𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «36»

للكاتبة الملكهه🖤🪶 (آيات البشتي)

عند مهند...
مع الساعة 4...
كان الكل يوتي ف روحهه حطو البضاعة كلها ف السيارة ودخلو يوتو روحهم اللي يغير واللي يمكيج واللي يدوش وغيرهه...
مهند رقي لداره دار دوش وطلع لبس زبونه (رصاصي ف الاسود) تعرفوه اكيدة اللون كيف جي المهم... ونزل للصالة يستنى يأذن العصر...
فاطمة جهزت روحها وقعدت تستنى ف العصر...
جنات خدت دوش وطلعت استشورت شعرها ولبست (سروال ابيض،بلوزة سماوية حرير،اكسسوارات فضية،سبيدرو ابيض): أذن؟
جنة: 5 دقايق ويأذن... لبست نفس جنات بالظبط وطلعت عبايتها لبستها وقعمزت تستنى
جنات: اني بندير تنت بس
جنة: اي عادي لاكن ردي بالك تحطي عطر
جنات: علاش شن فيها لو حطيت
جنة: امها قاعدة ف العدة شن تحكي انتي
جنات اها قصدك حرام
جنة: اي امالا شن
جنات: باهي والخطبة
جنة: هادي اني منعرفش عليها شي ممكن تطلع عادي نحسها (واهني اتذكرت ان حرام ف فترة العدة او لا خطبة وهك مشعارفة ف دخلت الامور ف بعضها sorry🫣)... اذن العصر صلو وطلعو، مهند اتصل بمحمد وخالد اتصل بصلاح وقاله يستنى فيهم

عند البنات...
سكرو م البنات وكملو لايات وهدى دخلت تغير...
ايات: لحظة هما من من بيخطبوني
ردينهه: من بابا حتى هادي مش عارفتها
ايات: منعرف شي ومش فاهمة شي لان كل شي جي بسرعة
ردينهه: عندك حق
ايات: باهي امك والاء ليش ما جو
ردينهه: ماما دوام والاء مشت لصاحبتها
ايات: اهاا ايي... طلعت هدى
ردينهه: مشاءالله تلاتتنا طالعين نهبلو
هدى: ولااا😅... المهم كانت لابسة(قفطان ازرق غامق ومعاه اكسسوارات فضية وشدت شعرها لفوق ومكياج بسيط)
كملو اذن العصر صلو وقعدو يستنو، نص ساعة كذا ووصلو كان صلاح ومعاذ ف المربوعة استقبلو خالد ومهند ومحمد...

مروى وليلى استقبلو فاطمة وبناتها ودخلو الحجات اللي كانو جايبينهم وقعدو يهدرزو شوي دخلت هدى وايات وردينهه سلمو وقعمزو يهدرزو
فاطمة: مشاءالله ربي يبارك لو عندي زوز ولاد تانين راه خديتهم كلهم
مروى&ليلى: يبارك فيك
هدى وردينهه كانو يهدرزو هما وجنة وجنات وايات كانت ساكتة وتشبحلهم
جنات تلفتت لايات: طالعة تهبليي ع فكرة
ايات: هذا م ذوقك، حتى انتي طالعة حلوة
فاطمة: السنة الجاية شن ناوية تدخلي
ايات: الصراحة لحد الان مقدرتش نوقف ع مجال واحد الحق
جنة: اي صح اصلا كل م بتقربي خلاص بتطلعي م التانوية بتتشتت افكارك مش ح تقعدي ع مجال واحد
فاطمة: اييه، كيف ماشية معاكم الشهاده، التلاتة تقرو شهادة ولاا؟
ايات: اي التلاتة، كويسة لحد الان مشفنا منها شي
فاطمة: ان شاءلله ربي يوفقكم
الكل: ان شاءلله
ايات تلفتت لردينهه وقالتلها بصوت واطي: نوضيي معاي
ايات وقفت ومشت وراها ردينهه: نقدمو العصير
ردينهه: ايي هيا نقدموو... قعدو يصبو ويساوو ف السفرة
ايات: معرفتش حتى شن نهدرز ونحكي
ردينهه: عادي هدرزي علينا احني وجنة وجنات وخلاص
ايات: المهم هي نرفعو
ردينهه: تمام نكلم معاذ ياخد مني ونلحقك...خدت هاتفها واتصلت عليه مردش طلعت للجيهة الخلفية ادور ع منذر
ردينهه تنادي على منذر: منذرر منذر
محمد كان واقف عنده مكالمة، تلفتت شافها ورجع لف لانه مكانتش لابسة وشاح
ردينهه مشافتش محمد لان كان خافية عليه عرصى: وين مشي هذاا
منذر طلع م المربوعة ومشالها: شن تبي
ردينهه: وين كنت
منذر: ف المربوعة وسمعتك تنادي وسمعناك كلنا
ردينهه: تعال نبيك ترفع السفرة كلمت معاذ مردش
منذر: اها باهي تو نرفعها... رجعو عطاته السفرة ومشت قعمزت
فاطمة قعدت تحكي لليلى ع مهند وانه عنده حوشه وع خدمته كيف وكيف كان قبل وشن صار معاه والتعين اللي جاه حاليا وشغلهم كيف حيولي وإلى مالا نهاية وليلى حكتلها ع ايات وان حتكمل قرايتها وعقليتها وشن تعرف وماتعرف والى مالا نهاية ناضو البنات رفعو الصفر وغسلو الاكواب وكيف بدو يوتو للقهوة والنسكافي...