𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «30»

للكاتبة الملكهه🖤🪶 (آيات البشتي)

عند مهند...
تغدو وغسلو البنات الماعين مروى خدت بنتها ورقت البنات ضمو الدنيا ورقو لدارهم
معز كيف بيرقى لحوشهه: العشية طالعين
فاطمة: باهي زينة
معز رقي لحوشهه
فاطمة: خيرك خليت الولد بروحه وجيت
مهند دخل قعمز جنب امه: خليتهه بيرقد
فاطمة: بوك وين امالا
مهند: بكري دخل قال بنرقد
فاطمة: اممم وانت خيرك م رقيت رقدت
مهند: قلت نهدرز عليك
فاطمة: وعلى شن بتهدرز ولا عندك مشروع جديد قررت تشاورني فيه
مهند: لا لاكن عندي مشروع جديد
فاطمة: شن هواا المشروع
مهند: بنفتح مشروع اني ومحمد وبعدين بنكبروه، هيا قعدة فكرة
فاطمة: باهي كويس تستفادو الزوز وتكونو روحكم لامتى بتقعدو هك حتى هوا خيره مفكرش يتزوج
مهند: مدام فكر ف الخدمة معناها بيكون روحه
فاطمة: مرت اييه، ربي يوفقكم
مهند: ان شاء الله، المهم مكلموكش
فاطمة: غير امتى فكرت وانت مشيتلها امس
مهند: قلت مرات فكرت
فاطمة: مزال الوقت وامتى تكلمنا تكلمنا متستعجلش
مهند: ان شاء الله خير
فاطمة: ربي يكتبها من نصيبك يارب
مهند تنهد وقال بصوت واطي: حبيتها البنت
فاطمة: نعمم
مهند: لاشي اني بنرقى لداري... خدي هاتفه ورقيي
فاطمة: والله لبنت امهاا مدام خلاتك هك... قعدت تتفرج ع التلفزيون

عند ايات...
قعدو يضمو ويستفو ف البضاعة ع جنب ويطلعو ف الحجات اللي بيرفعوها لعند جتهم جارتهم سهام سلمت عليهم وقعمزو ف الجنان يهدرزو
سهام: اي المهم لقيت من يشري الحوش
مروى: بالسرعة هادي؟
سهام: هوا م لما قلتيلي تفكرت خوي ساكن بالايجار فقلت نقلله قبل
مروى: اهاا اي باهي كويس
سهام: ايه وهوا م قبل داخل ف جمعية وملقط فلوس ع اساس بيبني بيهم، فكلمته قال باهي شوفيهالي وقولولي ع السعر ويصير خير
مروى: السعر لتوا مشفتش محل عقار بيش يحددلي السعر
هدى جايبة سفرة شاهي: تفضلوو
سهام: صحيتي
هدى: سلمك... رجعت لايات
سهام: خلاص معناها شوفي وقوليلي ع السعر
مروى: ان شاءلله، وهوا ع شوفة عينك نطلع ف البضاعة اللي بنبيعها قلت نحطها ع جنب بيش نجيبولها سيارة ترفعها
سهام: اي ان شاءلله ربي يعاونكم، كان احتجتو شي قوليلي نبعتلك الشباب لو بتقيمو حاجة ولا بتقضو حاجة
مروى: صحيتي هوا توا مش محتاجة شي لو احتجت تو نقلك
سهام: ان شاءلله... قعدو يهدرزو
هدى وايات ومنذر قعدو يطلعو ف الحجات ويضمو كملو بعد العصر بشوي لمو بضاعتهم وطلعو
مروى وقفت ع محل غذائيّة: من بينزل؟
منذر: انيي... نزل منذر وليلى وايات وهدى ميبوش
هدى: ماما خوديلي معاك كرت
ايات: تعال منذر نقلك شن تجيب
منذر: هيا فيسع شن تبو
ايات مدتله فلوس: جيب بطاطات ومرشميلو
هدى: ومشروبب
ايات: وزيد حجات من عندك مخاطريش نفكر
منذر: باهيي... لحقهم جابو بضاعة ورجعوو
هدى: جبتيلي معاك كرت؟
مروى: ومن بتكلمي بيه يعني
هدى: ماهو غدوة بيتم النت
مروى: واخيراا افتكيتو منه شدو قرايتكم وقعمزو
ايات: غدوة ي خالتي نمشو نعبوه بالله هوا اصلا م نشدوش فيه هلبا
ليلى: خالتك عندها الحق الهو بقرايتكم السنة هادي
ايات: يلا مش لازم، تو انزل مسلسلاتي اليوم
ليلى: مش ناقصكم قراطسية؟ ناخدوها بالمرة كان هذا
هدى: اني لا
ايات: حتى اني وعندي حجات اصلا زايدات
منذر: اني نبي الوان
ايات: عندي تو نعطيكك
مروى: خلاص معناته نروحو طول... رجعو للحوش ستفو البضاعة ودارو قهوة وكسدو عليها
ليلى: معندكمش تطبيقات شكله
هدى تلفتت لايات: شن ي ايات
ايات قعدت تضحك: عندنا انجليزي 😂
هدى: لا وساكتة
ايات: عادي غدوة سبت😅
مروى: خلاص مع المغرب ابدو اقرو الانجليزي مش ساهلل
ايات: ان شاء الله
هدى سارحة مع هاتفها( تو هذا كيف نوصله اني) دخلت ع ايميل مهند: اهلين
مهند كان فاتح نت ومقعمز ف داره وصلاته رسالة م ايميل: من؟
هدى: بنت خالة ايات
مهند: شن تبي؟
هدى: ايات بكري مبتش تقلك قلت نقلك اني المهم ايات قالت حنوافق لاكن غدوة حتقول لامها لما تسألها
مهند: باه اني شن دخلي
هدى: ايات معجبة بيك يعني متكرهكش وهك
مهند: تمام انتي علاش جاية تقليلي
هدى: قلت نقلك لان درهتولي كبدي الزوز مفيكمش جو
مهند: سلامم
هدى: حقاا ايات بعد يومين عيد ميلادها يوم 24 ورينا رومنسيتك ي جاف
مهند: جااف؟
هدى: اي المهم بالله متقلها اني قتلك حتقتلني، سلامم... طلعت م المحادثة وسكرت الهاتف لقت ايات تشبحلها
ايات: شن كنتي اديري😑
هدى: شن ندير يعني فاتحة نت زي الناس🙁
ايات: والله ي هدى
هدى قطعت عليها: مفيش داعي تحلفي مكنت ندير ف شي
ايات: تو نشوفو🙂
مروى شن تتهامزو انتو الاتنين
هدى: نهدرزو ع النت
ايات: فكرتيني ف مسلسلاتي
منذر: بنطلع نشوف الولد
ليلى: كل يوم ي منذر كل يوم
منذر: عادي نهدرزو اصلا هوا ولد واحد واني واحد
ليلى: باهي قبل المغرب ترجع
منذر: باهي... ومشي طلع
هدى: شرايك انزلو ببجي نلعبو بيها
ايات: والقراية؟، تاني شي باي نت بتفتحيها
هدى: نقرو الصبح وفاليل نلعبوو، والنت تو ندبرو كيف نعبوهه
ايات: كيف بتعبيه🙁
هدى: هدا ولد عمك اللي اسمه معاد نعطوه يعبيهولنا
ايات: زعماا؟
هدى: علاش لاا
ايات: باهي، لاكن اني منعرش نلعبهاا
هدى: حتى اني اصلاا، لاكن تو انزلو ف قروب بنات يدخلونا معاهم ويعلمونا
ايات: موضوع فاشل لاكن يلا نديرو جوو
هدى: نقولو حتى للبنات نديرو قروب مع بعض
ايات: تمام، شاكة فيك بتودرينا ف هالشهادة
هدى: ان شاءلله لا، وشنرايك نديرو قروب نقرو مع بعض وهكي ننجحو وبنسبة كويسة
ايات: تو نشوفف، انتي علاش افكارك كلها تجي ف جرة بعضها
هدى: هكي احسن وربي يدوم افكاري
ايات: ان شاء الله 🥱... قعدو يهدرزو