للكاتبهه الملكهه.. 🖤🪶 (آيات البشتي)
مروى دخلت لايات: اياات بنيتي
ايات ناضت م ع السرير وكانها تبي تروح
مروى قعدت تساعد فيها: قاللنا الدكتور نقدرو نروحو بيك
ردينهه: هيا ايات خليك قويهه اني معاك والبنات كلهم اول م سمعو جو يستنو فيك
مهند طلع ولع سيارته وقعد يستنى فيهم
طلعوها وروحو للحوش دخلوها الخيمة
ردينهه جابتلها كرسي وقعمزت وقعدو الناس يجو يعزو فيها وجوها صاحباتها
ميس حضنتها وقعدت تبكي: ايات ي قلبي، عظم الله اجرك
ايات²: ربي يخلفلكم البركة، خليك قوية وديما ادعيله
رحمهه: عظم الله اجرك ايات ربي يرحمه ويغفرله يارب
ردينهه: تعالو نخشو الداخل نديرو مع هدى بنت خالتها، تعالي معانا ايات
خشو كلهم وقعمزو جنب ايات ف الصالة
هدى: نلفو كمية من التمر ويطلعو تلاتة يوزعو باهي، زوز سفر حليب ووحدة تمر
رحمهه: تمام تو نطلعو اني وردينهه وميس
ميس: لاله اني منحبش نوزع فكيني
ايات²: باهي تو نطلع اني
ردينهه جابت سفرة التمر اللي لفتها هيا والاء وهدى: هادي لفيناها بكري، نزيدو عليها شوي ونبدو نطلعو
الاء وقفت: تمام، خلي نجيب اني طواسي الحليب والسفر
هدى وقفت معاها: تمام تعالي معاي نطلعلك السفر
ميس: حقا رغد وين، قلتولها
ردينهه: معنديش رقمها والنت متفتحش
رحمهه: تو غدوة نمشي نقللها ف المدرسة
ميس: اني مش ماشي بنجي ندير م الصبح
ردينهه: اي حتى اني
ايات²: اي نقعدو نديرو معاهم وغدوة رحمه تمشي تقول لرغد وتشوف شن خدو علينا م كل فصل
ميس: ونديرو بالدور كل مرة وحدة تمشي وخلاص
الاء جايبة الطواسي: دور شن
ردينهه: عالمدرسة من يمشي ومن يقعد يساعد
الاء قعمزت: اهاا فكرة حلوة اي
هدى جايبة السفر: هي شدي هيي
الاء: نوضو وحدة منكم تجيب ستيكة الحليب
ميس: وينن نلقاها باهه
هدى: ف الكوجينهه واضحات تلقيهم حاطينهم لوطا
ايات²: بعد الحليب والتمر نعطوهم امية ولااا
الاء: اي لاكن توا منوزعو شي بعد م يرفعو الجنازة واصلا مجابوش امية ولااا
ردينهه: اي صح مهناش ف الكوجينهه
هدى: من بنكلمو توا مهناش شباب نعرفوهم
الاء خدت هاتفها وناضت: تو نكلم معاذ يجيب
لفو ردينهه والباقي وقعدو يهدرزو
مروى خشت لهدى ف الصالة: منذر متغداش ولاا
هدى تلف ف الفطيرهه: مشعارفة، لقيت طبيخا واتية بكري ايات شوره مطيبة وبجنبها حافظة مكرونة
مروى: معناها اكيدة متغدوش، خلي اناديه اكيدة جعان.... مشت نادت منذر وجت
منذر دخل هوا وخالته الصالة: حتى ايات وماما متغدوش
مروى قعمزت ع الصالون: امك م ظنيت تتغدى وايات واخدة تغدية بكري، انت بتاكل
منذر: اي نبي
مروى: نوضي هدى صبيله يتغدى
هدى: باهي لاكن الطبيخة هلبا راه الا اذا حولت منها في طنجرة صغيرة
منذر: اي حقا احني بكري حسبنا الرجالة اللي كانو برا متغدوش حتى هما
مروى: قداش واحد هما
منذر: 8 وحدين
مروى: باهي ناديهم وقلهم تبيكم خالتي ف المربوعة كلهم
هدى: ماه اسأليهم كان يبو وخلاص مرات ميبوش
مروى: اكيدة حيتحشمو ويقولو لا وتاني حاجة قولي منبيش ندير وخلاص
هدى ناضت مشت للكوجينة: تو نديرها
الاء ناضت: ندير معاك؟
هدى مششت للكوجينهه: كان تبي تعالي
الاء: مششت لحقتها
منذر لحقهم: في سلاطة بعدين كان تبو تاكلوها
هدى: نعاج قدامك احني
منذر: سلاطة الموز والتفاح ي بقرهه
الاء: قصدك سلاطة فواكه
منذر: اي
هدى بدت تصب ف المكرونة: باهي انت برا نادي الرجالة قبل
منذر طلع للخيمة بيناديهم..
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
