للكاتبهه الملكهه.. 🖤🪶 (آيات البشتي)
عند البنات...
ردينهه لحقت البنات ف الكوجينة: اعطوني كيسة نلم كانا في شي ف الخيمة
الاء مدتلها وحدة: هاك وشوفي ايات مرة مرة
ردينهه: بكري مشيتلها لقيتها ادير ف دوش
جنة: احسن مرات تتريح
هدى: اي صح لان امس رقدت فوقت متأخر
ردينهه: يروحيي زعما في ايش قعدت تفكر
جنة: الله اعلم، المهم هي يبنات بيش نلحقو نلفو تمر لليوم ونديرو الغدي بكري احسن
ردينهه: خلي نمشي اني باه قبل ليجي حد... ومشت للخيمة
الاء: تو نقسمو روحنا زي امس
هدى: اي تلاتة يوزعو ويلفو والباقي يطيبو
جنة: ايي، اني خلي نمشي نكنس الخيمة تواا
الاء: تمام، هدى شنرايك نعطو للشباب كيسة يلمو فيها
هدى: ايي فكرة مليحة اكيدة يلوحو ف الشارع، ونقولولهم يلمو حتى اللي ع الشارع احسن
الاء: ايي خلي نكلم خوي باهه
هدى: تمام انشاء الله ميقولش لا
الاء: انشاء الله... خدت هاتفهو واتصلت بمعاذ
معاذ: ها نعم
الاء: صباح الخير
معاذ: صباح النور
الاء: تعال نعطيك كيسة ومكنسة لقطو فيها الاكواب والكنينكس حتى اللي ملوح فالشارع واكنسو الخيمة
معاذ: بالله شنيي
الاء: غير هيا عيب تقعد في حوسة هك تعاونو عادي يعني
معاذ: اففف، تعالي ف الباب وارفعي الصفرة مرة وحدة
الاء: باهي هي... خدت كيسة ومكنسة ورفعتهمله
عند الشباب...
بعد م فطرو كل وحد شد هاتفه وقعدو يستنو يجو الناس وشوي دخل عليهم خالد
خالد: صباح الخير
الكل: صباح النور
خالد: كيف حالكم اليوم
الكل: بخير الحمدلله في نعمة
صلاح: شن حالك انت
خالد: الحمدلله بخير
معاذ هاتفه يرن وكانت الاء طلت برا الخيمة كلمها ورجع خدي صفرة الفطور ومشالها
الاء مدتله الكيسة والمكنسة: شدد، بعدين ارفعني نبي الحوش
معاذ خدي منها وعطاها صفرة الفطور: لاله بعدين بنمشي بنرقد اني م امبارح مش راقد راهه
الاء: قعدت اهني امبارح
معاذ: ايي نعسو ع حضرة جنابكم
الاء: تو نفتحولكم المربوعة تجو ترقدو فيها وسكرو عليكم الباب هكي احسن واقرب
معاذ: ايي وبعدين كيف بنطلعو لما نفيقو
الاء: م الباب الوراني
معاذ: باهي بعدين شوي نقلك شن يصير
الاء: باهي المهم اكنس كويسس
معاذ: خشي اقلبي وجك مش ناقصك
الاء دخلت ومعاذ مشي للشباب..
مراد: شنو هاذوو
معاذ: مفاتيح سيارة شن تشوف فيهم
مراد: باهي قصدي ليش
معاذ مدله الكيسة: حط هاتفك ت جنب ونوض لم الاكواب والكواغط
مراد: خيركم شادينها عليا كانا ع الهاتف تو نحطه عادي
معاذ: حتى اللي ف الشارع لمهه
مراد خدي منه الكيسة ووقف: اصلا عادي النظافة من الايمان... قعد يلم ف الكواغط والاكواب
معاذ: خودو كراسيكم واطلعو برا الخيمة
محمد: صحيت بروو
معاذ: تعال جايي انت وياهه
مازن: هيا مكنسة وحدة وبتكنس بيها انت
معاذ: الكراسي كلهم تقيموهم باش ندير تحتهم
مهند: هيا ديرو معاه
محمد: وانت شن تتامر علينا وبسس
مهند: طالع بنجيب بضاعة انيي، هي سلام... ومشي وخلاهم
محمد&مازن قعدو يحولو ف الكراسي لمعاذ وهوا يكنس
ومراد قعد يلقط ف الاكواب والكواغط
وصالح وخالد خدو كراسيهم وطلعو تحت السور
مهند مشي للكتيبة قعد يشول ف الوضع وطلب من احمد يشوف لو في كاميرات مراقبة مكان الحدث وبعت مجموعة لمكان الحدث بيش يشوفو الناس اللي شهدو وقت اللي صارت المشكلة ويجيبوهم يحققو معاهم
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
