𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «39»

للكاتبة الملكهه🖤🪶 (آيات البشتي)

نكملو...
مهند: لازم نحكو فيه الموضوع
ايات: وعلاش بيش نحكو فيه
مهند: لازم نعرف علاقتك معاه وكيف كانت وعلاش انفصلتو برضو
ايات: اني سألتك عليها علاقتك؟
مهند: في فرق بيني وبينك
ايات: حظ الذكر ك حظ الانثوين يعني مفيش فرق
مهند: تمام نحكيلك اللي تبي تعرفيه وتحكيلي اللي نبي نعرفهه
ايات: اني ميهمنيش ماضيك يهمني حاضرك مهند يهمني كيف وليت، تخيل رياض حاليا يتوب يكمل قرايته وبعد فترة يصير مهندس انت شن حتستفاد م ماضيه؟
مهند: مع ذلك الماضي ليه اهمية، والموضوع حنحكو فيه
ايات: مفيش داعي لان كنت بس نبصر
مهند: تبصري؟
ايات: اي قلت نشوف ردة فعلك
مهند: يعني مكنتيش ف علاقة
ايات: كنت بس مش مع رياض
مهند: مع من؟
ايات: شخص متعرفاش واصلا متعتبرش علاقة لان وقتها كنا ف فترة مراهقة كان عمرنا 14 وقتها
مهند: اهاا من وين تعرفيه؟
ايات: كان يقرا معاي فترة الاعدادي
مهند: علاش انفصلتو؟
ايات: اول شي كانت علاقتنا عادية وكذا ونتكلمو مع بعض بس بعدين تحول من المدرسه معش تكلمنا وهك كل حد مشي ف حاله
مهند: كويس، بعدها مدخلتيش بعلاقة
ايات: مفضيتش ندخل🦦
مهند: يعني بودك تدخلي؟
ايات: لا مش بودي بس مجتنيش الافكاؤ هادي اني ندخل وهك🌚
هدى: سكري ام الهاتف وارقدي يكلبهه
ايات غطت السماعة: كلبهه بروحك تمرقدي انتي
مهند: ف من تكلمي🙂
ايات: بنت خالتي💔😃
مهند: اهاا بنسالك، تعرفي مازن؟
ايات: صاحبك؟
مهند: ايي الباين عرفتيه🦦
ايات: اي نعرفه خيره؟ 🌚
مهند: بكري جي شوركم
ايات: اي جي لبنت خالي عطاها رقمهه😶
هدى: نسمع فيك، متعرفيش تشدي لسانك فضحتي بيا
مهند: سألني عليها يبي يعرفها من؟
ايات: اهاا قالت سألها ع بوها وهك وهيا كدبت عليه
مهند: كيف؟
ايات: هيا بوها عايش بس مش مدورها م صغرها وهيا قالتله متوفي معرفتش شن تقله
مهند: عادي تو نحكي معاه؟
هدى: أسأليه عليه بدل متفضحيني
ايات تأشر لهدى: اسكتي
مهند: شن قلتيي؟
ايات: لا بس بنسألك، هوا كويس 💔🙂
مهند: شن معناها كويس😂
ايات: قصدي، شخص كويس محترم؟ 🤦‍♀️🥲
هدى جت بجنبها تسمع: عليي
مهند: منقدرش نقلك عليه شي لاكن ف الموضوع هذا واضح جدي
مروى دخلت عليهم وفتحت الضي: في ايش اديرو لتوا
هدى رجعت لمكانها وايات نزلت الهاتف بدون متسكر: ايات تحكي مع خطيبها
مروى: وانتي شن نوضك معاها
هدى: صوتها واضح مقدرتش نرقد
مروى: وانتي ايات توا وقته مش عندكم مدرسة غدوة ارقدو وتطبيق ومشعارفة شنو
ايات: باهي خالتي تو نرقدو... مروى طفت عليهم الضي وطلعت
هدى: كله منك بدل م ترقدي ساهرة بينا لتوا
ايات حطت هاتفها ع جنب وقاعد مش مسكر: امك هادي ديما هك بمداهماتها
مهند: ايواا😂
ايات نصدمت وخدت الهاتف: الوو، نسيت كنت نحساب سكرت عليك
مهند: مسكرتيش💔😂
ايات: اسفة خالتي كانت هنا قطعت عليك
مهند: اي سمعتها، نتكلمو غدوة؟
ايات: اي احسن تصبح على خير 💔🥲
مهند: وانتي بخير... سكر منها وهوا يضحك كان نعسان دخل رقد ع طول...
هدى: ان شاءلله سمعنا💔😂
ايات: حشمتوني🥲💔
هدى: تستاهلي ارقدي الساعة 2
ايات: نعست اني اصلا
هدى: سمعتي كلامه ع مازن حقاا
ايات: اي قال جدي
هدى: اي لاكن قال مقدرش نقلك عليه شي زعما علاش
ايات: مشعارفة تو نفهمو علاش
هدى: باهي تصبحي علي خير
ايات: تعرفي نحس ف بطني فراشات❤😂
هدى: هادي البدايات بيب، good night 😴
ايات قعدت شوي ورقدت...