جيتيني مثل الشروق الي محى عتم الليالي

Part 56

—
____________________________
رفعت راسها وانهارت بكاء من شافت راكان بالارض والدم يملي الغرفه بدت تصرخ زي المجنونه بالضبط دخلو العساكر واخذو مشعل وبدا يصارخ : والله ماخليك يالعنود ! تقدمو عساكر ثانين ياخذون العنود بوسط صراخها : رااكااان !!! قدرت تفلت منهم وجلست بالارض بوسط الدم مسكت خده تحاول تصحيه لكن مافي امل اخذوها العساكر وطلبو الاسعاف لراكان اعطوها شي يغطيها بحكم انها بدون عبايه ولا شي ركبت معه سيارة الاسعاف لين وصلو اخذوها يشيكون عليها وحطو لها مغذي بحكم انها اكثر من يوم ونص مو ماكله شي وجسمها كدمات وراسها ينزف خيطو جرحها الي كان بسيط جدا لكنه مؤلم اعطوها مهدي ومنوم برضو ونامت
" بعد اربع ساعات " فتحت عيونها بصعوبه لفت راسها ولمحت امها جالسه على الكرسي تقرأ قرآن قالت بصوت خافت : يمه
رفعت راسها الجده ساره وسكرت المصحف مسحت على راس العنود وقالت : تو ماقرت عيني يالعنود ! مسكت يد امها وقالت : وين راكان ؟ تنهدت الجده ساره وقالت : تو طلعوه من العمليات
تجمعت الدموع بعيونها وقالت : ابي اشوفه يمه تكفين ! قامت العنود ولبست عبايتها وحطت طرحتها بشكل عشوائي على راسها ومشت بمساعدة امها دخلت الغرفه شافت الاجهزه المركبه حست برجولها ماتشيلها ابدا طلعت من الغرفه وانهارت بكاء بالسيب - تقريبا المغرب جو البنات بدون لطيفه كلهم حضنو العنود حضن جماعي ساره : وحشتيييني ابتسمت العنود وقالت : انتو كلكم وحشتونيي خذتهم السوالف وقالت لهم العنود كل الي صار وكذا يعني فتحت نوف شنطتها وطلعت السونار وقالت : اسمعوني انتي وهي
نزلت الجوهره كوب القهوه وقالت : هاه !
رفعت السونار بدون تنطق اي كلمه عقدت ساره حواجبها وقالت : وشو ذا ؟
شهقت العنود وقالت : حامل !!
تجمعت الدموع بعيونها وقالت : ياخي ماعرف ! شسوي ماهر اتعامل مع الاطفال
ضحكت ليان وقالت : ابك ذي من جدها تبكي ؟
فزت ساره تحضن نوف بوسط بكائها العنود : فارس يدري هزت راسها نوف بمعنى " لا " احتدت ملامح العنود وقالت : اليوم اجلسي معه وقولي له !
مسحت نوف دموعها وقالت : ان شاءالله
____________________________
بيت نوف وفارس |
سكرت الباب الداخلي وفصخت نقابها وقالت بصوت عالي : تراني جيت
علقت عبايتها بالشماعه وطلعت السونار وحطته بجيبها لبست السليبر ودخلت الصاله ابتسمت من شافته مندمج بالتلفزيون وبيده ايسكريم رمت نفسها بحضنه وترك الايسكريم على جنب وحضنها زفرت وقالت : اهخ حضنك دافي مررره
ابتسم بخفه وقال : شخبار العنود ؟
شدت عليه وقالت : الحمدالله احسن
بعّدت عن حضنه ودخلت يدها بجيبها تطلع السونار طلعته بعدين قالت : سكر عيونك سكرها بدون ينطق اي كلمه حطت السونار بيده وفتح عيونه ولحس من ملعقة الايسكريم عقد حواجبه وقال : فيتس حصوه ؟ احتدت ملامحها وسحبت السونار منه واشرت على النقطه وقالت : يا احول ! ذا النقطه ورعنا انا وانت ! توسعت عيونه وخنقته العبره بلعت ريقها نوف من شافت الدموع متجمعه لدرجة الرؤيه صارت مغبشه حاوطت رقبته تحضنه وتقول بصوت خافت : شفييك !!! المفروض تنبسط ! حست بدموعه على رقبتها وشد على خصرها يحضنها مسكت يده متوجهين للغرفه عشان ينامون ومن الفرحه فارس مو قادر ينام
____________________________
بيت لطيفه وعبدالله |
تنهدت تسدح الدانه بسريرها بعد مانومتها توجهت للتسريحه ترفع شعرها وتاخذ طاسة الماسك والفرشة وتحطه على وجهها قشعر جسدها من برودته لكن كملت ابتسمت برضى بعد ماخلصت من الماسك حطته على التسريحه لفت ظهرها وانرسمت الابتسامه على شفتها تشوف عبدالله ماسك جواله يصور الدانه وهي نايمه قالت بصوت خافت : متى جيت ؟ مالك حس ابدا !
حاوط خصرها يقبل رقبتها بحكم انها حاطه ماسك بوجهها حمرّت خدودها وقالت : تعشيت ؟ هز راسه بمعنى " لا " مسكت يده تقومها واخذت الجهاز معها عشان تسمع صوت الدانه اذا بكت دخلو المطبخ وقالت : وش ودك تاكل ؟
سحب الكرسي وجلس وقال : مشتهي سيزر سلط
عقدت حواجبها وقالت : سلطه ؟
ابتسم وقال : ايه
تنهدت وقالت : اوكيه ... طلع من الثلاجه خس وطمام وملفوف قام من الكرسي متوجهه للثلاجه وقال : ابشري يا ام الدانه ! طلعت صدور دجاج واخذت السكينه وقطعته مربعات اخذت الخضروات الي جابها وقطعتهم برضو اخذ عبدالله الدجاج وحط عليه ملح وفلفل اسود ودخله داخل الاير فراير ( غلايه هوائيه ) اخذت لطيفه طاسه وحطت الخضروات الي قطعتهم وحط عبدالله كل الصوصات الي بالثلاجه ماهي دقايق الا وخلص الدجاج وحطوه مع السلطه ابتسمت برضى عن شكل السلطه واخذت لقمه تذوقها توسعت عيونها وقالت : اممم تجننن ابتسمت عبدالله من وضحت غمازتها لما ابتسمت
____________________________
مر شهر بدون اي احداث ( ملكة وخطوبة وزواج وكل شي لساره وعبدالرحمن ) كانو كلهم مجتمعين بالاستراحه بهاذي المناسبه لفت اخر خصله من شعرها بجهاز الفير تركته شوي يبرد لفت على ساره وقالت : ساره ! تراك مو طبيعيه ؟ هاذي رابع مره تاخذين حبة مهدئ ! سكرت ساره علبة الدواء وقالت : بموت توتر يا نوف بموووت ! ابتسمت نوف وحاوطت كتوف ساره وقالت : شكلك عدل كل شي عدل التجهيزات نفس ماطلبتي بالضبط بس اهدي ! اخذت لها نفس عميق لبست نوف كعبها وطلعت برا تشوف التجهيزات حست بشي صغير يحاوط رجولها نزلت راسها وانرسمت الابتسامه على شفتها شالته لحضنها ومسكت فكه تقبل خده احتدت ملامحه وقال بصوته الطفوله : لاااا ! لاتبوسيني !
عقدت نوف حواجبها وقالت : ليييه نيوفي !
كتف يده وقال : بعدين فارس يعصب علي !
صغرت عيونه وقالت : تدري شلون ؟ روح حق فارس وقول له شوف نوف باستني واهرب ! ابتسم بخبث ودخلت الفكره براسه مشى بخطواته الصغيره للمجلس توجهه لفارس واشر على خده وقال : شوف زوجتك عطتني بووووسه !!! احتدت ملامح فارس وقال : قدها ؟ تكتف نايف وقال بصوت عالي : قدها ! حط رجله وانحاش داخل نروح للبنات الجوهره : حشى ! كل خلق الله موجودين حسبت بس حنا ! زاد توتر ساره وقالت : شسوي انا بنفسي ! جدتي تحب الانتشن الله يهديها بس !  حطت اخر لمسه الي هو القلوس وقالت : بنات مين تاخذ الدانه عن وجهي ؟ كشرت العنود وقالت : مو صاحيه انتي ! توها طفله عمرها شهر ! تقدمت العنود تاخذ الدانه لحضنها ليان بصوت عالي : بنات لين اتصلت تعالو ! تجمعو البنات حول ليان بحكم ان هي عندها الجوال شهقت لين وقالت : يالله تهبلون كلكم !! ليتني معكم ابتسمت الجوهره وقالت : وحشتينا يا حماره ! نزلت لين الكام على بطنها وقالت : بطني انتفخ شوفو 
نوف : يعني بطني بيصير زي بطنك ؟ ضحكت لين وقالت : بالضبط !! ليان بحده : اولدي عندنا بس خلتس من الغربه ! ابتسمت لين وقالت : جايتكم اصبرو علي ! ابتسمت ليان وقالت : خلصت مدتك يلا اقلب وجهك وسكرت المكالمه وقالت بحده : يلا الحين اذلفو
___________________________
مجلس الرجال |
كشّرت ملامحه وقال : ماش ! التقديم سيئ
هتان بحده : يا رجال على تبن بس
رفع عبدالرحمن حاجبه وقال : ماتعرف تصب انت !
تكتف هتان وقال : يعني شلون تبيني اصب ؟
رفع عبدالرحمن صبعه وقال : اقول خلك محترم مع العريس ! تنهد هتان وقال : الله يعينك ياساره بس !
في الجهه الاخرى عند عبدالله وفارس وسعد ضحك فارس وقال : ابك وين شماغك ؟ تنهد عبدالله وقال : عطيته لطيفه تكويه وخذته ولا رجعته ! سعد : يا رجال يمكن نست مشغوله مع بنتك ؟
ابتسم فارس وقال : الله لو اجيب بنت ! بتحمد ربها الدانه عشر مرات عقد عبدالله حواجبه وقال : وحياة بنتي بتوقف لين تجيب بنت ؟ تكتف فارس وقال : حاصل لها  بنتك ؟ ضحك سعد وقال : بنتي بتقفل ملفات بناتكم ! ضحك عبدالله بسخريه وقال : انت تزوج اول ! تنهد سعد ومسح على شنبه وقال : قريب ان شاءالله عقد فارس حواجبه وقال : قريب ؟
غمز عبدالله وقال : ومنهي ذي ؟ قاطعهم دخول راكان ماسك يد نايف وكان واضح عليه العصبيه
سعد لاحظ ذا الشي وقال : علامك راكان ؟
راكان بحده : امسكو ذا الورع عني لاتشوفه عيني !
توسعت عيون فارس وشال نايف لحضنه وقال : وش مسوي لابوك انت ؟ رفع نايف كتوفه بمعنى "مدري"
صغر فارس عيونه وقال : كذاب ! رفع صبعه راكان واشر على نايف وقال : ذا الورع مندس ورا الاستراحه والعنود جلست تبكي بسبته ! شهق فارس وقال : هل هاذا الكلام صحيح يا ورع ؟ نزل نايف راسه وقال فارس : فهمتها صحيح يعني ! زفر عبدالله وقال : يا سعد بالله جب شماغي من داخل اشر سعد على خشمه وقال : ابشر على هالخشم !
طلع سعد من مجلس الرجال متوجهه للجهه الاخرى جهة النساء خطف نظره يتاكد من خلو النساء بالخارج دخل لكن لفت نظره شي يلمع وسط العشب تقدم يتاكد من الشي هاذا عقد حواجبه من طلع خاتم الماس ضحك بخفه وقال : شكله حق وحده من النسوان بدا يتفحص الخاتم وشاف شي مكتوب داخل الخاتم صغر عيونه يقرا المكتوب وانرسمت الابتسامه على شفايفه من شاف الاسم المكتوب " لَيان " رفع راسه لاجل يكمل طريقه لكن ارتخى جسمه من شاف بنت منحنيه وحاطه يدها على صدرها كانت لابسه فستان ازرق عاري الاكتاف تماماً كانت عيونه تطلع قلوب من عرف انها ليان لما قالت : ياربي وييين الخاااتم مو طبيعي !