جعفر البلطجي

الفصل السادس (شجرة كالونيا!)

"منك لله يا فتوح لوح الإزاز مكلفني تُلتُميت جنيه ... أما نشوف أخرتها معاك ايه انتَ ومصايبك!"

دلف فتوح في هذا التوقيت ليتوقف فجأة وهو ينظر إلى أخيه الذي ما إن رآه حتى قال وهو يرفع يديه عاليًا:روح يا شيخ حسبي الله ونعم الوكيل فيك منك لله غرمتني لوح إزاز بـ تُلتُميت جنيه

نظر إليه فتوح بصدمة قليلًا ثم صاح بوجهه عاليًا وهو يقول:ايـه يـخـربـيـتك بـتـحـسـبـن وتـدعـي عـلـيـا مـرة واحـدة

أكمل فتحي ولَم يهتم لصحيات أخيه قائلًا:روح يا أخي إلهي يجيلك تسلخات يا فتوح ما تعرف تقوم ولا تقعد مِنّها ... غرمتني لوح إزاز منك لله يا أخي

صاح فتوح عاليًا وهو يقول:مـا خـلاص يـا عـم بـقـى يـخـربـيـت فـتـوح يـا عـم وسـنـيـنـه الـسـودة طـهـقـتـنـي فـ عـيـشـتـي مـكـانـوش تُلتُميت جنيه!

فتحي:ما انتَ مش دافع حاجه فـ عادي

نظر إليه فتوح قليلًا وقال:بقولك ايه يا فتحي انا ماشي وسايبهالك مخضرة وآه يا عم انا عديم المسئولية أرتحت كدا يا فتحي!

تركه فتوح وذهب بينما نظر فتحي إلى أثره ثم ضرب بـ كفيه قائلًا بذهول:الواد دا باينله أتهبل فـ دماغه ولا ايه اللي حصله انا مش عارف ... معقولة شبشب فاطمة تقيل للدرجادي!
_____________

"خير يا وش الخير طالبني مستعجل ليه!"

وقف جعفر أمامه وهو يعقد ذراعيه أمام صدره ليتحدث لؤي وهو ينظر إليه قائلًا:كُنْت طالب خدمة مِنّك بس مُحرج ... يعني قلّبتها فـ دماغي كتير قبل ما أكلمك وبصراحة مكانش قدامي غيرك وقولت مش هخسر حاجه لمَ أكلمك يمكن تساعدني

عقد جعفر ما بين حاجبيه وقال متسائلًا:حاجه ايه دي ومُحرج ليه قول عايز ايه ولو فـ إيدي هعمله؟؟؟؟؟؟؟؟؟؟؟؟؟؟؟؟؟؟

نظر إليه لؤي وهو يشعر بـ التردد والقلق أيطلب هذا الطلب الذي يعلم أنه شبه مستحيل ويقوم بـ المغامرة ولو لمرة واحدة أمام صديقه أم يتراجع ويُحاول إيجاد الحل وحده دون إدخال أيا أطراف كي تساعده

نظر لؤي إليه وقال بـ إحراج لا يتماشى مع شخصه:بصراحة يعني انا كُنْت محتاج سُلفة لحد آخر الشهر

نظر إليه جعفر قليلًا ثم قال بنبرة هادئة متسائلة:عايز كام؟؟؟؟؟؟؟؟؟؟؟؟؟

أبتلع لؤي غصته وقال:ألف جنيه .... انا عارف إن المبلغ يعني بس محتاجهم أوي واللهِ يا جعفر انا عارف إني بطلبها مِنّ الشخص الغلط بس مبقاش قدامي غيرك

دام الصمت للحظات بينهما ليتحدث لؤي بضيق قائلًا:المصاريف زادت عليا وكامل ونورسين مصاريفهم بتزيد مع مصاريف البيت غير إن نورسين تعبت مِنّي فجأة ومعرفش فيها ايه والفلوس بتاعتي خلصت وفاطمة انتَ عارفها على قد ما هي جريئة بس إتكسفت تطلب مِنّ بيلا حاجه ... انا آسف يا جعفر انا عارف إن عليك مسئوليات برضوا بس أضطريت يا صاحبي وانا عُمري ما طلبت مِنّ أي حد الطلب دا لأن كان بيبقى معايا بس الشهر دا الدنيا قلبت معايا وكل مُرتبي أتصرف وصعبان عليا أسيب نورسين كدا وانتَ عارف إن انا بضعف عند ولادي بـ الذات