للكاتبة الملكهه🖤🪶 (آيات البشتي)
نكملوو...
ايات: مشعارفة
مهند: كيف مشعارفة
ايات: قلت نوافق ع الخطبة ولو متفاهمناش نفسخو لان هك ولا هك معنديش شي نرفض على خاطرهه
مهند: شي مقنعع
ايات: بعد غدوة تخرج معاذ
مهند: اي جي بكري عزمني
ايات: ماشيي للحفلة؟
مهند: ان شاءلله
ايات: كويس
مهند: الدبلة اختارتها جنات لو معجباتكش نغيروها بعد الخطبة
هدى: نوضي نمشو نرقدو ياسرر
ايات: بري تو نلحقك
مهند: وكان مجتش عليك
ايات: يصير خير
مهند: يوم وفاة بوك انصدمتي بجديات
ايات: اي بجديات مكنتش نكدب
مهند: جيلكم ينخاف منهه وف سن المراهقة بالاخص
ايات: شن يعني
مهند: يوم مشيتي للي يبيع ف الحشيش تذكريي
ايات: كان غلط وكنت شبه مش واعية
مهند: كان تفكيرك هوا اللي غلط
ايات: لو قتلولك خوك مكنتش تبي تعرف من اللي قتله ف اللحظة هاديكا وعلاش اكيد كنت تبي تعرف
مهند: تفكيرك نفسه قاعد؟
ايات: تفكيري عادل ع الاقل وميحبش الظلم
مهند: تفكير مراهقة
ايات: تصبح ع خير... سكرت هاتفها وخدت القطوسة ودخلتها معاها
ايات دخلتها لدارها ومعاها القطوسة: مرقدتيش انتي؟
هدى كانت نايضة: حي عليك م خالتي ليش جايبتها
ايات: بنخليها لمن برا؟، الصبح تو نطلعها م الروشن وخلاص... دخلت مكانها وحطت جنبها القطوسة قعدت تلعب ع السرير
هدى: انتي من جدك هادي بترقديها جنبك
ايات: عادي والله كيوت
هدى: كملتي هدرزة مع نسيبنا🦥
ايات: كملتت قداش م ينرفز
هدى: خيركمم
ايات: شادهالي تفكيري غلط وانتي مراهقة ريت هالشايب اللي يكلم فيا
هدى: علاش انتي شن قلتيله بيش قلك هك
ايات: جبدلي موضوع يوم مشيت لهداكا متع الحشيش
هدى: ف هادي عنده حق واحمدي ربك ستر عليك وخداك واحد تاني لما يشهدر بيك
ايات: شن قصدك ستر عليا وخداني يعني شن درت اني
هدى: مصح وجهك متشبحيش ف اغلاطك انتيي
ايات: انيي شبه مكنتش ف وعيي
هدى: اوك هديكا مكنتيش ف وعيك ولما مشيتي لمهند ف السيارة
ايات: هوا اللي ناداني
هدى: اي حد يناديك تمشيلهه، لو دارلك شي ومكانش نيته يساعدك لو خطفك توقعي اي شي مش كل الناس طيبة وتقدري توثقي فيها افهميي احني ف ليبيا كيف تطلعي مع ولد متعرفيشي ف الوقت هدا حتى ولد عمك متوثقيش فيه، تاني شي احمدي ربك طلع راجل وخداك بالحلال ومفكرش بالحجات اللي انتي مدايرتها واحد تاني كان قعد يفكر عشرة مرات قبل ليقرر يتقدم لوحدة راكبة مع غيره ومعاه وكان عادي
ايات: كيفف
هدى سحبت غطائها ورقدت: ارقدي اياتت
ايات قعدت تفكر ف كلام هدى والحجات اللي دارتها واللي كانت متشوفش فيها وكيف مغطيا ع اغلاطها قعدت لعند ال2:30 ورقدت
يوم جديد❤🪐
عند محمد الصبح الكل ع الفطور
محمد: عندي ليك موضوع يام
هيفاء: قول شن هوا
محمد: نبي نمشي نعطي كلمة ف بنت
هيفاء: من هيا البنت
سالم: ان شاءلله ربي يباركلك فيها
محمد: تسلم ي بوي
مرام: من هادي سعيدة الحظ اللي بتاخدك من اختكك
محمد: بنت ناس
هيفاء: من عيلة من هادي
محمد: اللي لقيناهم ف حوش عمي عيلة***
مرام: كذاااب
سالم: كويس مش برانيهه ونعرفوهم
مرام: اي وحدة فيهمم
هيفاء: ناس كويسة ليش الكدب
محمد: المهم اني كلمتهم وان شاءلله لو قالو تفضلو نمشي نعطي فيها كلمة
هيفاء: وعلاش متخطبهاش بالمرة
محمد: لتوا معندي شي قلت مرات ميوافقوش
سالم: اي امتى بدورلك خدمة
محمد: ان شاءلله توا بنديرو مشروع اللي هوا مطعم وخلي نبشركم تعينت اني وباقي صحابي
هيفاء: مشاءالله الله يبارك مبروك عليك عقبال لفرحك
سالم: ربي يبارك مبروك عليك
مرام: مبرووك
محمد: يبارك فيكم، بيغيرولنا المكان ونبدو تابعين للنيابة
هيفاء: الحمدلله ياربي اهو فتحها ف وجهك
محمد: اي الحمدلله
سالم: مدام حصلت تعين وزدت قلت عندك مشروع اخطبها بالمرة احسن
محمد: مشعارف المهم لو وافقو نرفعكم تخطبو المهم يكون عندكم علم
هيفاء: مرام انتي تعرفيهم شن اسمها البنت
مرام: الكبيرة اسمها الاء
محمد: بنخطبو الصغيرهه
هيفاء: الصغيرهه؟، علاش خيرها الكبيرة
محمد: اني لما مشيت طلبت الصغيرة
سالم: خلاص عجباته الصغيرة ويبيها
هيفاء: زعما مش صغيرة عليك
مرام: هما الزوز بيناتهم سنة
محمد: كيف يعني اني كبير
هيفاء: مش كبير لاكن هما قعدات صغار ومزال وراها جامعة
مرام: احني اللي بنخطبو ي ماما مش اللي بنعطو البنات
هيفاء: معناها دبرو روسكم
محمد: شن معناها دبرو روسكم
هيفاء: اختار اللي تبيها ونخطبلك وخود من تبي اني معاد دخلني بحد لا خود هديكا ولا هادي
مرام: ربي يكثر م امثالك 😂
هيفاء: في منهم امثالي
محمد: المهم اني طالع عندي خدمة
مرام: قبل لا تطلع، عندك فلوس 🙂
محمد طلع م جيبه خمسة: شديي
مرام: خمسة بسس؟
محمد: هاتي جايي بلاش
مرام خدتها: خليها تو ناخدهاا
هيفاء: ميعجبك عجبب
سالم: تو نعطيكك اني... محمد طلع واتجهه للكتيبة ومرام شوي وجاها الباص وطلعت للمدرسة
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
