𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «12»

للكاتبهه الملكهه.. 🖤🪶 (آيات البشتي)
عند البنات...
الاء سكرت م معاذ: خلاص اهدو قال تو ندورو عليها
ردينهه: افف افف، ياريت م خليتها بروحها
جنة: باهي قعمزو خلاص اكيد تو يلقوها م عندها وين بتمشي
هدى مششت قعمزت : انشاء الله يلقوها يا رب
الاء: قعمزو وهدو، عاودي اتصلي بيها ردينهه مرات ترد عليك
ردينهه خدت هاتفها وقعدت تعاود تتصل بايات
مروى دخلت عليهم: خيركم واقفين
جنات: لا غير كيف خشينا بس
مروى: باهي وحدة منكم تمشي تاخد كيسة وتلقط الكواغط والاكواب
جنة: اوك تو نمشي اني... مشت للكوجينة خدت كيسة وقعدت تلقط
ليلى وباقي اللي كانو ف الخيمة دخلو للصالة
ليلى: ايات ومنذر وين
مروى: منذر رقي قبل شوي قال بندير دوش وبنرقد وايات مشعارف اكيدة فدارها
ليلى: مشفتهاش م الصبح
الاء: من بكري نايضة وامس مرقدتش كويس مشت لدارها لحقتها ردينهه لقتها راقدة
جنات: انتم برو فرشو ف الدار واحني خلي نقيمو الكراسي ونكنسو الخيمة تو ندخلو
مروى: باهي امالا بروو... دخلو هيا وباقي النساوين
وفرشو مكانهم وقعدو يهدرزو
البنات طلعو مع جنة...
ردينهه مقعمزين ع الكراسي: كان منلقوهاش
الاء: خلاص ردينهه تو يلقوهاا
هدى: ان شاء الله يارب
جنات: اكيد قريبة وقالت نمشي نشم شوية هواء
جنة: والنبي جنات اسكتي رانا ف ليبيا
ردينهه قعدت تعاود لايات
مروى طلعتلهم: وين اياات
جنة: ف دارها
مروى: متكدبوش عليا ايات مش ف دارهاا
الاء: ايات ملقيناهاش، قلنا للشباب يدورو عليهاا
مروى: وين مشت وكيف ملقيتوهاش
هدى: ماما وطي صوتك، اصلا محبيناش نقولولكم باش متخافوش عليهاا
مروى: كيف متبيش نخافو عليها وهيا مهناش
الاء: اكيد طلعت تتمشي ولا اضايقت وين بتمشي يعني واصلا مرات تتمشي خلف الحوش
مروى: انشاء الله، انتم دورتو عليها الداخل
ردينهه: اي دورنا عليها وملقيناهاش
جنات: لقينا الباب الخلفي مفتوح
مروى: لا حول الله انشاء يلقوهاا، تعالو ادخلو للصالة
الاء: باهي هي نوضو بنات... دخلو وبعد شوي رجعت ايات
ردينهه وقفت: اياات وين كنتي
ايات اتجهت لدارهاا وسكرتهاا نحت عبايتها ووشاحها دخلت توضت وطلعت تصلي وقعدت تدعي وقفا دارت منبه ع الساعة 1:30 ودخلت رقد
ردينهه لحقتها قعدت اطق عليها ومردتش رجعت بجنب البنات
ردينهه: فرشو اهني
هدى: مفتحتلكش؟
ردينهه: مفتحتش
هدى: من جابها ولا وين كانت ومن لقاها
الاء: مشعارفة تو نشوف معاذ
ردينهه: اي شوفييه
الاء كلمت معاذ وقللها لقوها خلف الحوش ودخلوها...
الاء سكرت م خوها: قال لقوها خلف الحوش
جنات: واضح اصلا مهناش وين بتمشي
هدى: باهي نوضو نجيبو نفرشو ونرقدو... جابو فرشو وقعدو يهدرزو شوي مع ال1 رقدوو

عند الشباب...
بعد م رجعو الشباب قعدو يستنو ف مهند..
مهند رجع نزل ايات قدام الباب ودرس سيارته ونزل للشباب
معاذ: وين لقيتهاا؟
مهند: ف الطريق
محمد: بروحها ف الليل؟
مهند: من تبي يكون معاها
محمد: قصدي الطريق فاضية وظلام كيف مخافتش
مراد: هيا اصلا مش مستوعبة شي خيرك انت
محمد: ايي نسيت اصلا
معاذ: كويس المهم لقيناها، مرة تانية مفروض نردو بالنا
مهند: خلاص الباب الخلفي نسكروه م برا وتم وم القدام كان طلعت اكيد بيشوفوها وهيا طالعة
معاذ: تمام معناها تو غدوة نجيب قفل
مازن: باهي تو لقيناها هي نمشو نرقدوو
مراد: بالله انت شن مستفاد من حياتك مفوتها كلها نومم
مازن: اهم الشي الراحة والصحة عندي، هياا نوضو
مهند: اصبر خلي نقللهم يفتحو المربوعة ويفضو الطريق... اتصل بجنات فتحت المربوعة ودخلو قعدو
مازن ومعاذ ع طول خدو غطاواتهم ورقدو م غير تفكير
مراد قعد شوي ع النت و رقد
محمد ومهند قعدو فايقين ع النت
محمد: غريبة شاد الهاتف ومش راقد
مهند: مش ناوي نرقد
محمد: البنت بكري وين لقيتها
مهند: مش قتلك ف الطريق
محمد: هكي بروحهاا
مهند: محمد خليك م تلقيح الدوة وتكلم بوضوح شن تبي تقول
محمد: ولا شي نسال فيك عادي
مهند: جاوبتك وتمم
محمد: امس بعد سمعت صوت م لقيت
مهند: شن دخل امس ف تواا
محمد: نبي نربط الاحدات، صاحبي ونعرفك قول لقيت البنت
مهند: اي باهه شن فيهاا
محمد: قول م الاول وخلاص... سكر هاتفه وغطاء روحه ورقد
مهند: شن تقصد انت، محمد
محمد: تصبح ع خير قليبي
مهند: تي برا والنبي ارقد... قعد شوي لعند جت الساعة 1:30، شافهم لقاهم راقدين طلع ومشي للفيرندا قعد مقعمز يستنى