𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «7»

للكاتبهه الملكهه.. 🖤🪶 (آيات البشتي)
جنات: انتم تعرفو بعض م العيلات وهك
الاء:اي امهاتنا يخدمو مع بعض وصاحبات وبوي يعرف عمي صالح م قبل ديما نمشو ونجو ع بعض وهك
جنات: كويس وبالاخص جت فصالح ردينهه وايات
هدى: اي صح، نوزعو حليب ولا مزال
جنة: بعد م يروحو الرجالة احسن
ميس: اصلا توا مضنيت في حد حياخد كيف طلعت الجنازة ونصهم خاطرعم مسدود
هدى: خلاص امالا لعند م يروحو الرجالة تو نوزعو
مروى: هدى بعدين شوي اكيد النساوين بيخشو يصلو افتحي حشاكم الحمام البراني والمربوعة
هدى: باهي، المربوعة تو نفتح الرواشن والباب والحمام مسكر هوا
مروى: مشعارفة بري شوفيه المهم
هدى: باهي تو شوي ونمشي
مروى: توا تمشي نصهم بيتوضو
هدى وقفت: باهي هاني نايضة
الاء: اني تو نشوف المربوعة وانتي بري لحشاك الحمام
هدى: تمام هاني ماشية
جنة: الاء تو اني نجي معاك المربوعة
رحمهه: بنات شرايكن ندزو نجيبو باش نكتبو واجباتنا
رغد: زعماا تو غدوة ساهل اصلا من بيمشي للمدرسة
رحمهه: تفاهمنا كل يوم تمشي وحدة تجيبلنا واجباتنا والدروس وتجي ونقرو مع بعض هالاسبوع وبعدين ساهل
ايات²: صح واصلا احني شهادة راه فالدرس اللي يفوت يفوت
ميس: اي وفرصة نقرو مع بعض ونساعدو بعض ع الاقل وحدة مفهمتش تفهمها التانية
رحمهه: اي باهي خلي نكلم خوي يجيبلي شنطتي ع الاقل
رغد: باهي خلي حتى اني نكلم خوي
ايات²: اني تو نكلم اختي تجيبها
ميس: خلي نشوف بابا حتى اني
ردينهه: اني اكيدة معاذ ف الجنازة وبابا ومفيش من بيجيبلي
رحمهه: اكتبي واجبات ايات ولما تمشي الاء تجيبهملك وخلاص
جنات: حلو تفكيركم ربي يحفظكم لبعض
الكل: انشاء الله
هدى جاية بتخش الداخل: اسمعو اني بنخش نسيق الحمام البراني ع السريع تو نجيكم
جنات: ندير معاك شي؟
هدى: لالا صحيتي اصلا مفي شي بس قلت نديره وخلاص
جنات: تمام
جنة طالعة م المربوعة: ها شن درتي ي هدى
هدى كيف طالعة وشادة السياقة: توا بنخش نسيقه ع السريع
الاء طلعت وراها: باهي بعدين انتي قعمزي واحني تو نقدمو ونضموو
هدى: تو نتعاونو اصلا ساهل كل شي.... ومشت والباقي قعمزو شوي وجتهم هدى
هدى كانت متوضية وقايمة كمامها: بالله وحدة تمشي تناديلي ماما م الخيمة
رحمهه ناضت: تو اناديها هي... مشت نادت مروى وجت
هدى واقفة ف الباب: ماما نبي نبدل دبشي بري جيبيلي وتعالي
مروى: مش وقته هدا البسي حتى م ايات
هدى: تعرفيهم ميجوش عليا وحيطلعو قصار وحتى ملاية صلاتها قصيرة
مروى: البسي عبايه م خالتك وريحيني، اصلا كيف بنخلي خالتك والناس ونطلع
هدى: وشن فيها باهي نجيبو ليا و ليك بالمرة ونجوو
مروى: قتلك منقدرش نخلي الناس دبري اي لبسة م ايات
هدى: باه اعطيني المفتاح نمشي اني
مروى: نعطيك عينك غير اعبي
هدى: تو نمشي بسرعة ونجي مش حندير شي
مروى: تحلمي نخليك تمشي بروحك، وتوا خليني نمشي نقعمز بجنب الناس
هدى: باهي تو يمشي معاي واحد م الشباي تبع بكري
جنة: كنا هدا تو نقول لخوي ونمشي معاه اني نوصلوها
مروى: دبرو روسكم اما بروحك والجو الزايد فوتيه... ورجعت للخيمة
هدى: باهي باهيي، حيعطل مرات خوك ولاا
جنة: تو نكلمه توا اول م يطلع م الجناز يجي يرفعنا
هدى: باهي نمشي نلبس وحدة م العبايات ونصلي
الاء: اصبري نصلو الكل مع بعض احسن
ردينهه: باهي نوضو اللي بتتوضى في زوز حمامات داخل وواحد اللي برا
ايات²: اني تو نمشي برا
هدى: هي جنة وجنات بالكبير تعالو نوريكم الداخل
جنة&جنات ناضو وراها وخشو يتوضو.... وكل مرة يخش حد يتوضى لعند توضو ولبسو عبياتهم وصلو مع بعض وطلعوو..
جنة تتصل بمهند: الووو طلعتو م الجنازة ؟
مهند ف السيارة: شن تبيي
جنة: بنت خالة ايات بتاخد دبش لازمها م حوشهم تعال ارفعنا
مهند: واني شن دخلي فيها، ومن ايات اصلا، وين خوتها البنت ؟
جنة: ايات بنت عمي صالح ربي يرحمهه خيرك
مهند: مدخليش انيي قالولك تاكسي؟
جنة متبيش تبين🤧: باهي تمام نستنو فيك... وسكرت منه
هدى: شن قالك بيجي يرفعنا؟
جنة: اي قال شوي ونجيي... فتحت هاتفها وبعتت رسالة لمهند( تعال بسرعة البنت قتلها شوي ويجي راهه)
جنات شافتها وقعدت تضحك ع جنب: صار قالك شوي ونجي
جنة تفنص ف جنات: اي هك قال🙂
مهند شاف الرسالة: نفخخ الشكالات هادو... واتجه للعزي اول م وصل اتصل ب جنة
مهند مدرس قدام الخيمة: اطلعي بالك متعطلينيش
جنة تاشر لهدى بمعنى هيا: هي شوي ونطلعو
مهند: توا تطلعي لا شوي ولا وحدة
جنة: باهيي طلعنا... طلعو وركبو جنة م قدام وهدى م الورا
هدى ركبت: السلام عليكم
مهند: عليكم السلام ورحمة الله
جنة: هيا براا
مهند: تعرفيه الحوش ولا غير برا
هدى: حوشنا بجنبه شجر اخضر🙂
جنة: شجر شن انتي التانية
هدى: نبصر عليك في لمنطقة الفلانية ف المكان الفلاني
مهند بجدية: وقتهاا البصارة؟
هدى سكتت وقعدت تتفرج م الروشن لعند وصلو... نزلت ومعاها جنة
هدى فتحت الباب وخشت: قعمزي ف الصالة نجيب حوايجي ونجي
جنة: عادي تو نقعد حتى ف الفيرندا
هدى: ديري رايك ولا كان تبي تشوفي داري
جنة: اوك منقولش لا..... ركبو لدار هدى كانت لونها ابيض والغرفة رصاصية ف الاسود والستار رصاصي فرشات اسود ف الرصاصي والورغان اسود
هدى اطلع ف حوايجها م الدولاب: ها شن رايك
جنة قعمزت ع السرير: حلوة ومتناسقة لاكن تحسي الوانها حزينة 🙂
هدى: يصص لان نحب اللون الاسود
جنة: رغم ان جوك ميوحيش هك
هدى: صح تحسيني مسلية وجو هك وقرمة ولاا
جنة: اييي بالظبط، بس عادي اصلا من ميحبش اللون الاسود ف الوقت الحالي 😅
هدى حطت توتات وملاية صلاتها وعبايتين وجوارب والزي تبعها ف شنطة وخدت معاها شنطة المدرسة وطلعت
جنة: هاتي نرفع معاك؟
هدى اعطتها الشناطي: اوك نزلي هادو واني خلي نجيب دبش ماما
جنة خدت منها ونزلت: اوك نستنى فيك متعطليش
هدى مشت لدار امها: باهيي.... طلعت دبش لامها وخدت معاها فرش اسنان ونزلت
جنة مقعمزة ف الجنان: حلو جنانكم بسيط وفيه جو عشية
هدى: ايي لاكن تبي م يقعمزله جو العشية
جنة اتجهت للسيارة: هي نمشو معش تبي شيي
هدى: ايي هي نمشوو.... ورجعو للعزي
هدى نازلة ومنزلة معاها شناطي: شكرا
جنة خدت معاها شنطة: العفوو
جنات مقعمزة بجنب الاء: كان بتو غادي خير 🙂
هدى خاشة م الباب: الاء ي قصيرة بعتيني
الاء: لااععع نا مش قصيرة انتي خليتيني
رغد: هادي مش نديدتنا نبصملكم بالعشرة
ميس: نوضو وزعو ع الناس نوضو
ايات²: اي ههيا باش نعطو للرجالة مرة وحدة
هدى خشت الداخل: خلي نحط الشناطي ونجيكم ابدو بالنساوين
ردينهه ناضت وخشت الداخل: هيا رحمهه ايات
قامو ايات ورحمهه وردينة الصفر وطلعو بيهم
الاء طلعت هاتفها: نكلم خوي يجي يرفع للرجالة
جنات: جنة كلمي مهند حتى انتي
جنة: باهي، وشرايكم نعطوهم صفر وصندوق حليب والتمر ساهل يقدرو يديرو
فاطمه وقفت ف الفيرندا: بلا دلع ونوضي حركي يديك
جنة ناضت وخشت: باهي باهي
فاطمة: جنات بعدين بري مع خوك وجيبيلنا دبش ووحدة منكم تبات معاي
جنات: باهي تو بعدين نمشي و جنة تو تبات معاك
فاطمة: باهي وطيبيلهم عشي لما تروحي
جنات: تمام
الاء طالعة بصفرة الحليب: وحدة منكم تجي وراي بصفرة التمر
جنة ناضت وخشت: تو نجي اني هي، وجنات جيبي صفرة الحليب التانية
جنات خشت جابت صفرة الحليب... وعطو الصفر للرجالة ورجعو قعمزو
ردينهه: هي نزيدو تمر ونصبو حليب للمرة الجاية ولا شن
جنات: المرة التانية نديرو شاهي وفطيرة وخبزة احسن
رحمهه: م جابوش خبزة وفطيرة لاكن
الاء: تو نكلم معاد تو يجيب
هدى: خلي نقول لماما تعطيه فلوس
الاء طلعت هاتفها واتصلت: لاله اكيدة عنده اصلا عيب ميجيش
هدى: قصدك عيب ولاشن، تبي الحق عمري م حضرت عزي وعولت وهك منعرش راهه
الاء: فهادي عندك الحق... قطع الخط
معاذ: نعم شن تبي
الاء: جيب خبزة وفطيرة للعزي
معاذ: باهي شوي نديرلك رنة اطلعي
الاء: باهي... وسكرت
رغد هاتفها يرن: شوي ونجيكم
ميس: علاش ميتكلموش بحدانا احني
رغد: مش هكي خوي اكيدة جابلي شنطي نايضة بنجيبها
رحمهه: فكرتيني خلي نشوف خوي جابها ولا لا.... خدت هاتفها واتصلت بخوها
محمد: شنو فيي
رحمهه: جبتلي الشنطة
محمد: اي خليك ف الباب شوي ونمدهالك
رحمهه ناضت ومشت وقفت بجنب رغد: باهيي
ميس: خلي نشوف بابا منبيش نبدا نكتب بروحي
ايات: حت اني خلي نشوف اختي... جابولهم كلهم وبدو يكتبو ويهدرزو
جنات: حني خلي نلفو الفطيرة كانا هدا
هدى: اي ونقصو الخبزة
جنة: باهي نخشو للصالة نديروهم غادي
الاء: تمام وانتي هدى طلعي اقري معاهم احسنلك
هدى: تمام، خلي نطلعلكم موس وكنينكس وحجات تحطو فيهم
جنة: باهي هي، وجيبي الفطيرة والخبزة
هدى: تمام... جابتلهم الحاجات وقعمزو يديرو وهدى وباقي البنات قعدو يكتبو ف واجباتهم
رغد: من غدوة بتمشي
رحمهه: انيي
رغد: بري لاسيل قليلها تعطيك كراستي الاحياء واجب قعدت عندها
رحمهه: تمام غدوة ساهل، زيدي ذكريني قبل لنروح
رغد: تمم
ميس: تمييت، افف واخيراا
الاء طلعتلهم: بما انك تميتي تعالي طلعي الفطيرة ومن تم تاني
رحمهه: اني تميت
الاء: تعالي طلعي الشاهي، وتو نطلع معاك اني
رغد: والكنينكس درتوه
الاء: اي تبي اطلعيه تعالي
جنات طلعت قعمزت بجنبهم: المغرب تو قريب ياذن
جنة طلعت وراها: ايي قريب
جنات: نديرو عشي زعما
هدى: من اول يوم
جنات: اكيدة ف ناس بيقعدو
جنة: نطيبو مكرونة
هدى: احني بنطيبو قصدك
جنة: عادي نساعدو بعض اصلا احني هلبا ونعرفو، احسن م نتاعبو امك ميجيش
هدى: من وين بنجيبو الطناجر و المركاب وكيف بنوصلو الغاز ووين بنطيبو
جنة: ساهل عندنا احني طناجر كبار ومركاب والغاز تو نقولو للشباب يركبوه ونقول لبابا يدز من يجيب لحم وبصل وطماطم وبطاطا ومكرونة
جنات: اي ساهل ونتسلو مع بعض
هدى: باهي خلي نمشي نقول لماما
جنة: لاله لاش غير تقعد ماشية جاية وتفكر خلي نديرو طول
جنات: اي خلي نكلم بابا يقلهم يجيبو بضاعة وطناجر ومركاب
الاء: اني تو نمشي مع خوي نجيب صفر وتباسي مرات ناقصات
جنات: امالا حتى اني تو نمشي مع مهند نجيبو الطناجر اكيد مش حيعرف مكانهم
جنة: اي بري خير تو يقعد كل شوي يتصل
ردينهه: ايات تبي تخشي لدارك ترتاحي ولا شي
ايات²: خلي تقعد جنبنا احسن
رحمهه: اي كلام ايات صح مرات يلعب عليها الشيطان متعرفيش شن يصير
هدى: بعيد الشر عليها، تعالو نمشو م جيهة الكوجينة الفيرندا التانية
رحمهه: اي وزوز يقعدو اهني تقفدو الجو
ميس: تمام تو نقعد اني ورغد ومعانا ايات
مشو باقي البنات م الجيهة التانية وجنات مشت مع مهند تجيب ف البضاعة والاء مع معاذ
هدى طلعت كل الامواس و طلعت فرشة م المخزن فرشوها وقعمزو عليها وطلعت ليانات( صواني كبار يغسلو فيهم ف الدوارة وف المناسبات يقرضو فيهم ف البصل وكذا) كملت طلعت اكياس قمامة
رحمهه: اعطيني كيسة نلم الاكواب والكواغط م الخيمة
هدى: شرايك صفرة احسن
رحمهه: تمام ووتيلي كيسة باش نجي نفرغ طول
ايات²: موزعتوش امية ولاا
جنة: لاله، تو نطلع توا تعالي معاي... مشت معاها وطلعو امية ورجعو
الاء جابت تباسي والصفر: من يطلع يجيب معاي
هدى: هي جيتك
ردينهه: هاني جيت حتى اني
طلعو ودخلو التباسي والصفر... شوي وخشت جنات
جنات خاشة وجايبة معاها البضاعة: هي تعالو معاي نجيبو باقي البضاعة... لحقتها جنة ورحمهه
جنات: تعال ركبلنا الغاز
مهند: لشن من بيطيب
جنات: باش نديرو العشي واحني بنطيبو
مهند: من انتمم
جنات: البنات، وتوا هيا تعال ركب الواحد
مهند: غير طيبو باهي بسس، بري قوليلهم يخشو الداخل
جنات: باهيي... دخلت وقتلهم خشو الداخل
مهند مشي لجيهة الكوجينة: وينه الغاز
جنات: في الكوجينة يبي فكان
مهند دخل للكوجينه وفكه وطلعه ركبهولهم وطلع وطلعو البنات برا
الاء واقفة قدامهم: اسمعوني ي بنات خلي نقسمكم اوك
الكل: اوك هيي
الاء: ردينه، رحمهه... انتم قرضو البصل حتى 5 يكفو
ايات²، هدى... عليكم البطاطا، جنات وتو انادي معاك ميس... غسل اللحم، اني، جنة... غسل التباسي والصفر والطنجرة والصواني
جنات: تمام هي نبدو...
نادو ميس وبدو يغسلو واللي يقرض وشوي وولعو الغاز وحطو الطنجرة وغسلو الماعين اللي دارو بيهم...
مروى مشتلهم م جيهة التانية: شني الصوت هادو والصنة، شن اديرو
هدى: انديرو ف العشي، اصلا كملنا مزال نكسرو المكرونة وخلاص
مروى: درتو كل شي
الاء: اي كل شي مزال يطيب وبس
مروى: من وينجبتو البضاعة وكيف ركبتو الغاز
جنة: والله درنا وخلاص توا
مروى: والله شن بنقللكم بارك الله فيكم
رحمهه: اص
لا هادا واجبنا كان مدرناش احني من بيديره
مروى: ربي يحفظكم، تو انتم امشو توضو باش تصلو واني تو نشوف الطنجرة
الاء: تمام،هي بنات برو بالزوز زي بكري... خشو توضو وصلو مع ببعض وقعمزو يهدرزو بجنب الطنجرة
الاء: الباب م غادي قعد مفتوح راه
هدى: خلي انوض نسكره ونجي احسن
رحمهه: شناطينا قعدو برا
رغد: دخلتهم ف الصالة كلهم
رحمهه: باهي كويس
ردينهه: الاء بري جيبيلي شنطي ودبشي اني وماما
الاء: باهيي، تو نمشي
ردينهه: توااا بري بالله
الاء: باهي اصلا حتى اني نبي نغير دبشي
جنة: ماما بتبات
جنات: اي وقالت وحدة منا تقعد، اقعدي معاها باش اني غدوة نمشي الجامعة ماهه
جنة: تمام، كان قدرتي تسجلي حضوري سجلي
جنات: باهي تو نشوف
الاء وقفت بتمشي: هي اني بنمشي تو نجيكم سلام
ومشت الاء وجت وقعدو اللي شادة الهاتف ومرة مرة يهدرزو لعند اذن العشاء وصلو مع بعض وصبو المكرونة
هدى: نصبها طول المكرونة ولااه
جنة: لا خلي نطلعو اللحم كله هوا والبطاطا باش يبدا فية وسع وتسد المكرونة اكتر
الاء: ايواه عندك حق وبالمرة نستفو اللحم ف
كل التباسي
جنات: اوك اني خلي نكلم مهند يعد قداش نديرو تبسي...

نهاية الحلقه❤🪐

صح تاخرت عليكم ف تنزيل الحلقة وسامحوني لاكن بجديات كنت مضغوطة ومش متفرغة ابداا
انشاء الله م اليوم معاش حنتاخر ف تنزيل الخلقات 🖤🪶