للكاتبة الملكهه🖤🪶 (آيات البشتي)
عند ايات...
فاقت مع العصر توضت وطلعت لهدى
هدى: صباح الخييير
ايات قعمزت قدامها: صباح النور
هدى: سعدودك رقدتي
ايات: وعلاش مرقدتيش يعني
هدى: قلت نكمل الكراسات احسنلي
ايات: باهي كويس، اعطوك ملفك؟
هدى: اييه، خلي انوض نصلي العصر تو نجيك
ايات: تمامم
منذر طلع للمخزن
ايات: فيش ادور؟
منذر: كورتي وينن
ايات: كورة شنن، شن تبيها
منذر: بنطلع نلعب بيها مع الولد
ايات: وقتها هياا، شد قرايتك
منذر: انتي شن دخلك
ايات تنادي ف امها: مامااا
ليلى: نعمم خيركم
ايات: طالع يلعب برا بدل م يشد قرايته
ليلى: وين بتلعب برا
منذر: مع الولد اهني شن فيها
ليلى: باهه وقرايتك
منذر: عادي تو نقرى فاليل
ليلى: متعطلش قبل المغرب بساعة تروح
منذر: باهيي
ليلى: ولا تعال العب اهنيي انت وياه
منذر: تو نلعبو قدام الحوش برا
ليلى: باهي براا
ايات: باردد
منذر خدي الكورة: اقلبي وجكك... وطلع
مروى طلعت ومطلعة معاها قهوة وبشكوط: جو اليوم حلوو
ايات قعدت تحول ف كتابات هدى: ايي حلوو
ليلى: هدى
هدى كيف جاية: نعمم
ليلى: جيبيلي معاك وشاحيي
هدى: حاضر هيي... رجعت جابتهولها وجت
قعمزو الكل برا وهدى وايات قعدت يكتبو ويهدرزو شوي طق الباب
ليلى: من هدا
ايات مشت بتفتح: اكيد منذر، منن؟
مهند: انيي
ايات عرفاته من صوت وتوترت تلفتت لامها: هدا ولد عمي خالد
مروى: افتحي باه
ليلى وقفت ودخلت هيا وهدى خدت الصفرة ودخلت ومروى لبست وشاحها
ايات حطت البرنوص ع راسها وفتحت الباب: تفضل
مهند شاد ف يده كيسة مدهالها: تفصلي
ايات خدتها منه: شكرا علاش متعب روحك
مهند: العفو، نبي نتكلم مع خالتك
ايات تلفتت لخالتها ورجعت شافتله: علاش
مهند: اني قتلك حنجي وجيت
مروى: تفضل
مهند فات م جنبها: السلام عليكم
مروى: وعليكم السلام تفضل ولدي
ايات سكرت الباب وقعدت واقفة تشبحلهم
مهند خدي كرسي وقعمز: جيت بنحكيك فموضوع مهم
مروى: تفضلل ان شاء الله خير
مهند تلفت لايات
مروى تلفتت لايات: ايات بري جيبيلنا قهوة
ايات خدت كتاباتها وكتابات هدى ودخلت
ليلى: خيرهه؟
ايات: قال يبي خالتي، هدى وين
ليلى: ف الكوجينهه
ايات حطت الكاتبات ومشت لهدى
ايات حطت الكيسة ع الطاولة وقعمزت: اففف افف
هدى: خيركك
ايات: اكيدة بيقول لخالتي ع الموضوع
هدى: قصدك مهند اللي جي
ايات: ايي هواا
هدى: باه وانتي خيرك وكان قال لماما
ايات: كيف خيرني
هدى: مدام متبيش ارفضي ساهلة
ايات: مبرد دمك، ديري قهوة خلي نوتي السفرة
هدى: متنسيش اديري الملح ف طاسته 😂
ليلى دخلت عليهم: ملح شنوو
ايات معاد عرفت شن تقول
هدى: قتلها ردي بالك تغلطي ف الملح ماه بنديرو قهوة
ايات: اي خالتي قالت ديرو قهوة
ليلى: باهي ديروها بسرعة بالك يمشي ومتلحقوش
عند مهند...
مهند: نبي نطلب منك طلب
مروى: تفضل ع شن نقدرو
مهند: ان شاء الله ساهل، اني قبل بنحكي مع عمتي اللي هيا اختك
مروى: اييه
مهند: اي وقالولي متقدرش وهك، المهم اني نبي نخطب بنت اختك
مروى تفاجأت: ايات؟
مهند: اييه
مروى: مشعارفة شن نقول الحق متفاجأة
مهند: انتم فكرو واعطوني خبر لو وافقتو نجيب امي والعيلة نخطبو
مروى: لاكن انت عارف ان بوها كيف متوفي مشعارفة يعني لو رضت امها
مهند: هوا اني قلت توا نخطبها والعرس بعد م بوها يسكر سنة
مروى: باهي انت مكلمها م قبل ولا تعرفها
مهند: لما بوها صارت معاه مشكلة هداك الوقت امي عرفتها
مروى: باهي تكلم فيها وهك
مهند: لا، شوفي اني جاي م الباب وعرفتها ف فترة قصيرة من وفاة بوها وبس
مروى: اهاا تمام باهي
ايات جايبة سفرة القهوة وحطتها ع الطاولة: تفضلو
مروى قعدت تشبح لايات ومركزة فيها: صحيتي
ايات رجعت لهدى
مروى: تفصل
مهند خدي يشرب: شكرا
مروى خدت تشرب: انت علاش مستعجل باهه
مهند: مشعارف لاكن قلت ففترة الخطوبة نزيد نعرفها اكتر، واني عندي سيارة وحوش جاهز يعني معندي علاش نستنى وكان ع الخدمة منقدرش نقول هوا عمل حكومي او لا زي ما تعرفي كل حد دار كتيبة وسماها جيش ومتعرفيش م منهم تابع للدولة او لا، ومع هذا ح ندور خدمة خاصة من اهني للسنة الجاية
مروى: ان شاءلله ربي يفتحها عليك، اني نقول لامها ونردو عليك ان شاءلله يصير خير، ليش الكذب هيا سنة وتطلع م الشهادة التانوية وحتى الشهادة الجامعية لازم منها
مهند: شوفي اني لما كانو معاي فتحتلها الموضوع هيا قتلي تبي تكمل قرايتها، اني مقلتش لا، تكملها عندي عادي وتخدم كان تبي
مروى: باهي كويس اني نقول لامها وخلاص
مهند وقف وجي بيمشي: تمام بارك الله فيك سمعتيني
مروى: فيك بارك الله
مهند طلع وكيف مروى بتسكر الباب:
لحظة خالتي
مروى: نعمم
مهند فتح باب السيارة الخلفي ونزل الكورة اللي كانت معاهم: هادي اعطيها لايات نستها يوم اللي رجعو
مروى خدتها منه وسكرت الباب: ياعيني
مهند ركب السيارة وطلع
مروى دخلتلهم: شدي اياتت، اعطاهالك مهند قال نسيتيها يومها
ايات اتذكرت الكور: اهاا اي يومها لما الاء اتصلت بتجيبلنا حجات قلتلها نبو كورة ببصارة مشي جابوهالنا حق
مروى تضحك عليها: اي اكيدة
هدى فهمت عليها: شن كان يبيك الولد
ليلى: اي مقلتيش خيره
مروى: جاي قاصدنا ف الخير
ايات: تو نجي نشوف تلفوني... طلعت لدارها
ليلى: في شن قاصدنا؟
مروى: جاي يبي ايات قال لو وافقتو نجيب عيليتي تخطب والعرس بعد سنة
ليلى: كيف يعني هوا امتى عرفها
مروى: تو نحكيليك، هدى بري جيبي السفرة اللي برا ولمي الطاولة واغسلي الماعين
ليلى: تي احكيلي
مروى: تعالي نمشو للصالة خلي نحكيلك وشن قالي نوصلك... مشت وحكتلها شن صار بالزبط
ليلى: شن بنقول توا اني
مروى: انتي قوليلها وشوفي ردها وتفاهمي معاها، كان وافقت قوليلهم يجو يخطبو والباقي يتأجل
ليلى: ان شاء الله، خلي نمشي نشوفها
مروى قعدت تضحك: باهي هيا مسكينة تحشمت حتى الدار معاد طلعت منها
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
