𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «28»

للكاتبة الملكهه🖤🪶 (آيات البشتي)

يوم جديد❤🪐
عند ايات...
فاقت مع ال11 دارت دوش وبدلت لبست (توتة سماوية فيها يستيك) صلت وطلعت للكوجينة لقتهم مقعمزين ع الفطور
مروى&ليلى: صباح الخير
ايات: صباح النور
هدى: وين هدا كله نومم
ايات: مدام عطلة خلي نرقد شن فيها
هدى: تعالي افطري
ايات جبدت كرسي وقعمزت: مفروض جبتو كراسيكم ع فكرة
هدى: صحة وجهه، تو نبدلوها بطاولة اكبر ل5
ايات بدت ادير ف سدون: اكيد مفيش 5 ناخدو ستة خير
مروى: اليوم بنشوف محلات الاتات بيش يرفعو الاثاث اللي منبوه
هدى: بالك خالتي تبي تغيري حاجة
ليلى: مش نفس مقاس الغرف اصلا
هدى: اي حق نسيت
مروى: منذر ديروله نص م توا بعدين لما يفيق اعطوهوله
ايات: رغم انه عنده يدين لاكن يلا تو نديرله
هدى: ترا ايات مديلي م عصير مهند🌚
ايات: شنيي😑
هدى: العصير اللي جابه😀
ايات مدتهولها: شدي تاني شي هوا مش بعيد عليك😒
هدى: عادي
ليلى: ذكرتيني، فكرتي ف قرارك
ايات: مزالل
مروى: فكري بيش نردو عليهم لان الولد مستعجل
ايات: معنده ليش مستعجل، اصلا مزال بيستنى سنة
ليلى: المهم قرري بسرعة بيش نردو عليهم وخلاص
ايات: حاضر
هدى: هيا كلمة معندك م بتفكري فيها ي اي ي لا
ايات: اني نفكر لقدام هدى
هدى: اهاا اي صحح🙂... كملو فطورهم وغسلو الماعين وضمو الكوجينة
ف الصالة...
ايات: مفي حد ف المربوعة؟
مروى: مفي حد كان بايت فيها ولد حنين بعدين طلع الصبح
ايات: باهي كويس، هدى انتي عليك المربوعة واني الجنان
هدى: ايااا مسهلا الجنان حبيبة
ايات: عادي لان اني بنطيب الغدي تاني شي اني الجنان بنسيقه م قدام وم الخلف وانتي بتنكنسيها بس وبتساويها شن فيها يعني
هدى: باهي تو نديرهاا
مروى: الغدي خلي تو بنديرهه اني
ايات: باهه... وطلعت هيا وهدى

عند ردينهه...
الاء تفيق ف ردينهه: نوضي هياا
ردينهه: اففف تي جمعة خيرك
الاء: نوضي ك بتفطري قالتلك ماما وبنضموو
ردينهه: افف باهي... فاقت مع ال10:30 دارت دوش وطلعت بدلت(سروال توتة ابيض وماليا صوف بيج) صلت وطلعت فطرت وقعدت اضم هيا والاء
ردينهه: بابا بيرفعنا؟
الاء: اي وبنتغدو غادي قالت ماما هدا علاش نوضتنا بكري
ردينهه: اهاا هدا ليشش
الاء: اييهه
ردينهه: معاذ مش ماشي
الاء: مقالش مرات يلحقنا بعد الجمعة
ردينهه: اهاا باهه... ضمو وكل حد مشي يبدل ويوتي ف روحهه
ردينهه لبست(سروال اسود وتيشرت اسود وعليه جاكيت بيج وسبيدرو وشنطة باللون الاسود ووشاح اسود)
الاء لبست( قفطان اسود ووشاح بيج وشنطة بيج وسبيدرو اسود)... وطلعو
حنين واتية وتستنى فيهم: مطقمينن مع بعض
الاء: صدفة طلعنا بنفس اللون
ردينهه: اييه، بابا وين
حنين: ف السيارة يستنى فينا
ردينهه: اهاا باه هي نطلعو... طلعو واتجهو لحوش خالتهم

عند جنة&جنات...
فاقو مع ال10 نزلو يوتو ف الفطور وفطرو مع بعض ما عدا مهند
فاطمة: امس ولدك مروح الساعة 2 مسألتاش حتى وين كان
خالد: مش صغير هوا، تاني شي كان ساهر هوا وصحابه قدام حوش المرحوم يعسو
فاطمة: اهاا باهي كويس
جنة: ماما تو انتي مشعارفتيه ليش هالحركات اللي اديري فيهن
فاطمة: نسأل عادي زي اي ام
مهند نازل م فوق: صباح الخير
الكل: صباح النور
فاطمة: شن الحالة هادي
مهند: خير اي حالة؟
فاطمة: توتة النوم اللي نازل بيها وشعرك الهايج هدا
مهند: بنرجع نرقدد
خالد: ساعتين ونمشو الجمعة معندك ليش بترقد
مهند: هاك قلتها ساعتين نرقدهم ونمشي معاك
جنة: مهند بتولي مهمل ع فكرة
جنات: خليه هبلاته ايات يعينيي
مهند: ضمي فمكك
فاطمة: فوت اختك توا علاش نايض مدام بتولي ترقد
مهند: بنشوف الولد كان فاق وبنرفعله الفطور
خالد: مشيتله قبل شوي قاعد م فاقش
مهند: تو نزيد نشوفهه
فاطمة: خوك مروح بعد الجمعة
مهند: باههي كويس
جنات: نبيك شوي بعدين 😀
مهند: شن تبيي، فلوس ومعندي اوينه خوك جاي وقوليله
جنات: لا هادي حاجة تانية
فاطمة: ربي يشفيك بنيتي جنات
جنة: صدقتي ماما والله😂
جنات تلفتت لجنة: ضمي فمك من هني😒
مهند: الفطور وين
فاطمة: ف الكوجينة تلقاه مغطي
مهند طلع شاف مسلم لقاه فايق ويقلب ف التلفزيون
مسلم: صباح الخير
مهند: صباح النور، نجيبلك الفطور توا
مسلم: عادي اي
مهند: غسلت وجهك وصليت؟
مسلم: اي شكلهه بوك كان يشوف فيا بعدها فقت
مهند: اي قاللي، نجيبلك الفطور وبعدين حيجي بوي ياخده منك امس روحت اماخر بنرجع نرقد
مسلم: اهاا، اني قلت شكله نساني
مهند: متعشيت؟
مسلم: لا تعشيت وقعدت نهدرز اني وبوك برا
مهند: اهاا المهم تكسد دور ف الجنان ولا وين تبي بعدين بنمشو الجمعة وبعد الجمعة بيجي خوي كان مسافر
مسلم: معتز؟
مهند: ايي
مسلم: باهي كويس
مهند: خلي نجيبلك الفطور...طلع جابله الفطور ورقي لداره بيرقد لحقاته جنات
مهند: شن تبيي خيرك
جنات: حتى اني جاية ندير فيك ف الخير كان نحسابك هك والله م نجي غير ع خاطر ايات
مهند: شن تخرطي انتيي، شندخل البنت
جنات: المهم ايات قالت اني مش موافقة لان تفكر كيف بتنظم حياتها بين القراية والحوش
ف لو انحلت مشكلتها حتوافق معرفتش كيف ندير قلت لماما م قالتي شي، شن رايك وشن بدير
مهند: بنرقد بسس
جنات: ي قهرتك وخلاص
مهند: باهي اقلبي وجك
جنات: مش هك اني قلتلها تو نحللك الموضوع ونكلمك بعدها هيا اكيد حتوافق
مهند: خلاص قوليلها حليته وتمم
جنات: باه بتحله حق ولا تجري بيها
مهند: خلاص بري قتلك
جنات: باه قلي كيف بدير بتجيب شغالة ولا انتي بتاخد مكان الشغالة😀
مهند: اطلعي خيرلكك
جنات: باهي نبصر عليك... سكرت الباب وطلعت
مهند: قتلك كيف بتنظم حياتها عليك جوو... تغطى ورقد
جنات طلعت لدارها واتصلت بأيات
منذر طلع لايات اللي تسيق برا: شدي هاتفك م بكري وهوا يرن
ايات خدت منه: هات المشكلةهيا اول رنة... فتحت الخط
جنات: صبااحح الخييرر
ايات: صباح الورد، رايقهه
جنات: يسس، مش قتلك بنحل الموضوع
ايات: ايهه
جنات: وحليتهه
ايات ف خاطره(افف غير علاش ي جنات): اهااا
جنات: اي شن اهاا بتوافقي ولاا؟
ايات: نفكر قبل
جنات: شن بتفكري ي بنتي راجل كامل مكمل شنتبي تاني
ايات: اي بس نبي وقت وان شاءلله نقرر
جنات: باهي براحتك منضايقش
ايات: شكرا
جنات: هيا توا سلام، نتكلمو بعدي
ايات: ان شاءلله... سكرت منها وكملت ودخلت تحكي لهدى
جنات نزلت للصالة: بيتغدو اهني ولات
فاطمة: اي والغدي تو نديره اني انتم نشفو الحوش ولمعو الدنيا والجنان تو نقول لمهند قبل ليمشي يمشيه بالمية
جنة: باهه... بدو يضمو ويلمعو