للكاتبهه الملكهه.. 🖤🪶 (آيات البشتي)
نكملو...
ردينهه لبست توتة واسعة كحلة وعليها وشاح وطلعت لايات ف الكوجينة
ايات تساوي ف التلاجة: كملتيي
ردينهه: يسس بري هيا نستنا فيك
ايات: هيي، حق جاب شكلاطة ليك وليا
ردينهه: كويس فكر فينا
ايات: المهم تلقيها ف التلاجة حطيتها نبدل ونجي
ردينهه: تمام
ايات مشت تبدل لبست توتة موڤ هادي فيها يستيك وعليها وشاح ابيض وطلعت لردينهه
ردينهه: اذن العصر نتوضو ونصلو بالمرة
ايات: هيي احسن...توضو وصلو وخدو الكورة والشكلاطة وطلعو للجنان الخلفي
مسلم مقعمز م الخلف وشاد هاتفه: نطلع م التانوي وبندخل محاسبة 4 سنين ونتخرج نخدم شركة خاصة ونصرف بيها شن قلتي؟( يبعت ف فويس)
ردينهه تضحك عليه: شن قالت؟
مسلم انتبهلهم سكر هاتفه ووقف: خيير
ردينهه: بنلعبو اهني
مسلم: م قاللكم العبو ف الجيهة هادي
محمد ينادي فيه م بعيد: مسلم تعال خليهم
مسلم: جيتكك
ردينهه: سلملنا ع الغالية اللي كنت تكلم فيها
ايات فنصت فيها: ردينهه
ردينهه قعدت تضحك: عاديي
مسلم مشي ومعدلش عليها
ايات وردينهه قعدو يلعبو بالكورة واصواتهم واضحة فرحانين ويضحكو
ردينهه حذفت الكورة لايات: زعما شن صار ف البنات جو؟
ايات مسكتها وقعدة تشوف لردينهه: مرات اييه، شرايك نكلموهم
ردينهه: عندك رصيد؟
ايات: اي هاتف بابا قلت مرات فاليل نفتحو نت
ردينهه: احسن م درتي
ايات: خلي نمشي نجيبهه... مشت ايات وجابت هاتف بوها ورجعت
ايات: نتصلو بميس
ردينهه: لا مشاءالله لسانها يهني خلي نتصلو برغد احسن
ايات ضحكت: اي ذكرتيني نتصلو برغد احسن... اتصلت برغد بهاتف بوها م الاول م ردت بعدين ردت
رغد: الوو من معاي
ايات: رغدد
ردينهه: معاك ردينهه وايات
رغد مقعمزة مع البنات: وينكمم شنصاير فيكم
ردينهه: مشيتي لحوش ايات
رغد فتحت المكبر باش يسمعو البنات: اي كلنا اهني الا ريان اليوم مجتش
ايات: قالولكم شنصار
رغد: اي قالولنا، بجديات حتقعدو غادي
ميس: امتى بترجعو؟
ردينهه: اي للاسف، مشعارفة كيف صار هكي
ايات: مشعارف امتى نرجعو، مشكلة م في حد دورنا وقال نرجعوهم
رغد: قالو امهاتكم موافقوش م الاول بس قنعوهم وفنفس الوقت م في حد يعرف مكانكم وصاحب بوك قال ان اللي داره ولده اكيد فصالحكم
ردينهه: باه احني شن دخلنا نبو نرجعو
رغد: هكي احسنلكم لا قدر الله يصير شي لايات متعرفوش ع الدنيا بنات
ايات: اففف شن تخرفي بلاهي شن ح يصيرلي مثلا
رغد: وبوك حتى هوا م صارله شي ماهو ف النهاية مات
ايات سكتت وعيونها دمعو
ردينهه قالتها بتنبيه: رغدد
رغد: ايات مقصدي شي بس احني خايفين عليكم بس
جنات تغير ف الموضوع: محتاجين شيي؟
ردينهه: لاله م نبو شي
ايات مقدرت حتى ترد وخنقتها العبرة وهيا تتفكر ف بوها وقفت: اني بنمشي الحمام تو نجي
ردينهه عرفتها بتبكي: تمام
ردينهه: عاجبك رغد
صوت لبنات يهزبو ف رغد
ردينهه: علاش ي رغد
رغد: مش قصدي والله انتم عارفين لساني، وين مشت هيا
ردينهه: قالت تبي الحمام بس واضح عيونها دمعو
رغد: ياربي شن قلت علاش هكيي ي روحي عليهاا
ردينهه: خفنا نتصلو بميس تحدفلنا كلمة ع الشباب طلعتي احرف منها
ميس: مصح وجك وتقول فيها قدامي
رغد: سامحوني مش قصد نجرحها ع اساس نبي ننصحكم بس
ردينهه: عادي اصلا عارفين مش قصدك
ميس: اي م قلتيش الشباب اللي غادي طروف
جنة تنخص فيها: وطي صوتك ليسمعوك النساوين
ميس: باهيي، قولي ي ردينهه
ردينهه: وقته هدا
ميس: كم واحد
ردينهه: وتقولي مصح هلبا هكيي، سكرو توا نشوف ايات بعدين نكلموكم
الكل: تمام، سلام
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
