والله وشبـكنا الايـادي قـدام كـل الاعـادي ❤️ ____________________________ واخيرا اليوم الثاني ليلة الزواج | رن منبه نوف وفتحت عيونها تاخذ جوالها تسكر المنبه وقامت على طول للحمام ( الله يكرمكم ) وسوت روتينها المعتاد وطلعت تصحي البنات وقالت : قووومووو يلااا عشان نروح الصالون ! فتحت لين عيونها وناظرت ساعتها وقالت : الساعه احدعش ! تخصرت نوف وقالت : على ما تخلصون جت وحده ! قامو البنات على طول يجهزون اغراضهم عشان يروحون الصالون ونرجع عند نوف الي خذت لها شنطه كبيره للصالون وحطت اكسسوارتها وكعبها وعطوراتها والطرحه والتاج الالماس والروب حقها وسكرت الشنطه وبدلت ملابسها ولبست بنطلون اسود مع توب لونه رمادي ولبست عبايتها تنتظر البنات جهزو البنات فساتينهم واكسسواراتهم واغراضهم وتوجهو للدور الارضي مرام بصراخ : يلا يا بنات !!! نوف : ان شاء الله يمه ركبو البنات السياره متوجهين للصالون عبدالله : والله يا نوف كبرنا وبتتزوجين ! عقبال سوّير توسعت عيون ساره وقالت : شفيك انت هد حبيبي عقد عبدالله حواجبه وقال : لييييه عقبالك ابتسمت ساره وقالت : ان شاءالله ليش لا غطت نوف وجهها وقالت : دقيقه خلوني استوعب بنات ضحكت لطيفه : وقالت تصير تصير كانك انا يومي زواجي لف عبدالله على لطيفه وشبك يده بيدها نوف بقرف : يع مو وقتكم !!! __________________ وصلو البنات الصالون وراحت نوف مع ساره بغرفة خاصه للعرايس والغرفة ذي داخلها غرف زياده لمرافقين العروسه دخلو البنات غرفة العروسه وانذهلو من المكان لان كان كبير وحلو الكوافيره : وين العروس ؟ نوف : انا ! الكوافيره : اذا خلصتي تعالي عشان نبدا الشعر نغلسه كويس نوف : تمام فصخت نوف عبايتها وحطتها بالشنطه وخذت جوالها وجلست على الكرسي وبدت الكوافيره تغسل شعرها وجو الكوافيرات الثانين عشان يشتغلون على البنات خلصت نوف من غسل شعرها ونشفته لها الكوافيره وبدت تسوي شعر نوف سراميك وويفي والتسريحه والبنات برضو نفس الشي كانو كلهم بوقت واحد بداو في الشعر لين : والله جوع تبون اطلب اكل ؟ توسعت عيون نوف من سمعت طاري الاكل وقالت : تكفييين ايييي !!! لين : ابشري نوّيف بدت لين تطلب اكل لها وللبنات "بعد نص ساعه" وصل الاكل واخذو بريك شوي عشان ياكلون نوف : من التوتر معرف اكل زي الناس ضحكت لطيفه وقالت : يا عزتي لك يا نوف نوف : شسوي في الدخله ! توسعت عيون لطيفه وقالت : تستعبطين ؟ شلون وش اسوي نوف : هو اعرف بس ذكريني تركت لطيفه اكلها ولفت على نوف وقالت : اول شي بتدخلين تمشين شوي شوي بعدها رح يجي ابوك بالنص يوديك لفارس وفارس رح يمسك يدك ويبوس راسك وعاد الباقي دبرو نفسكم تجمعت الدموع بعيون نوف وقالت : بابا وحشني مره ! قامت الجوهره وقالت : بروح اكمل شعري وانتو انثبرو هنا قامت نوف وقالت : اصبري معك معك خلصو اكلهم ورجعو يكملون شعرهم بعد ثلاث ساعات من الوقت خلصت نوف المكياج حقها وبدت الكوافيره تظبط التاج والتسريحه مع بعض اما نوف كانت تتامل شكلها بالمرايا وكانت نفس ماتبي بالظبط الكوافيره : وخلصنا ! ابتسمت نوف وقالت : شكررررا حبيبتي الكوافيره : عفوا حبيبتي راحت الكوافيره وقامت نوف تاخذ صور بجوالها لين مادخلت عليها ساره وهي تقول : نوف بتتزوجين وتخليني منجد ! لفت نوف على ساره الي كانت بكامل اناقتها وتجمعت الدموع بعيونها وقالت : لا يا ساره مو وقتك فزت ساره تحضن نوف وتقول : يالله يا نوف !!! نوف بادلت ساره الحضن وقالت : وشو ذا الزيين ابتسمت ساره وبدت تدور عشان نوف تشوف شكلها طبعا ساره كانت لابسه فستان لونه بيبي بينك مع قليتر فضي ووشاح ريش لونه ابيض وشعرها كان مفتوح كله ويفي ومن قدام مرفوع مع كعب ابيض ومكياج بارز ملامح حلوتنا ساره ساره : بروح اشوف الجوهره واجيك شوي ! نوف : تمام راحت ساره الغرفه ودقت الباب وقالت : الجوهره ادخل ؟ الجوهره : اي تعالي ! دخلت ساره على الجوهره الي تلبس اكسسوارتها كـ اخر لمسه بس وقالت : هاه شرايك ! طبعا شقرتنا الجوهره كانت لابسه فستان فوشي او وردي غامق منفوش من تحت ومن الاكتاف منفوش ومن فوق كله مفتوح وشعرها كان كله مفتوح على جنب مع ويفي خفيف من تحت مع كعب فضي ومكياج مناسب لملامح وجه شقرتنا الجوهره ابتسمت ساره وقالت : عسل عسل ! دخلت عليهم لطيفه مع فستانها الي لونه احمر ضيق على الجسم وفيه نفشه على فوق واقف مع تسريحة شعرها رفعت خصل من قدام وباقي شعرها ويفي خفييييف اما اكسسوارتها الالماس الجميله و كعبها كان احمر قصير ومكياجها الي برز ملامح جميلتنا لطيفه توسعت عيون الجوهره وقالت : انا ثوره وذي لابسه احمر !! ضحكت لطيفه وقالت : شدعوه عاد الجوهره ! ساره : كلكم حلوووويووووننن ! لطيفه : الجوهره وساره انتو التوب اليييوم! ليان بحده : تخسين وتعقبين عاني جيتس بالازرق الي يخليك تغررقييين فيه ليان كانت لابسه فستان ازرق مفتوح من فوق ومنفوش من تحت فيه فتحه من فوق الركبه مع شعرها الي كانت مرجعته ورا اذنها والباقي كله ويفي مع اكسسوارت بسيطه حلتها زايده و كعب بيج مخمل اما مكياج ليان كالعاده جريئ الي رسم وجهه عصوبتنا ليان لفت لطيفه على ليان وقالت : انشهد اني غرقت صدق ! رجعت ليان شعرها على ورا وقالت بكل ثقه : يحق لك حبيبتي ! ساره بقرف : و ع ليان بحده : وع انتي ! دخلت عليهم لين وهي تتحلطم تقول : يع يع الفستان مو حلو ! توسعت عيون الجوهره وقالت : لين تستعبطين ! والله حلو لين بحزن : والله يع ! طبعا بنتنا الهاديه كانه لابسه فستان لونه لحمي كذا ومن اليد اليمين كله مفتوح اما اليسار كله كم طويل وبالنص فيه ريش وضيق من الخصر ومنفوش من تحت شوي مع كعب نفس لون الفستان فيه فراشه فضيه مع تسريحة نص مرفوع ونص مفتوح وكان ويفي مع اكسسوارت محليه جسمها ومكياج هادي مناسب وجهها الطفولي دخلت عليهم نوف بالطرحه والروب وكانت جاهزه تماما بس ناقص الفستان ابتسمت نوف من شافت البنات وقالت : بنات تجننننووون لفو البنات كلهم على نوف وفزو يحضنونها لين : تكفين ببكي يا نوف نوف : حتى اننننا بس مقدددر مسكت ساره يد نوف وقالت : يلا امشي البسي فستانك عشان نروح القاعه راحو ساره ونوف عشان تلبس الفستان بمساعدة ساره بعد تقريبا عشرين دقيقه لبست نوف الفستان وبدت تتامل شكلها بالابيض لفت على ساره الي كانت تتاملها والدموع بعيونها وقالت : تكفين ساره لا تناظريني كذا ولابصيح مسحت ساره دموعها وقالت : والله مو مصدقه نروح لكشخة عروستنا نوف كانت جميله جدا بفستانها الابيض الي من قدام كان عادي ومن ورا اطول وكانت ابيه اشكال معرف كيف اشرحها بس نروح للطرحه البيضاء الي كانت مرصعه باللولو الصغير مع تاج الماس واكسسورارت الماس مع شعرها الي كان ويفي مفتوح وكعب ابيض طويل ومكياج يبرز ملامح عروستنا طلعت نوف بفستانها عشان يشوفونها البنات ابتسمت لطيفه من شافت نوف بفستانها الابيض وتوجهت تحضنها وقالت : يالله يا نووووف تجننننيننن البنات فزو يحضنون نوف ويمدحونها ويخففون عنها التوتر شوي اتصل عبدالله عليهم ولبسو عبايتهم واخذو اغراضهم وساعدو نوف وركبو السياره وتوجهو للقاعه بحيث الباقي موجودين هناك دخلو البنات غرفة العروسه وكان الوضع متوتر شوي وكانو يهدون نوف ويسولفون معها يغيرون لها جو اما ساره قالت : بروح اشوف التجهيزات برا الجوهره وين ؟ لين : شسمه الجوهره راحت تشوف الضيافه اتوقع ساره : طيب قومي معي يلا قامت لين مع ساره وراحو يشيكون على القاعه ______________________ قاعة الرجال | فارس بصراخ : عبدالرحمن يرحم لي والدينك لاتصير غبي عاد ؟ عبدالرحمن بحده : ياخي انت ما يعجبك العجب جالس اسوي نفس ماتقول ادور بالبخور ! فارس : طيب عجل بسرعه لف فارس وجلس يدور شماغه وقال : ياسلمان ! وين شماغي يا ولد !! فز سلمان وراح لفارس وقال : مدري يمكن عند الحريم عقد حواجبه فارس وقال : وش دخله عند الحريم ؟ رفع سلمان كتوفه وقال : مدري سكر فارس عيونه يمنع الغضب وقال : روح جيبه لو سمحت دخلو هتان وعبدالله بعد ماشيكو على الضيافه والرجال الي يضيفون المعازيم هتان بحده : ياولد انت شفيك معصب وتصارخ مسوي يعنني زواجي ومشتط فارس : هتان دز امها بس وانقلع عني وجهي بسرعه ! هتان : دز امها انت _______________________ دخل سلمان عند قاعة الحريم وكانت فاضيه تمامًا بدا يلف راسه يمين يسار يشوف اذا فيه احد لكن لمح وحده واقفه عند المرايه الي فيها اسم فارس ونوف وحولها ورود وجالسه تصور ابتسم سلمان من بانت ملامح وجهها وعرف انها لين تقدم لها ووقف قدامها وقال : وش ذا الزين يا لين ! انشهد انتس موتنّ حمّر ! فزت لين من سمعت صوته ولفت عليه وقالت : خير انت ؟ ماتستحي ؟ سلمان بخبث : لا عقدت لين حواجبها وقالت : تراني ماحلّ لك صد عني سلمان تكفى ! ضحك وقال : ما ردك بتصيرين زوجتي يا لين كذا ولا كذا بشوفك توسعت عيون لين وقالت : دقيقه دقيقه مين قال ؟ حط سلمان يده على الجدار وقال : انا قلت شفيك ؟ تنهدت لين وقالت : الله يعين زوجتك عليك سلمان بخبث : الله يعنيك انصدمت لين وماقدرت ترد وحست انها زودتها معه وحطت رجلها وركضت داخل ضحك سلمان وراح يدور شماغ فارس __ دخلت لين الغرفه وهي تلهث من الركض نوف : بسم الله شفيك ؟ رفعت لين راسها وقالت : مافيني شي العامل كان برا وجيت ركض حطت نوف يدها على قلبها وقالت : حسبت صار شي جلست لين بجانب نوف ولاحظت رجفة يد نوف ومسكت يدها وقالت : اهم شي لا تتوترين عادي _________________ بعد مرور ساعتين بدت القاعه تمتلي من المعازيم من جهة الرجال والحريم نزلو ساره والجوهره يرحبون بالمعازيم من مريم ومرام والجده ساره اما باقي البنات كانو مع نوف كانت القاعه صاخبه من الاغاني والرقص والسوالف ذي تقدمت وحده من المعازيم للجوهره وقالت : السلام عليكم ابتسمت الجوهره وقالت : يا هلا وعليكم السلام ؟ ام سلطان : انتي بنت مين ؟ عرفت الجوهره ان في ان بالموضوع وقالت : انا اخت المعرس ابتسمت ام سلطان وقالت : ما شاءالله انتي بنت مريم ومحمد ؟ الجوهره : ايه ! ام سلطان : عطيني رقم امك يا بنتي ؟ توسعت عيون الجوهره وقالت : وشو ! ام سلطان بحده : رقم امك امك ! طلعت الجوهره جوالها وطلعت رقم هتان ونقلت ام سلطان الرقم وقالت : هاذا رقم امي ابتسمت ام سلطان وقالت : الله يحفظك يا بنتي توترت الجوهره وقالت : ياويل حالي صدق توجهت الجوهره لساره وقالت : بروح اشوف نوف واجي راحت الجوهره لغرفة نوف وفتحت الباب وشافت نوف تروح وتجي والتوتر مسيطر عليها الجوهره : نوف ! نوف يخوف : وشو الزفه الحين ! الجوهره : لا بسم الله عليك اجلسي اجلسي جلست نوف وقالت : مدري متوتره مو قادره لدرجة خليت لطيفه اطلع ابي اجلس لحالي ! الجوهره جلست بجانب نوف وبدت تهديها شوي _______________________ قاعة الرجال | بدت العرضه عندهم وبدو الرجال يرقصون بسيوفهم واخذ فارس سيف وبدا يرقص معها وشاش راس عبدالرحمن واخذ سيف ومسك ذراع فارس وبداو يرقصون مع بعض وانضمو معهم باقي العيال وكان الكل مذهول من احفاد عبدالله بعد العرضه جلسو الضيوف وبداو الرجال يضيفون جت مكالمه لصالح من مرام واخذ جوالها وطلع برا الصوت المزعج وقال : هلا مرام ؟ مرام : يلا ادخلو كلكم عشان الزقه صالح : يلا جايين سكر صالح ورجع داخل واعطى خبر لفارس وهتان وعبدالله عشان يدخلون قامو العيال خلف صالح وتوجهو عند باب قاعة الحريم وجت ساره وقالت : ادخلو يلا بسرعه قاعة الحريم كانو كلهم متغطين والاضواء مسكره انفتحت البوابه ودخل فارس بجنبه صالح وخلفهم هتان وعبدالله ومشو للمسرح وبداو يرقصون شوي لين جا وقت زقة نوف ____ غرفة نوف كانو معها لين ولطيفه لطيفه : نوف اخلصي يلا نوف : دقيقه لين تعدل روجي ! لين : يلا يلا خلصت مسكو البنات فستان نوف وطلعو من الغرفه ووقفو قدام البوابه قبل تفتح وبداو يعدلون الفستان لين افتحت البوابه وراحت الاضواء كلها على نوف الي كانت طالعه من البوابه وبدت الاغنيه وبدت نوف تمشي معها بكل هدوء وكانو الجميع الي في القاعه مصدومين من جمال نوف وصلت نوف للنص وتقدم لها ابوها ونزل من المسرح متقدم لها وهمس لها : الله يتمم لك على خير قشعر جسم نوف من قال لها ابوها الكلمه هاذي وتجمعت الدموع بعيونها لكن مسكت نفسها وتنهدت ومسكت ذراع ابوها وبدت تمشي معه لين وصلت معه للمسرح وفز فارس ومسك يد نوف وبدا يساعدها تشيل فستانها لين وصلت المسرح وباس راسها فارس صالح : اسمع يا فارس بنتي طلعت من مسؤوليتي وراحت لمسؤوليتك انت بنتي تحطها بعيونك سامع! ابتسم فارس وقال : ابشر يا عمي بحطها بعيوني الثنتين عبدالله : لو ترجع نوف البيت زعلانه بسبتك والله لا ادوسك ضحك فارس وقال : ابشر يا النسيب هتان : اقول اقول عاد لا تفلها تراها اختنا قبل تصير زوجتك فارس : شغلي معك بعدين حبيبي لف فارس على نوف الي كانت مستحيه وقال : صدق سبحان من سواك ابتسمت نوف وقالت : بعدين بعدين امدح المصوره : يلا طالعو الكميرا 3 2 1 شبك فارس يده بيد نوف وناظرو الكميرا وصور صوره بعدها جو مريم ومرام للمسرح وسلمت عليهم نوف وباست راسهم وقالت : يما شوفيني صرت عروس ! ابتسمت مرام وقالت : عقبال اخوانك ان شاءالله يا حبيبتي مريم : بسم الله يا نوف والله انك تهبلين ابتسمت : حياتي عمتي احبك والله مريم لفت لفارس وقالت : يلا اطلع شوي وتجي نوف فارس : ابشري طلع فارس من القاعه وراح لغرفة نوف اما البنات كلهم توجهو لنوف وبداو يسلمون عليها ويحضنونها ويباركون لها وياخذون كم صور مع المصوره قامو البنات يرقصون مع نوف شوي لين مسكت الجوهره يد نوف عشان تروح الغرفه تصور مع فارس رفع راسه فارس من سمع صوت الباب ينفتح ودخلو نوف والجوهره مع بعض ابتسم فارس وقال : بتذبحوني انتو وش ذا الزززين ابتسمت الجوهره وفزت ركض تحضن فارس بادلها فارس الحضن ودخلها داخل بشته وباس راسها وقال : يا نظر عيني بس اختي وحيدتي بنتي ! ابتسمت الجوهره وبعدت عن فارس وخذت جوالها تصور معهم الا ودخلت المصوره وراحت الجوهره بعيد وجلست تناظرهم من بعيد المصوره ثبتت الاضاءه والاغراض وقالت : ايوه قربو من بعض شوي ! قربو فارس ونوف من بعض عقدت المصوره حواجبها وقالت : امسك خصرها وقرب منها توسعت عيون نوف وقالت : دقيقه وشو ! المصوره : خليه يمسك خصرك لف فارس على نوف ومسك خصرها وشدها لصدره وهمس لها وقال : شفيك مصدومه حاوطت نوف رقبته وقالت : مالك دخل ضحك فارس على على نوف الا وقاطعهم الجوهره الي فجاه وقفت بالنص تبي تطلع معم بالصوره ضحكت المصوره وبدت تصورهم عقد فارس حواجبه وقال : خير تمونين ؟ الجوهره : غصبا عنك فارس : يلا بطلع اجيب السياره جهزو نوف الجوهره : تمام طلع فارس من الغرفه ودخلت ساره على طول وخذت شنطة صغيره حقت نوف وعطتها هي وقالت بحزن : يالله يا نوف كيف بنام الحين بالغرفه ! ضحكت نوف وقالت : كذابه انتي تبغين الفكه ! ضحكت ساره وقالت : اما تم القبض جت الجوهره ولبست نوف عبايتها وطلعت معها عند الباب وجا عبدالله واخذ نوف وسلم عليها وحضنها وقال : بقول لك شي بس ماتقولين حق لطيفه ؟ ضحكت نوف وقالت : وشو؟ همس لها عبدالله وقال : شكلك بالابيض احلى من لطيفه بيوم زواجنا ضحكت نوف وقالت : يا خراشي يا عبدالله قاطعهم صوت بوري فارس يقول : اخلص ركبها بلى ضحك بلى خرابيط ركب عبدالله نوف وساعدها بالفستان وقال : يالله استودعتكم الله حرك فارس وقال : اخيرا اليوم الي انتظرته ابتسمت نوف وقالت : صدق ؟ فارس شبك يده بيد نوف وقال : اكيد بعد عشر دقايق من الصمت وصلو الفندق ونزل فارس مع نوف وراحو عند الاستقبال واخذ البطاقة حقت الغرفه وتوجهو للمصعد متوجهين للدور الي فيه غرفتهم وصلو غرفتهم وفتح فارس الباب وقال: تفضلي ابتسمت نوف ودخلت وفصخت عبايتها ورمتها على السرير فصخ فارس البشت مع الشماغ وقال : انا بروح اجيب لنا اكل خذي راحتك ابتسمت نوف وطلع فارس من الغرفه وتنهدت نوف وفصخت فستانها وفتحت شنطة الملابس لكن لاحظت الملابس كلها حرير ورفعت حاجبها وقالت : شنو ذا ؟ فتحت قطعه من الملابس وكانت فستان حرير قصير فوق الركبه معه روب وباقي الملابس كانت مشابهه له شافت ورقه بالشنطه مكتوب فيها : من لطيفه وساره نحبك ❤️ توسعت عيون نوف وقالت : سويتوها !!!! بدت نوف تدور استر شي موجود بالشنطه لكن كانو كلهم قصار واخذت استر شي بالنسبه لها وكان فستان حرير عند الفخذ لونه ابيض معه روب ابيض نفس الشي ودخلت الحمام ورفعت شعرها وغسلت الميكب وخذت لها شاور وطلعت من الحمام وبدت تنشف شعرها بعدها حطيت كريم على وجهها مع مرطب وتنت ومسكرا وحطت مسك على اماكن النبض وحطت بودر لكن من سمعت صوت الباب دخلت الحمام على طول دخل فارس الغرفه وحط الاكل وبدا يفتح ازار الثوب وقال: نوووف يلا الاكل نوف : دقيقه شوي جلس فارس ينتظر نوف لين ماطفح الكيل عنده وراح يدق باب الحمام وقال : نوف فيك شي ؟ نوف يخوف : لا لا فارس : متاكده ؟ نوف : اسمع انت طالع ورا وانا بطلع فارس بعدم استيعاب : ليه ؟ نوف بحده : طالع ورا ! لف ظهره فارس وفتحت نوف نص الباب تتاكد لين شافته معطيها ظهره طلعت من الحمام وسكرت الباب ومع الصوت لف فارس عليها وتجمدت نوف بمكانها وتوسعت عيون فارس وقال : ياويل حالي بس ارحميني ! نوف بخجل : شتبي ! مسك فارس خصر نوف وثبتها على الجدار وقال : انتي عارفه وش ابي صح ؟ توسعت عيون نوف وقالت : يرحم امك مو الحين ضحك فارس وشال نوف وحاوطت خصره فخوذها الناعمه ومدت يدها تحاوط رقبته ابتسم فارس وسدح نوف على السرير و ...🫠 ____________________________ نكمل بعدين حبايبي ❤️❤️❤️ شرايكم بزواجهم الي الكل ينتظره ؟ البارت 2521 كلمه تكسسسرت يدي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
