسريحه وتوجهت لسريرها ونامت
________________________________
بيت عبدالله ولطيفه |
فتحت لطيفه عيونها ومدت يدها واخذت جوالها وشافت الساعه 6:17 قامت من السرير وتوجهت للحمام وسوت روتينها طلعت من الحمام وتوجهت للدولاب وطلعت لها تيشرت واسع لونه ابيض مو بنطلون اسود لبستهم وتوجهت للتسريحه وحطت شوي بلشر بعدها مسكرا وحطت روج ونزلت تحت وهي تدندن وشافت عبدالله جالس يتابع المباراه والصاله عفسه توسعت عيونها وقالت : عبدالله تستعبططط !
لف عبدالله وقال : شوي دقيقه بس قول
لطيفه بحده : عبدالله يا حمار قوم انقلع بالمجلس لان البنات رح يجون !
عقد عبدالله حواجبه وقال : ذول كل يوم يجون عاد ؟
غمضت لطيفه عيونها تمنع الغضب عنها وقالت : الصاله ليش عفسه !
ناظر عبدالله حوله وشاف ان الصاله جد عفسه ناظر لطيفه وابتسم لها وقال : اسف
لطيفه بحده : قوم انقلع لا تشوفك عيني بسرعه !
خذ عبدالله جواله وقام وقال : تمونين يالغاليه
بدت لطيفه ترتب الصاله بعدها خذت جوالها وكتبت بالقروب : بنات متى تجون ؟
نوف : اصبري مابعد نخلص
لطيفه : كويس بسوي القهوه والحلا
الجوهره : نوف وساره تعالو غرفتي
سكرت لطيفه جوالها ودخلت المطبخ وبدت تبدع شويات
__________________________________
بيت الجد عبدالله تحديدا شقة محمد |
دخلو نوف وساره الشقه وتوجهو لغرفة الجوهره
اما الجوهره كانت جالسه على تسريحتها تظبط شعرها ولفت على البنات الي دخلو وقالت : وش لبستو ؟
فتحت نوف عبايتها وقالت : تيشرت هتان وبنطلون
ابتسمت الجوهره اول ماجابت نوف اسم هتان ولفت على ساره وقالت : انتي سويره ؟
فتحت ساره عبايتها وقالت : تيشرت نوف وبنطلون نوف
عقدت الجوهره حواجبها وقالت : حشى انتو ماتلبسون ملابسكم حقتكم ؟
جلست نوف على السرير وقالت : لا
قامت الجوهره من تسريحتها ولبست عبايتها وقالت : تدرون ان عبدالرحمن تحت ولا لا ؟
قامت نوف عند المرايه وتنقبت وقالت : طيب خلنا ننزل يلا ؟
نزلو البنات تحت للصاله
الجده ساره : وانتو مغير برا البيت اهجدو !
الجوهره جلست بجانب جدتها وحطت راسها على كتف جدتها وقالت : بنروح عند لطيفه بس يا جده
الجده ساره : جدتس تقول لس قومي اذلفي
قامت الجوهره وقالت : افا يا جده
الجده ساره اشرت على عبدالرحمن وقالت : عاني اخوتس ينتظركم من زمان الوجه الزين ذا تخلونه ينتظركم !
ابتسم عبدالرحمن وتقدم وباس راس جدته وقال : جعلني افداك يا جده
الجده ساره مسكت وجهه عبدالرحمن وقالت : عاني اخوتس ماطلعتي حلوه زيه !
الجوهره بقرف : وع انا احلى منه ؟
الجده ساره : يلا يا وليدي تركد بسواقتك
ابتسم عبدالرحمن وقال : ابشري
عبدالرحمن : يلا اخلصي انتي وياها
راحو البنات ورا عبدالرحمن وشافو عند الباب العيال
عقد حواجبه فارس وقال : ايوه على وين ان شاءالله ؟
تنهد عبدالرحمن وقال : يبغون يروحون عند لطيفه حبيبتهم !
طلع هتان جواله ودق على عبدالله وقال : هي انت !
عبدالله : علامك انت سلم اول ؟
هتان : مخلي البنات يجون عندك وماتقول لنا ؟
ضحك عبدالله : وقال انا اصلا توني ادري وانطردت للمجلس تعالو
هتان : غصبا عنك بنجي
سكر جواله هتان وقال  : يلا بنروح معهم حنا بعد عبدالله لحاله
توجهو العيال مع فارس بسيارته
اما البنات راحو لعبدالرحمن بالسياره
ركبت الجوهره قدام وقالت : روح بيت عمتي نوال
عقد عبدالرحمن حواجبه وقال : ليه بعد ؟
لفت عليه الجوهره وقالت : بناخذ لين وليان
حرك عبدالرحمن السياره وقال : لاحول
وصلو بيت عمتهم نوال وطلعت ساره جوالها واتصلت ب لين
ساره : الو لين!
لين : هلا ؟
ساره : ترا حنا برا اطلعو
لين : تمام جايين
سكرت ساره جوالها وناظرت فوق بالمرايه ولفت انتباها عبدالرحمن كان يناظرها جت عينها بعين عبدالرحمن نزلت عيونها وقربت من نوف الا وفتحت ايام الباب تقول : تاخرنا عليكم ؟
ضحك عبدالرحمن : ماعلينا اذا تاخرتو ولا لا علامك هاديه؟
ليان بحده : انا من يومي هاديه انقلع بس
ضحك عبدالرحمن وقال : ايوه هاذي ليان الي اعرفها
حرك عبدالرحمن واخيرا وصلو نزلو البنات ودخلو على طول داخل
لطيفه : اخيييرا جيتو
تقدمت لين وحضنت لطيفه وقالت : وحشتيني
فصخت الجوهره عبايتها وقالت : توكم شايفين بعض الظهر تستعبطون ؟
ضحكت لطيفه وقالت : مانقدر نشتاق حق بعض
جلست ساره بالارض ومدت رجلينها وقالت : تعبت !
ضحكت لين وقالت : من وشو ؟
ساره : من النوم
لطيفه : يلا اجلسو وش تنتظرون
جلسو البنات وبدت لطيفه تقطع لهم الكيكه وبدو ياكلون
لفت لطيفه على نوف الي كانت غرقانه بالهواجيس وقالت : انتي مو طبيعيه اليوم !
لفت نوف وقالت : هاه تكلميني ؟
ضحكت لطيفه وقالت : ايه اكلمك
تنهدت نوف وقالت : عرسي قرب
رفعت لطيفه حاجبها وقالت : ايوه ادري ؟
غطت نوف وجهها وقالت : ماني مستعده
ضحكت لطيفه وقالت : ترا بالبدايه الوضع غريب بعدين يصير عادي
نوف : احلفي عاد !
لطيفه عدلت جلستها وقالت : انتي الي عليك ماتتوترين الحين
نوف : والله محد يوترني الا نصايحك
لطيفه : شريتي ملابس ؟
نوف : ايوه شريت ؟
ابتسمت لطيفه وقالت : الي قلت لك شريتي !
توسعت عيون نوف وقالت : طبعا لا !
ساره بحده : حماره مو راضيه تشتري !
نوف : لان يع !
لطيفه بحده : حبيبتي وش يبي منك فارس لابسه له بجامه عاديه كيف بيشوف جسمك !
غطت نوف وجهها وقالت : لطووووف خلاص !!
لطيفه بحده : لا مو خلاص بكره يرجعك للبيت يقول ذي مامنها فايده
توسعت عيون نوف وقالت : وليه هو متزوجني عشان البس له قصير يعني !
الجوهره بقرف : خلاص انتو الله يقرفكم !
__________________________
عند العيال |
عبدالله : شصار على الحلوه تخطيتها ؟
تنهد فارس وقال : الصراحه لا
توسعت عيون عبدالله وقال : انا اقولك للمره المليون انساها
فارس بحده : ياخي انا ماني راعي ذي الحركات حتى لو اني عزابي يا شيخ بس جابت راسي مدري شلون
عبدالله : اقول لك لا تجيب طاري عند نوف ولا تتكلم لان صدقني بتزعل
فارس : انا داري انها بتزعل !
عبدالله : انا قلت لك انساها يا ولد
فارس : ان شاءالله
سعد : دام ان الوضع زهق ليه مانروح البحر مع البنات ؟
عبدالرحمن : الله يالبحررر وحشني
هتان : اول مره تفكر زين
توسعت عيون سعد وقال : وش قصدك يا حقير ؟
هتان : اهم شي انك فهمت
_________________
نكمل بعدين حبايبي ❤️
سولفو لي عن البارت اذا عجبكم ولا لا 🫡

حياكم انستا 🫣