للكاتبهه الملكهه.. 🖤🪶 (آيات البشتي)
عند مهند...
بعد كانو مقعمزين البرا توضو ودخلو للمربوعة صلو المغرب وقعدو مكسدين ع النت
مهند اتصل بيه احمد: ايواا
احمد: اهاا قتلك
مهند: نسمع فيك
احمد: جتني معلومة ان ايوب برا مش قاعد ف ليبيا
مهند: كييف، اليوم باعتلي رسالة وم رقم ليبي يعني موجود ف ليبيا
احمد: انت ابعتلي الرقم، تاني شي مرات يكون حد م اللي يخدمو معاه بعتهاا عادي
مهند: اي وكيف بنشدوه؟
احمد: في هادي منعرفش، نقلك توا ترجع لان ايوب مش حيديرلك شي
مهند: دير اللي قتلك عليه وبس
احمد: تمام حنشوف طريقة نجيبه بيها
مهند: تم... سكر منه وقعد يفكر
عند ايات وردينهه...
بعد دخلو صلو المغرب وقعدو ف الصالة يتفرجو ع التلفزيون
ايات: شن نديرو عشي
ردينهه: مشعارفة نشوفو شن في وخلاص، اصلا مزال شوي المغرب كيف اذن
ايات: صح بس لعند اذن المغرب يكون العشي جاهز
ردينهه: باهي تعالي نشوفو شن فيي
ايات: هي... مشو للكوجينة وقعدو يفكرو شن يديرو
ردينهه: تو هوا م جده جايب لحم يحسابنا منستقرو اهني ولا كيف
ايات: عادي نديرو بيه غدي ولا عشي هك
ردينهه: هي نديرو بيه قلاية
ايات: فكينا تو يقول م صدقو رواحهم
ردينهه: يايي امالا ليش جايبنا يتحمل
ايات: الله عليك
ردينهه: ولا يجيبولنا م برا
ايات: م برا مرة وحدة ... قطع عليهم صوت الباب يطق
ايات: خلي نشوف
ردينهه: قوليلهم نبو عشيي
ايات مشت فتحت الباب: تفضل
مهند: جيبولنا امية تاني شي نبيك برا
ردينهه تعيط م الكوجينة: ايات مش قلتي تبي عشي م برا
ايات استاكت وتحشمت: ءء والله مش اني هي قالت
مهند: عادي شوي نطلع نجيبلك
ايات: مافيش داعي، تو نديرو اي شي
مهند: خلاص تو نمشي نجيبلكم شي بس ديري اللي قتلك عليه
ايات: باهي شن تبيني
مهند: جيبي المية وتعالي
ايات: تمام... مشت دارت سفرة فيها امية ورجعت مدتها وقعمزت البرا
مهند حط السفرة ف المربوعة ورجع جبد الكرسي وقابلها: شوفي شن بنقلك وركزي معاي
ايات: مركزة
مهند: لو خطبتك توافقي
ايات انصدمت وسكتتت شوي وردت: اكيد لا
مهند: علاش
ايات: قصدي بوي كيف ميت اي خطبة تحكي عليها انت
مهند تنهد: اوك خلي الموضوع هدا ع جنب اني توافقي عليا
ايات سكتت للحظة: اني منعرفكش باش نوافق او لا
مهند ضحك بصوت عالي: المدة هادي كلها ومتعرفيني
ايات: اي منعرفكش
مهند: اوك نقولو تقدملك شخص متعرفيشي بتوافقي او لا
ايات: لما نعرفه يصير خير
مهند: معناخا حتى اني تو تعرفيني
ايات: من قال ان اني نبيك
مهند: هدا ميهمنيش
ايات: هه اكيد تبيني ف وحدة م مصالحك وبعدها تسيبني
مهند: المرة هادي لا، ونحكي بجد
ايات: معناها اني مش موافقة عجبك او لا، توا نبي ندخل... كيف وقفت بتمشي
مهند: ارجعيي
ايات: شن تبي تاني، سمعتك وتم
مهند بجدية: قعمزي وخليني نحكي معاك
ايات رجعت قعمزت: ياريت مطولش بكلامك
مهند: اني نبيك بجديات
ايات: مش كنت داير فكرة اني مننفعش ف دماغك وكنت تقلي تطلعي ف الليل وبوك كيف ميت ولا معاها مش مصدق تبريري
مهند: م قلك مصدقتش؟
ايات: عندك كلام قوله بالله نبي ندخل
مهند: يومها مشيت لولد شارعكم يلي طلعتيله ف الليل وفهمت منه شنصار وهل يعرفك وهك وهوا قلي نفس كلامك، بس فكرة طلعتك غلطة
ايات: عارفة، تاني شي علاش مشيت للولد
مهند: مشعارف قلت ممكن يطلعو مرتبطين او هك
ايات قعدت مركزة في: وانت شندخلك حتى لو كنا مرتبطين شي ميخصكش
مهند تنرفز م كلامها: عدلي كلامك معاي، وخليني كويس معاك
ايات: مش تكره البنات؟، و كلنا تحسابنا زي صاحبتك اللي خلاتك وهربت... سكتت
مهند انصدم: شن تقولي انتيي
ايات قعدت ساكتة وندمت انها تكلمت
مهند: م وين سمعتيي؟
ايات: بالصدفة صاحبك محمد حكالنا
مهند: هه كويس، بس م قلك ان اني كرهت البنات بعدها
ايات: نفس الشي صاحبك محمد
مهند: اوك اني مكرهتهمش بس فقدت الثقه فيهم يعنيي
ايات قطعت عليه: متقدرش توثق فيهم بسهولة
مهند: بالزبط، توافقي او لا
ايات: رجعت للموضوع
مهند: ايي
ايات: مش موافقة
مهند: اعطيني سبب مقنع، لو م اقتنعت ح نخطبك وتم، واكيد امك حتوافق تعرفيها
ايات: شنقصدك بتعرفيها
مهند: ولا شي بس امك ديما تحب تفكر ف مصلحتك اكتر م رايك
ايات: معناها هدا وجي كان خليتها توافق او خليتك تاخدني... وقفت ودخلت مصدومة م كلامه
مهند بعد مشت ندم ع الكلام اللي قاله رغم ان كلامه صح بس هوا كان قصده يردلها كلامها ع حبيبته اللي خلاته قعد سارح شوي وخدي مفتاحه وطلع يجيبلهم عشي.
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
