𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «1»

للكاتبهه الملكهه.. 🖤🪶 (آيات البشتي)
عند أيات..

نضت الصبح بكري بما انه اول يوم ف الشهادة دوشت طلعت صليت وبدلت وطبعا حطيت فازلين لرموشي ودرت مرطب لفمي وساويت حواجبي كعادتي ولبست فوق الزي جاكيت اسود جينز وفيه خدوش وسبيدرو اسود ونزلت..

ايات لقيت امي ف الكوجينه: صباح الخيير.
ليلى: صباح النور، ناشطه اليوم..
ايات قعمزت ع الكرسي: متحمسهه استاحشت المدرسه
ليلى توتي ف فطور ايات وخوها: قولي استاحشت الهدرزة والضحك🙂
ايات: الزوز😂..، منذر ناض؟
ليلى: اي اوينه زعميتك يولع ف السياره..
صالح بو ايات..قعمز ع الكرسي: صباح الخير، ناشطين اليوم
ايات خدت تاكل ف مربى: انشاء الله دوم
منذر خو ايات يقرى صف سادس..خش: هيا وانتي متعييش م الماكله..
ايات مستمرهه تاكل: تصرف عليا بابا🙂
منذر يحط ف فطوره: احترميني اني خوك
ايات: تو واحد يشد يعجنك يديرك بيتزا..
صالح وقف: ياسر انتي وياه هيا وقت🤦‍♂️
ليلى مشت جابت شنطتها وجت...طبعا تخدم ممرضه: هيا حتى اني معش وقت عليا..

طلعو وركبو كلهم وصلو ايات ومنذر مدارسهم بجنب بعض وبعدين وصل ليلى ومشي صالح لخدمته.. يخدم ف شركة استيراد وشحن..

ايات لقتهم كيف بادين طابور مشت لنفس طابور ردينهه...بصوت واطئ: ردينهه..
ردينهه لتفتت لقتها ايات..بصوت واطئ: تعالي قربي
ايات قربت خلف ردينهه: صباح الخير..
ردينهه توزع ف ابتسامات: صباح النور..
ردينهه&ايات: جيتي الاسبوع الفات.. 🤦‍♀️
قعدو يضحكو

الاستاذ جي لايات وردينه: هي اطلعو هي برو للادارة🙂

ايات& ردينهه: وقفو بجنب لادارة..
ايات: غبرتت..
ردينه: دوري كدبه نقولوها.. 🙂
ايات: اني نسكت وانتي اكدبي باهيي
ردينه: هوا هدا🙂
المديرهه جت تجاههم: خيرك انتي وياها لباس انشاء لله
ردينهه قدمت: ي ابله كانت تسال فيا ع الاسبوع اللي فات مشي الاستاذ طلعنا
المديرهه شبحت لايات: ماهو تساليها بعدين
ايات: ماه ي ابلهه اااا
المديرهه: شن اااا هادي
ردينهه: ي ابله ماه حني جدد اهني منعرفوش النظام
المديرهه: باهي خشي انتي وياها

طبعا المديرهه هيا اللي جديده😂

خشو للفصول نفس السنه اللي قبلها وايات وردينهه قعمزو جنب بعض من جيهة الروشن تاني كرسي

فاتو اربعه حصص الاولات ايات تحاول تركز وتفهم🤍
وردينه مره مره تجبد حد تقرمه وما خلت ابله م فصلتها وتركز من اهم المواد وتسال ف ايات وتعاود😅

جت الاستراحه... طبعا يقرو 7 حصص..

ايات خدت طرمسها وتستنى ف ردينهه: مطولهه🙂
ردينهه اطلع ف فطورها وتهدرز مع هادي وهاديكا: ههه هيا شوي بس😂
طلعو ومشو يجمعو ف باقي الشلهه
(ميس، ايات²، رغد، رحمهه)

جمعو بعض وقعمزو وايات بعتت ميس تشريلها لان ميس الوحيدة اللي تمشي للمقصف من بينهم😅
ميس: طويله، عيونها قهويات، بيضاء، ضعيفه، جوها ضحك وقرمه ع اللي ماشي واللي جاي😂