للكاتبة الملكهه🖤🪶 (آيات البشتي)
عند محمد...
وصلو لحوش خالهم وقعدو يهدرزو، محمد يهدرز هوا وولد خاله نسيم قدام الحوش وسالم ومحمد مقعمزين ف المربوعة
مرام اتدور هيا وبنات خالها ف الحوازة
بنات خالها 3 (اريج «تالتة ثانوي»، اية «اولى ثانوي»، حلا«ثالتة اعدادي»)
اريج: شرايكم نزردو اليوم
مرام: اليوم وبنزرودو
اريج: اي ف الحوازة، يعني احني البنات بس
مرام: ديرو رايكم، باه شن بنديرو؟
اريج: نشرو حجات هك مشروب بطاطا وجو مع العشية نكسدو عليهم
مرام: اي ونديرو جو، مع التصوير ايواا
اريج: تمم
اية: ياريت تجي حتى خالتي حنين
مرام: مش مكفية انيي؟ 😑
حلا: فوتيهم تكفي وتوفي بنت عمتي
اية: مش هكي غير يعني نديرو مع ردينهه والاء يبدا العدد كبير في جوو مع بعض
حلا: صح هما جوهم حلوو راه
مرام: مش متكبرين ولا حاجة
اريج: لاله بالعكس والله جوهم حلو
اية: اجتماعيات ع قولة نسيم
اريج وصلتها رسالة: شمدايرة
اية: من؟؟
اريج: ردينهه... ردت عليه(ندورو ف الحوازة جتنا عمتي معاها بنتها)
ردينهه: باهي كويس حتى احني قريب نوصلو
اريج عيطت: خشيي
اية: ضمي فمك ليسمعوناا، يحسابو في شي
حلا: ميطلعو الا جايين
اريج: يسس جاين وقريب يوصلو قالت
مرام: باهي كويس شوي وكان حيقعد عندي فضول نتعرف عليهم
حلا: تو نعرفك عليهم معناته
مرام: سنة كم يقروو؟
اريج: ردينهه زيني والاء اكبر مننا بسنة
مرام: اهاا كويس
اية: نرجعو للحوش بيش نديرو الغدي مع ماما بالمرة
اريج: فكينا الغدي تو يديروه هما الكبار
حلا: باهي هي نرجعو نستنو غادي ونخططو شن بنديرو العشية ف الزردة
مرام: اييه هي نمشوو... رجعو وقعدو يهدرزو
عند ردينهه...
ف السيارة كيف وصلوو
صلاح: هذا مش محمد صاحب مهند؟
ردينهه اول م سمعت الاسم قامت راسها تشوف: والله هوا
حنين: شن قلتي ردينهه
ردينهه: لا شييء
الاء شبحتلها: صار هواا
ردينهه تفنص فيها: اسكتيي
صلاح درس السيارة ونزلوو
نسيم وقف يسلم عليهم ومحمد قعد مبعد
صلاح: حالكم باهي كويسين
نسيم: الحمدلله في خير ونعمة
صلاح تلفتت لمحمد: حالك ي محمد
محمد: قدم وسلم عليه: الحمدلله كيف حالك عمي صلاح
صلاح: الحمدلله بخير
نسيم: من وين تعرفو بعض
صلاح: ولد مشاءالله عليه وقف معانا ف عزي صاحبي وقفة رجال، وانتم شن تقربو لبعض
محمد: هوا ولد خاليي
صلاح: صار طلعنا عيلة وحدة
نسيم: هدا راجل خالتي
محمد: بالجودة بيكك مرة تانية
صلاح: وبيك والله
نسيم: معاذ وين خيره مجاش
صلاح: ف الخوش مرات يلحق بعد الصلاة، بوك الداخل؟
نسيم: اي ف المربوعة تفضل
صلاح: مش براني تو ندخل
ردينهه واقفة تشبحلهم: هذا شن جابه اهني
الاء: خشي باللك
محمد تلفت لردينهه ابتسم واعطاها نظرة سلام
ردينهه ابتسمت ودخلت: خيرني نتبسم اني 😐
الاء: خدالك عقلك خلاص، ميطلع الا هوا متع امس
ردينهه: ضمي فمك ليسمعنا حدد
الاء: غير خشي وخيتي خشي...
نسيم اتصل بمعاذ: تويين مجيتت
معاذ يبدل: شوي وطالع م الحوش جايي
نسيم: تمم معناها الجمعة بتصليها ف الطريق؟ معاذ: اي منلحقش تو نصلي ف الطريق
نسيم: تمامم... سكر منه قعدو شوي وطلعو لصلاة الجمعة
البنات دخلو سلموو ع خالتهم وهيفاء وباقي البنات وتعرفو ع بعض
الاء: امتى بديرو باهه
اريج: بعد العصر
ردينهه: باهي كويس
مرام: من نبعتو يشريلنا
ردينهه: يمشو زوز يشرو ميعرفوش الولاد
اريج: خلاص تو نقول لنسيم يرفعنا بعدين من يبي يمشي
الاء: اني م خاطري نطلع بري انتي وردينهه ومرام
مرام: لاله حتى اني مخاطريش نمشي
اريج: خلاص تو نمشي اني وردينهه... شوي ناضو يوتو ف الغدي
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romansaرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
