للكاتبة الملكهه🖤🪶 «آيات البشتي»
عند مهند...
روح تغدى هوا ومسلم قعدو يهدرزو شوي ودخل
مهند مشي للصالة وبعدين اتجه للكوجينة: امك وين
جنة تغسل ف الماعين: اكيد رقت فوق
مهند قعد ينادي ف جنات: جنااات
جنات: جايية، شن فيي
مهند: خيرك م اديري مع اختك
جنات: مدايرين بالدور
جنة: سفرتين ولو راهه مش وحدة
جنات: يقلبي حتى اني غدوة بنغسل سفرتين وتاني شي حتى اني طيبت اليوم
مهند خدي الكرسي قعمز: باهي يارسكم
جنة: مقتليش لمن القطوسة
مهند: اي قطوسة
جنة: اللي جابتها امسس
مهند: واضحة لمنن
جنة: يعيني وشن المناسبة
جنات: جايب قطوسة لايات؟
مهند: كسادد
جنات: تو نسألها
مهند: متجيش شورها خليها ف حالها
جنات: صاحبتي وبنسالها
مهند: جربي كلميها انتي
جنة: شفت الحجات اللي جبناهم
مهند: تو نشوفهم بعدين
جنات: الدبلة قستها عليا وخلاص منعرفش مقاسها راهه حتى انتت
جنة: اي مفروض مشيت انت واني وجنات ولا اني اخترتو وقستو مرات متعجبهاش ولا متجيش عليها
جنات: هدا كله م الاستعجال
مهند: تو نغيروها شن المشكلة
جنة: اي عادي تقدرو تغيروها بعدين
فاطمة خشت عليهم: شن تهدرزو
جنات: نهدرزو ع الدبلة وباقي الحجات
فاطمة: اهاا باهيي
مهند: بوي وينن
فاطمة: في داره
مهند وقف وجي بيمشيله: باهيي... ورقي لبوهه
مهند اتجه لمكتب بوه وقعد يطق: فاضيي
خالد مقعمز ف مكتبهه: تعالل
مهند دخل وقعمز قدامه: خير عندك هلبا خدمة شكلهه
خالد: اي والله هلبا خدمة
مهند: المهم منعطلكش جيت بنسالك
خالد: ان شاءلله خير
مهند: خير لاكن احني من من بنخطبوها غدوة
خالد: كلمت صلاح وهوا بيكون الموكل متاعها
مهند: باهي كويس
خالد: شن صار ف المشروع اللي بديرهه
مهند: الامور كلها لوز قررنا نفتحو مطعم اشتركنا فيه وان شاءلله قريب نفتحوه
خالد: ان شاءلله ربي يوفقكم، قبل بنقلك تشد مكاني ف الشركة بالك تساعدني شوي
مهند: اهاا لو تبي من يساعدك عندي صاحبي يفهم ف الامور هادي وكان تبيه يخدم معاك
خالد: فكرت نكلم صلاح بما ان احني نفس المجال ف اكيد نقدرو نساعدو بعض وبنشوف اللي معاي
مهند: تمام ماتبي شي توا
خالد: سلامتك... طلع مهند واتجه لداره
عند ردينهه...
بعد الغدي مقعمزين ف الصالة
ردينهه: قتلك ماما بعد غدوة عندنا تطبيق وغدوة زي م تعرفي خطبة ايات ف اكيد بنكون معاها
حنين: بعدينن؟
ردينهه: المهم اكيد مش حنفضى بيش نقرى غدوة ف بنقرى اليوم وايات كلمتني قتلي تعالي اقري معاي
الاء: امس كنتي غادي شن بيصير كان قريتي بروحك
حنين: بري لاكن ياريت تقرو كويس
ردينهه: ان شاءلله السنة هادي بندير جهدي لان شهادة
معاذ: الله اكبر، يا مغير الاحوال
ردينهه: حاسديني حتى ت قرايتي
الاء: ربي يوفقك خيتي
صلاح: خلاص بعد العصر طالع نوصلك ليها
معاذ: في موضوع بنحكيك فيه يا بوي
صلاح: شن هوا احكي
معاذ: نوضي انتي وياها شدو دياركم
الاء: ريت هالموضوع الكبير اللي بتحكيه
ردينهه: نوضي نمشوو اصلا هك ولا هك حنعرفو... مشت ردينهه والاء لدارهم
صلاح: قول شن هالموضوع
معاذ: تذكر محمد صاحب مهند ولد سالم
صلاح: ايي ولد اخت راجل خالتك
معاذ: عليك نور، يبي يعطي كلمة ف ردينهه
حنين: ردينهه؟.
معاذ: اي ردينهه
صلاح: امتى كلمك؟
معاذ: امس واحني ساهرين مع بعض، قالي ناوي نجي نعطي كلمة ف اختك قالي نبي الموافقة بيش نجي
صلاح: نسألو عليه ويصير خير
معاذ: اني لعند توا مشفت منه شي وعيلتهم سمعتهم كويسة ونزيدو نكلمو خالتي نسألو عليه وزيادة اني بنخش معاه ف مشروع
صلاح: مشروع شن؟
معاذ: بنفتحو مطعم
صلاح: انت وهوا بتفتحو مطعم؟
معاذ: معانا مهند وتلاتة تانين صحابه اللي كانو ف حالة الوفاة كلهم
صلاح: بشنو خشيت
معاذ: عندي فلوس كنت حاطهم ع جنب
حنين: باهي خلينا م هذا ردينهه قعدة صغيرة ومزال قدامها قراية
معاذ: هوا قال بيعطي فيها كلمة بس
صلاح: انتي اسألها، كان وافقت نقولوله يجي
حنين: بنتك وعارفها حتى تطييب متعرف
صلاح: تتعلم حتى ف اسبوعين كان ع التطييب
حنين: الصبرر ياربي
معاذ: هوا بيعطي فيها كلمة يعني قدامها وقت تتعلم ولا ادبر راسها خلي البنت تتزوج ع حالها
حنين: وانت خيرك متتزوجش ولا لاهي غير ف الناس
معاذ: اني معنديش حتى حوش ولا حتى خدمة كيف تبيني نتزوج
حنين: مش قلت بتفتح مشروع
معاذ: خلاص نرتب اموري وبعدين ربي يسخر
حنين: ان شاءلله
صلاح: المهم انتي اسألي البنت
حنين: باهي والاء؟
معاذ: خيرهاا الاء قتلك بنتزوج
حنين: مش هكي لاكن هيا الكبيرة
صلاح: قعدة صغيرة وقدامها الوقت
حنين: خايفة عليها تزعل ولا شي
معاذ: الاء مستحيل تتحسس م شي زي هذا ونعرفها متعدلش ع الامور هادي
صلاح: معاذ عنده حق من امتى ادور ف اامور هادي هيا
حنين: ان شاءلله، اني تو نكلم ردينهه... مشت لدار البنات
الاء: شن كنتو تحكوو؟
حنين قعمزت قدام ردينهه: يبو يعطو في اختك كلمة
ردينهه نصدمتت: منن
الاء: من بيعطي فيها كلمة؟؟
حنين: صاحب مهند اللي بيخطب ايات ولد عم بنات خالتكم اللي لقيناهم غادي
الاء التفتت لردينهه: ناس كويسين علاش لا
حنين: فكري وخودي قرارك، رغم ان نشوف فيك قعدة صغيرة ع هدا كله لاكن انتي ديري رايك
الاء: شهادة تانوية شن قعدة صغيرة بعدها تخش حتى معهد
ردينهه: حنفكر قبل
حنين: وانتي شن رايك
الاء: هيا اللي بتتزوج مش اني ماما
حنين: يعني اعطي رايك ف اختك
الاء: اسالو عليه وكان طلع كويس توافق شن فيها يعني
حنين: باهي كويس... بعد العصر ردينهه كلمت ايات وجهزت روحها ورفعت حجاتها ومشت مع بوها
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
