𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «24»

للكاتبهه الملكهه.. 🖤🪶 (آيات البشتي)
عند ردينهه...
ردينهه فاقت مع ال7:30 توضت وطلعت صلت لبست الزي وعليه ماليا سمائية صوف فيها ورد ابيض بارز وسبيدرو ابيض خدت شنطتها وطلعت للكوجينة لقتهم يستنو فيها
الاء: خودي فطورك وهيا معاش وقت ع المحاضرة
ردينهه: عندك اليوم انتي
الاء: ماشية ندهور، عندي امالا شن
ردينهه: خيرك مقلتيش
الاء: مسألتينيش، علاش شن تبي
ردينهه خدت فطورها وطلعت: لا شي، امتى بتروحي؟
الاء: مع ال1، عندي زوز محاضرات ماه
حنين ف السيارة تستنى: هيا انتي وياها
صلاح: ماتخطر عليكم الهدرزة غير توا
الاء وردينهه ركبو ومشو وصلو ردينهه ومشوو...
ردينهه نزلت لقتهم كيف مدايرين طابور مشت وقفت: امتى بيريحونا منه جو الصغار هدا
ايات شافت ردينهه واقفة وراه ف نفس الطابور مشتلهاا: صباح الخير
ردينهه: صباح النور، شنجوو
ايات: ماشيهه، شفتي لبنات؟
ردينهه: لا كيف جيت
ايات: يلا عادي، تو نشوفوهم كان ف حصة فاضية ولا ف الاستراحة
ردينهه: توا واحني راقيين نمشولهم ف فصولهم
ايات: تمم... رقو ومشو للبنات كل وحدة متنطرة ف فصل وبعدين دخلو لفصلهم
ردينهه: شن عندنا الاولى
ايات: ع اساس انجليزي كان مغيروهاش
ردينهه التفتت للي وراها: مغيروش الجدول؟
حلا: غيروهه، تخيلي بداية المدرسة وميغيروش
ايات: شن عندنا الاولى؟
حلا: احياء
ايات: والرياضيات امتى؟
حلا: نطروها السابعة، وشوفي روحك عاد تفهمي م تفهمي
ردينهه: عليك جو، المعلومة بندفوها دفان ولا كيفف
الابلة دخلت: السلام عليكم
الكل: وعليكم السلام
الابلة: هيا الحصة قريب يضيع نصها خلي ناخدو الدرس، انتم الزوز وين كنت اربعة ايام غياب، مش سادكم عطلة، فايتكم هلبا دروس
ايات: تو ناخدوهم م البنات
الابلة: باهي غير طلعو كراساتكم وكتاباتكم توا مش وقتهه... مر الوقت لعند جت الاستراحة وطلعو الكل
ميس: هي من تبي تشري فطور بنمشي
ايات: جايبة فطوري
ميس: وانتوو
ايات²: اني مخاطريش نفطر
رغد: ولا انيي
ميس: رحمة مجتش؟
ردينهه: مشت تشوف ف اختها
ميس: المهم هاني ماشية نشري متحكو شيي
ايات: باهي بريي
ايات²: قولولي شن قصتكم
ردينهه: خلي تجي ميس باش منقعدوش نعاودو ف الكلام
رغد: قعدتوو بروحكم
ايات: ايي واللي رفعونا قعدو برا ف مربوعة خارجية
ميس جتهم تجري: شن حكيتوو
ايات²: سألتهم قعدتو بروحكم، قالولها اي واللي رفعوهم برا ف المربوعة الخارجية
ميس: باهي كيف خلوكم اهلكم
ردينهه: ع خاطر ميعرفوش مكاننا اصلا
ايات: وبعدها قاللهم فترة قصيرة ونردهم ومعاد رد ع اتصالتهم ف معندهم م يديرو
رغد: اي قالت هدى ان حتى بوه عارف ولده شن يدير ومش حيضركم وهك
ايات: اي الحمد لله كانوا كويسين
ايات²: من بالزبط كان كويس
ردينهه: اياتت بتحكيلهم ععع
ايات: ع ايشش
ردينهه: ع نسيبناا
ايات: وانتي شن خليتي فيها
ميس: نسيب شن ربي يجيرنا
ايات: اسمعي ي ردينهه الكلام الصح
ايات²: شكلنا منعرفو شي احكوولنا
رغد: متقوليش مهندد
ميس: من هذا وانتي من وين تعرفي
ايات²: احني للاحتياط
ايات: لا مش هك متفهموش غلط، تو نحكيلكم( وقعدت تحكي)
رغد: والله توقعته هوا م لما قلتو نسيب
ايات²: باهي شن بديري توا
ايات: كانا قال لماما بنرفض وخلاص شن بندير يعني
ردينهه: باه ولما تقلك علاش شن بتقوليلها
ايات: بنكمل قرايتي🙂
ردينهه: اكيد بيقلها كل شي وتقلك كمليها عنده زي م قال وين المشكلة
ميس: اي راجل يقلك كملي القراية عندي اعرفيه كذااب يسايرك ف البداية وبعدين يقلك هذاك قلته قبل
رغد: ردينهه تبي تفتك منك شكلهاا😑
ردينهه: نمشيلها ف حوشها النهار الاحرف وطلعني معاها ونديرو جوو
ايات: مصح الله وجكك، وانتي خيرك متتزوجيش
ردينهه: اني بندفكم كلكم قدامي بعدين اني
ايات²: بيش تحضري كل اعراسنا وتباتي فيهم😀
ردينهه: متبونيش نبات ولا كيف
ميس: لا باتي المهم قيمي بينا
ايات: ع اساس بتتزوجو غدوة، افتحولنا موضوع تاني كبدي زهقت
رحمة جتهم: هااي
ايات: تو بعد كملنا الموضوع🙂
رحمة: موضوع شن احكولي
ايات²: ميس احكيلها بسرعة
ميس تلفتتلها: اشبحيلي جاي وافتحي وذانك🙂( وحكتلها)
رحمة: باهي كويس نفرحو بيك
ردينهه&رغد بصوت واحد: قتلك متبييش
رحمة: علاش، كويس جايك بالحلال ع الاقل
ايات: بنكمل قرايتي🙂
رحمة: مش قلتي قالك كمليها عندي عادي
ايات²: قتلك لا من بيضم وبيغسل ويطيب وامتى بنلحق نقرى، عندها حق
ردينهه: تقله يجيبلها شغالة يناااس شغالة
ميس: من قالك عنده فلوس
ردينهه: اولا عنده تانيا اللي يبيك يدير المستحيل ع خاطرك بالمختصر يدبر راسه
رحمة: حتى مش لازم شغالة، هما نفرين ف الحوش مش حيحوس هلبا اكيد، الماكلة صح يجيبلك م برا واللبس ساهل دقيقتين
ايات²: البنت متبيش بالسيف
ردينهه: ما مفيش سبب مقنع هدا ليش بس
ايات: مشعارفة نبيش وخلاص
رحمة: المهم براحتك ف النهاية هدا قرارك
ردينهه: اوك زيدي فكري واللي ترتاحيله ديريه
رغد: بالله افتحو موضوع نشارك فيه
ميس: غدوة جمعة شن بديرو
ردينهه: طالعهه😌
رحمة: بنمشو حوش خوالي
ايات²: اختي وصغارها بتجينا اليوم
رغد: لا شئ
ميس: وانتي ايات
ايات: بنستقبل اهل خطيبي🙂
قعدو يضحكوو😂
ردينهه: هدا غير متبيشي😀
رغد: والله متتحشمي😂، مسكين يفكر كيف يقنع امك ويقنعك وانتي هازية على الموضوع
ايات: نبصر عليكم، بنمشو نجيبو بضاعة م حوش خالتي، بتتحول معانا بننقلو كل مرة شوي حجات
رغد: لحظة وبوهم
ايات: خالتي مطلقة وهدى متعرف شي ع بوها م يوم روحت خالتي
ميس: قصدك بوها ميسألش عليها لا يشوف فيها
ايات: لاا
ايات²: حتى تلفون مكالمة وهكك
ايات: ولا حاجة
رحمة: والله بوها ماهو راجل، مهما صار بينه وبين خالتك بنته ماليهاش ذنب يعني، شن محصل هوا غير الذنوب مش معقولة
ردينهه: اخيي اللقطة تخيلي بوك عايش ولا تعرفيه ولا يعرفك ولاشي بوك بالاسم بس
رغد: ياروحيي، اخيي اللقطة مهما كان البنت محتاجة حد تستند عليه، مش بوها خوها
ميس: ومسكينة هيا لاجت م هذي ولا هذي لا بو ولا خو
ايات²: الحمد لله ع كل حال، امها معوضتها عليه، في اللي يلوحو ف صغارهم ويمشو وفي اللي يحطو فيهم بجنب الجوامع
رغد: اي والله م عندهم قلب
ايات: لا حول ولا قوة الا بالله وخلاص... ويرن الجرس وركبو لفصولهم