للكاتبهه الملكهه.. 🖤🪶 (آيات البشتي)
جنات: اوك اني خلي نكلم مهند يعد قداش نديرو تبسي...
مهند رن هاتفه ولقاها جنات: تفضلي شن تبي
جنات: ايوا احني جو المحترمين
مهند: شن تبيي
جنات: عد قداش في شخص ف الخيمة باش نعرفو كم نديرولكم تبسي (صحن الاكل)
مهند: باهي صكري... سكرت وورجعت تستف مع البنات وقعدو شوي وطابت المكرونة وصبوها طلعو للنساوين قبل بعدين الرجالة
الاء: مفروض درنا الرجالة قبل
جنة: الرجالة فيسع م ياكلو تو احني نقعمزو وهما يجبو الصفر
الاء: صح، من وين تجيبي فيهم الافكار هاذو
جنة: هاذي الحاسة السادسة قولو مشاءالله 🙂
هدى: مشاءالله، ربي يرزقنا حتى احني
الاء جايبة صفرة العشاء: هيا افرشو الفرشة خلي نتعشو بسرعة ونغسلو الماعين ونمشو نقعمزو
هدى خدت الفرشة وفرشتها: اي هيا بالنسبة ليا اني تعبت اليوم
ردينهه جايبة الكواشيك: هي قعمزو خمسة غادي وخمسة اهني
قعمزو وتعشو وغسلو اماعينهم واماعين الرجالة وهدرزو وشوي جابولهم اماعين النساوين وغسلوهم
عند مهند وباقي الشباب...
مهند: من بيقعد ومن بيروح
خالد: تو نروح اني ونجي غدوة بكري
مهند:المهم جنات بتروح معاك والصبح بتمشي الجامعة
خالد: باهي يصير خير، الناس و الجيران الكل روحو مزال اني وعمك صلاح وانتم الشباب وجمعتك
مهند: عمي صلاح قوله يروح اهو ولده معاذ قاعد وباقي الشباب تو يروحو يغيرو ويجو
خالد: باهي المهم ردو بالكم ع العيلة
مهند: تمام هيي... خالد طلع وروح بجنات وصلاح روح بروحه، والشباب اللي مشي غير وجي واللي روح
مهند مقعمز يسبس: سهرة اليوم ي شباب اعتبرو روحكم حراس
محمد: عادي اصلا متعودين، معاذ شن وضعك انت
مراد: لاله معاذ واخد جرعة مدفياته م الغدي
معاذ: تي ياسر ي راجل ذلتونا باها ع كلمة هيا
مهند: خيركم حق م بكري وانتم تلقحو عليه
مازن: المدام بكري دفاته بكلمتين قبل الغدي
معاذ: والله مازن م اضم فمك اهواا
محمد: باهيي خلاص عيب يجماعة
مهند: شن فييه
محمد: بكري بعد م مشيت انت نادتنا خالتهم ولا من المهم دارتلنا غدي معاذ ميبيش يتغدى جتنا بنت قالت ف واحد اسمه معاذ قالو متغداش قتله تغدى راهو اكيدة الجنازة بتعطل وانت بتجوع🙂
مهند: م اللي طلعت
محمد: وين ندري عليها اني قاري عليها الفاتحة تحسابني🙂
مازن: عيب ي راجل البنت اكيدهه عندها حدد
معاذ: ياسر م تلقيح منعرفهاش اني
مهند: باهي خلاص وانتم م امتا تجبدو ف سيرة البنوت
مازن: عاديي شن فيها
مهند: شن رايك حتى انت نجبدو سيرة اختك توا
مازن: مهند منبيش نغلطو ف بعض، والله انوض نروح توا
مهند: امشي اقلب وجهك م شادك
مازن: ضم فمك قاعد ع قلبك منيش مروح
محمد: نرقدو ع الكراسي اليوم شكلهه
معاذ: هذا اللي بيصير
مازن: صقعع ي جماعة الخير
مهند جبد الهاتف م مراد: عدل عليناا شوية
محمد: هدا خاطب فوتوه
مراد خدي منه الهاتف: هات جاي يراجل، اسكت من غادي... سكر هاتفه وقعدو يهدرزو
عند البنات...
جنة: واخيراا هي توا ندخلو الداخل الكل
هدى: اي اصلا الكل روحو قعدو شوي جيران وامهاتنا بس
رحمهه هاتفها يرن: هي اني خوي يتصل تصبحو ع خير
الكل: وانت م اهله
ايات²: خلي نطلعو وراكم اني واختي بالسيارة ماه هيا اللي جايبتني وتوا ليل
رحمهه: اوك نستناك عادي
ايات²: شوي هي... مشت كلمت اختها وطلعو مع بعض وشوي روحت رغد وميس والاء مصارش قعدت وجنات جابت لاختها وامها دبش ورجعت للحوش باقي البنات دخلو الداخل
ردينهه: خالتي بترقدو ف الصالة الكل
ليلى: متساعدناش الصالة، نخشو لغرفة المعيشة وتو نجيب الغطاوات م الدار
مروى: نوضي هدى جيبيهم
هدى ناضت: باهي هيي
ردينهه ناضت وراها: اصبري نجي معاك
مروى: هي ي عيلة نمشو للدار احسن
فاطمة: هيا... وقفت وخشو الكل لدار المعيشة وايات مشت لدارها سكرت ع روحها وقعدت تصلي ف قيام الليل وتدعي بين م خالتها خايفتها ادير شي فروحها
مروى: تسكيرة الدار مش مريحتنا والله خايفة عليها
حنين: انشاء الله خير، امشي ردينهه شوفيهاا
ردينهه رمت الغطاء ومشتلها: اياات، نجي نبات بجنبك
ايات وقفت وفتحتلها الباب ورجعت طلعتلها فراش وغطاء بجنب سريرها ورجعت رقدت
ردينهه دخلت وقعمزت جنبها: شرايك يجو حتى البنات ونهدرزو لعند نرقدوو
ايات تنهدت وجبدت هاتفها وقعدت تقرى ف رواية (المتمرد)
ردينهه: خلي اناديهم ونجي...
حنين: وين مشيتي معاش جيتي
ردينهه: بنمشو نهدرزو بجنبها لعند نرقدو ونخلوكم انتو ع راحتكم
هدى: باهي خلي نجيبو فراشاتنا والغطاوات هيا بنات
الاء: هي نجيبلهم صفرة امية ونلحقكم... جابتلهم ومشو فرشو بجنب ايات كلهم وقعدو يهدرزو
جنة: نصيحة خشو كلكم تخصص واحد مع بعض بما انكم قاعدين ف بداية التانوي، اني وصاحباتي تفرقنا لما كل وحدة جامعهه نادمة
ردينهه: علاش مخشيتوش مع بعض
جنة: كل وحدة تبي تخصص ومفيش من يتنازل قعدنا وخلاص
الاء: اني وحدة خشت معاي والباقي تفرقوو لكن قعدين نكلمو فبعض، كانا وحدة عيد ميلادها نمشو نديرلها وجو هك
جنة: من ايام التانوي بعد تمينا تلاقينا مرة بعدها معش تلاقينا ف الماسنجرو انستا مرة مرة نهدرزو هك صح
هدى: تعرفو لحد الان متعرفت ع وحدة ولا مدايرة صاحبة اللي معاي كلهم عقلية ومدايرات رواحهم سوس وهماا خليني ساكتة
الاء: ي خيتي بالك انتي العقلية
ردينهه: ف الاستراحة مع من تقعمزي ولا بروحك
هدى: مرات نمشي نقعد بجنب قروب هك جوهم انمي و BTS نفخولي راسيي لاكن كويسات طيبوات
ردينهه: النوعية هادم ع نياتهم ميعرفوش الدنيا وين ماشيه تلقيهم شطار شوي ويتكلن مرة مرة بالكوري
هدى: ايي جوهم هداا ووحدة تعرف تغني خاشة ع شركات ادير معاهم ف عقود وهك
الاء: عقود شن انتي التانية
هدى: تبعت تسجيل صوت وهما يديرولها لحن وهك ويصوتولها وكان فازت وهك ممكن مشعارفة
جنة: فيها راس مال ولا غير هك
هدى: وين ندري عليها شن مسجلة معاها
الاء: مراتت 🙂
ردينهه: اني بنرقد الصراحة تصبحو ع خير... غطت راسها وفتحت الهاتف
جنة: رقدتي والله
ردينهه: نشوف شن في ف الدنيا ونرقد
هدى: حتى اني بنرقد ع هي تصبحو ع خير
الكل: وانتي م اهله... جنة فتحت نت شوي ورقدت والباقي رقدو ع طول
ايات ناضت طفت عليهم الضي وخدت كاب ووشاح وطلعت مشت لدار المعيشة لقتهم راقدين، مشت للكوجينة خدت طاسة اميه وطلعت للفريندا جبدت كرسي وقعمزت وقعدت تقرا ف الرواية
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
