جيتيني مثل الشروق الي محى عتم الليالي

Part 19

فـي بحـر عينـيك هَـامـت كـل أشواقٌيِ
يـَاسَيد الحسـنِ هَـل تَـنوي إغرَاقـي ؟

طبعا البنات كانو ميتين تعب وكلهم نامو

نروح للفندق عند لطيفه وعبدالله |
حط عبدالله البطاقه عشان ينفتح الباب اول مانفتح قال : سمي يا حبيبتي
دخلت لطيفه وجلست على طول وكانت ميته تعب
عبدالله نزل بشته وقال : اسمعي بروح اجيب عشا واجيتس
ابتسمت لطيفه وقالت : خذ راحتك
نزل عبدالله عشان يجيب العشاء وفزت لطيفه تفصخ الفستان وتتروش على السريع بعد ماخلصت نشفت شعرها ولبست فستان نوم حرير وكان قصير فوق الركب وكان عليه روب وكان الطقم ابيض وحطت شوي مسك وحطت مرطب على شفايفها وخدها وجلست تنتظر عبدالله
دخل عبدالله واول ماجت عينه على لطيفه وقال : والله كثييير على قلبي يا لطيفه
لطيفه : تعال بس
جلسو يتعشون وكان عبدالله يناظر بالطيفه
لطيفه : شفيك ماتاكل ؟
عبدالله : شوفتس تشبعني
توسعت عيون لطيفه وقالت : تستهبل انت ؟
عبدالله : لا والله شبعان حبيبتي
لطيفه تركت الي بيدها وقالت : طيب مابي خلاص
عبدالله : متاكده ؟
لطيفه : اي؟
عبدالله تحرك من مكانه وشال لطيفه على ظهره وقال : طيب قومي ننام
لطيفه بخوف : نزززلني عبدالله تستهبل ؟؟؟
عبدالله رامها على السرير وقال : بتروش انتظريني
لطيفه : طيب طيب
دخل عبدالله بكل روقان يتروش ولطيفه كانت جالسه بالغرفه ولمحت جوال عبدالله وخذته وقالت : من اول يوم افتش جواله الله يسامحني !
فتحت الجوال ودخلت على المكالمات ولمحت اسم مكتوب
" اغلى ماملك ❤️❤️"
توسعت عيون لطيفه وتجمدت اطرافها ونزلت دموع منها وقالت : حسبي الله ونعم الوكيل فيك يا عبدالله!
دقت على الرقم وكانت تنتظر الرد بفارغ الصبر
نوف بنعاس : هاه يا عبدالله!!
توسعت عيون لطيفه وقالت : نوف !
نوف : خير لطيفه شتبين شصاير ؟
لطيفه بربكه : لا مافي شي بالغلط خلاص تصبحين على خير
نوف : انقلعي بس
*انتهت المكالمه*
لطيفه بدموع : ياخي انا وش فيني من اول يوم اشك !
طلع عبدالله من الحمام والمنشفة على خصره وشعره مبلول ولمح لطيفه الي كانت غرقانه دموع وتوجهه لها بكل سرعته وجلس عند رجولها وقال : لطيفه شفيك تبكين ؟؟!!!!
لطيفه مسحت دموعها وقالت : يا عبدالله مدري وش فيني من اول يوم اشك فيك فتحت جوالك ودخلت المكالمات وشفت اسم مكتوب اغلى ماملك حسببببتها بنت تخوني طلعت نوف وربي اااسفه !!
عبدالله تنهد وقام من عند رجولها وحضنها وقال : يا لطيفه خطاك بعيوني صواب لا تتاسفين عادي والله من حقك يا عيوني انتي
لطيفه : وربي اني افشل تكفى سامحني يا عبدالله
عبدالله بعد لطيفه من حضنه وتوجهه للشنطه يطلع ملابسه وقال : خليني البس بس وحسابتس معي
توسعت عيون لطيفه وقالت : شقصدك وش حسابك معي ؟
عبدالله ضحك : ايييوه فهمتي علي
انصدمت لطيفه وخبت نفسها بالبطانيه
بعدين صار الي صار 🫠
_________________________________
اليوم الي بعده الي هو الغداء العائلي بمناسبة زواج اكبر حفيد عبدالله ونروح الى الدور الرابع الي قبل السطح كانت غرفه فاضيه فيها فرش وحوسه ومكياج لان ذي غرفة البنات اذا اجتمعو مع بعض ونامو
نوف : انا خلصت الحين بنزل تحت
الجوهره وهي تلبس الكعب : ثواني بجي معس
نوف : يلا
نوف مسكت يد الجوهره وتوجهو تحت وكانت نوف لابسه فستان اسود فيه فتحه من فوق وطويل الاكمام وقصير من تحت ومكياجها الي بارز ملامحها بشكل وكعبها الاسود الطويل  وشعرها الاسود الويفي اما الجوهره وش نقول عنها ؟ الي كانت لابسه فستان ازرق مفتوح من فوق كله ومن تحت قصير ومن الاطراف ازرق فاتح ومكياجها العسول وكعبها الابيض وشعرها الطويل الي كان ستريت