𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «33»

للكاتبة الملكهه🖤🪶 (آيات البشتي)

يوم جديد❤

عند ايات...
فاقت مع ال7:30 توضت وصلت ولبست الزي وعليه هودي ابيض خدت شنطتها وطلعت لقت هدى كيف طلعت فطورهم ومنذر ومروى يستنو برا
ايات: خيرك منوضتينيش
هدى: قلت مزال الوقت، تبي تفطري؟، درتلك نص صغير كوليه ف السيارة
ايات: كويس لان والله جعانة امبارح متعشيت
هدى: قلت حتا انا، هي نمشو... طلعو وصلتهم مروى ورجعت للحوش

عند ردينهه...
فاقت مع ال7 دارت دوش غيرت ولبست الزي وعليه جاكيت جلد اسود خدت شنطتها وطلعت تفطر وقعدت تستنى ف الاء شوي وطلعت الاء وطلعو مع بعض وصلو ردينهه وبعدين الاء

عند مهند...
فاق مع ال8 طلع للكتيبة واجتمعو الشباب الكل غادي
مازن حجز هوا واحمد في طيارة لتركيا بيش يختارو الاثاث وطلعو لشركة توفرلهم طباخين
محمد ومراد طلعو لمكان الايجار اجروه م صاحبه وجاب عاملين ينضفو المكان
مهند ومعاذ قعدو يختارو ف الالوان وباقي الديكور واتفقو مع شركة مطابخ
مع ال10 رجعو اجتمعو الكل
مهند: نبدو بمحمد ومراد شن درتو وشن اللي مزال
محمد: كل شي الا اللي بيزوقو غدوة بنجيبوهم، شن الالوان اللي اتفقتو عليها
معاذ: كله باللون الابيض بيش التحف والحجات اللي بنديروها داخله تكون بارزة ومع التغير تمشي مغاه الالوان كلها
مراد: تمام غدوة نجيبو عاملين يزوقو
مازن: احني احجزنا ف طيارة و الشركة اللي بتوفر طباخين حيكلمونا وفاقرب وقت
مهند: تمام الشركة يبو يشوفو المكان بيش يعرفو كيف حيجي المطبخ وشن المناسب
معاذ: تمام معناها توا معاد تبو شي
مازن: شنرايكم يعزمنا مهند ع فطور🙂🦦
مهند: تخلصو معاي بالنص
مازن: انت خلص نص بروحك واحني نص مع بعض
مهند: تم نوضو هيي... طلعو مش
و مع بعض فطرو وكل حد اتجه لحوش

ف المدرسة...
وقت الاستراحة...
ميس: احلفي غدوة بيخطبوكك
ايات: والله
رحمة: الله، لو كان بوك حي راه كلنا فرحنالك وبجنبك ودرنالك حفلة كبيرة
الكل: الله يرحمهه
ايات دمعو عيونها: اميين
رحمة: متبكيش احمدي ربك معاك امك في الايتامة من البو والام وانتي الحمدلله قعدة معاك امك وخالتك واحنيي خواتكك
هدى: متنكديش ع روحك ادعيله ديما اصلا ف الاخير كلنا حنموتو والدنيا هادي مش دايمة لحد
رغد: الحياة قدامنا ومفروض توا نستغلو كل الفرص ونفرحو بابسط الاشياء
ردينهه تلفتتلها: نوعا ما كلامك مقبول 😐
ايات²: باهي احكيلنا شن مقررة اديري شن التقديم وهك
ايات: مفركت ف ولا حاجة، بجديات يعني بوي كيف ميت واني بنقدم
ايات²: ياربي صبرني
ردينهه: يصبرنا كلنا😮‍💨
ايات²: اكيد مش حتخلوهم ع الناشف واللي نقصده حتى طاسة عصير وهك
ايات: اي هوا صراحة طاسة عصير وشكلاتة نلبسو الخواتم وتمم
ميس: زعما يجيبو حجات
ردينهه: اكيد الحجات اللازمة بس تبع الخطبة
هدى: ايي صح
رغد: بعد يروحو صوريلنا الدبلة اهم شي نشوفو الذوق
ردينهه: تو نوثقلكم انيي😌
رغد: صار حاضرة
رحمة: عاد هادي اختها امالا كيف
ايات²: خدو مقاسك ف الخاتم وهك
رحمة: مفروض تمشي هيا واخته ولا امه يختارو
ايات: مشعارفة، تبو الصراحة معندي نية لشي ولا شغف اصلا، اللي بيديروه يديروه
هدى: كل شي جي بسرعة هدا ليش
رحمة: المهم ربي يهنيكم وخلاص
الكل: ان شاءلله يارب... قعدو شوي ورن الجرس ركبو لفوصولهم