للكاتبهه الملكهه.. 🖤🪶 (آيات البشتي)
ايات: اوك فهمت وعجبني تفكيرك والكلام اللي قلتيه م رايي صح
ردينهه: ايي هي دورك
ايات: راحة البال
ردينهه: اوك بالنسبة لراحة البال بمعنى انك تحطي راحتك قبل اي شي يعني انت ومفيش حد غيرك مهما قالو انانية بس مفيش اغلى من نفسك خاصة الوقت هدا الكل يدور ف مصلحته وع حساب غيره ف متخلي حد يديرك مصلحة او حتى يتامر عليك يعني اي شي تبي اديريه ع خاطر نفسك او الشي اللي يعجيك اللي تحبيه منغير م حد يغصبك ع شي
ايات: اوك م رايي كلامك صح مرة تانية لاكن بنزيد شوي كلام ع كلامك ان حتى الاشخاص اللي تحبيهم واللي تحبيلهم الخير تكون في شوي انانية تجاههم مش بمعنى التملك لاكن بمعنى ان مش تحبي نفسك وبس او كل شي راحتك، حتى راحة الاشخاص اللي تحبيهم واللي تحبي تفرحي معاهم وتكوني جنبهم وهك
ردينهه: ايي كلامك معقول وحلوو نجبد ورقة؟
ايات: هيي...قعدو يلعبو لعند جت الساعة 12
ردينهه: باتيناج؟
ايات: ايي كان خاطري نتعلمها ونلعبها حتى ف الحوش او ياريت يديرو مكان خاص للبنات
ردينهه: مرات في مكان
ايات: الساعة كم؟
ردينهه جبدت هاتفها: الساعة 12 وربع بدت
ايات: هي نديرو الغدي الظهر قريب
ردينهه: هيااا... قامو الوراقي وضمو الحوسة ومشو للكوجينة قعدو يطيبو مع بعض بعد ساعة اذن الظهر صلو الظهر جهزو الغدي للشباب وليهم طلعولهم غداهم ودخلو يتغدو، كملو الغدي غسلو الماعين وغسلو تبع الشباب وقعدو يتفرجو ع التلفزيون
ايات: كسااد، نكلمو هدى ولا وحدة م البنات
ردينهه: هيا اصلا حتى التلفزيون مفيه شي حلو
ايات خدت هاتفها واتصلت ب هدى: الوو
هدى فتحت المكبر: ايواا شجوكم
ايات فتحت المكبر: تمام وانتم
ردينهه: شجوو ي هدى
هدى: ماشي، كنا حاصلين ف الحوش قلبناه كله وامس نحينا الخيم مع المغرب
ايات: باهي كويس، لعند روحت لقيته نضيف
هدى: عابية ع من؟
ردينهه: مدام اتي قعدة غادي ايات مرتاحهه
الاء: اي صح لاكن انتي لما بتروحي بتشديها معاي ضمان
ردينهه: خلاص معاش نبي نروح
جنات: عاجبكم المكان شكلهه
ايات: هوا حلو لاكن كسدناا
ردينهه: ومع هذا مرتاحين، عشي م برا وجو
جنة: اووو هلبا الجوو م جابلكم العشي
ردينهه: خوك م بيجيبه
جنة نخصت جنات: زودي خوك طلع عنده ذوق
جنات: ي عيني وخلااص
ايات: شمدايرين انتم
هدى: توا نبو نرتاحو الصراحة تعبنا م الصبح واحني نضمو ونسيقو
ردينهه: نصيحة خودوها نومة م اهني للمغرب م عندكم م اديرو
جنات: احني اليوم بنروحو تو نرقدو ف الحوش
الاء: مستحيل بتخلوني بروحيي
جنة: معاك هدى تو تونسك وتاني شي بنجو اكيد عشية وهك نهدرزو
هدى: عرصة ولا كرسي ولا شن اني بالزبط
الاء: لا مش هك قصدي عددنا بينقص ومعاد نتلاقو وانتي ليك مكانة بروحك عاد كيف
هدى: سكتيني بكلمتين وخلاص
الاء: عارفتيني م نقصد
هدى: عارفة، وانت شمدايرين احكولنا
ردينهه: كسااااد شادينها ع المسلسلات والنت وامس لعبنا كورة وبسس
هدى: م زيكم راحة تامة
ايات: نطيبو ففطور وغدي وعشاء بالك نسيتي وغسل ماعين
جنة: يهونن
ردينهه: برو ارقدوو نتكلمو ف اليل باهيي
جنات: تم اني ضيفوني ف المكالمة لان بنكون ف الحوش اني وجنات وضيفو صاحباتكم هدوكا
الاء: تمام تو ندورلكم لعبة بعدين نلعبوها
ايات: تمام بايي... سكرو م بعض وقعدو يتفرجو
والبنات سكرو منهم جنات وجنة طلعو روحو مع امهم وقعدو يضمو ف حوشهم والاء وهدى دخلو رقدو
قعدو يومين ع نفس الحال يتكلمو ف اليل مع بعض والاء روحت مع امها وقعدو يجو كل عشية، الشباب كل حد رجع لحوشه ويتبادلو ف الحراسة ف اليل وبس
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
