للكاتبهه الملكهه.. 🖤🪶 (آيات البشتي)
ان شاء الله كان كملت قراية بكري انزلكم حلقة بس فاليل متاخر❤
عند الشباب...
الكل فاق بكري توضو وصلو مع بعض وطلعو
مازن ومهند طلعو للخيمة
مراد ومعاذ ومحمد طلعوو
مراد مشي للحوش دار دوش وبدل، وطلع يوصل ف خوته واخته للمدرسة والجامعة(اصيل سنة تانية اعدادي/ صقر سنة اولى تانوي ،اسيل سنة تانية
جامعة كلية الهندسة) ومشي دار دورة ع الكتيبة ورجع للشباب
معاذ مشي للحوش بدل ووصل البنات ومشي للجامعة تم موضوعه ورجع للعزي
محمد مشي لحوشهم بدل ونزل لامه وبوه ف الفيرندا
محمد: مرام مشت؟
هيفاء: اي جاها الباص بكري
محمد: باهي كويس، فطرتو
هيفاء: توا شوي ونحط الفطور، بتفطر؟
محمد: لاله بنطلع طول تو نفطر
هيفاء: باهي ع كيفك، فاضي ليوم؟
محمد: توا لا العشية
هيفاء: باهي عادي، نبيك ترفعني اني واختك بناخدو حاجات للحوش
محمد: تمام بعد العصر نجيكم، تمشي معانا بوي؟
سالم: ارميني عند خالد
محمد: قصدك ف العزيي؟
سالم: اييه
هيفاء: زعما نمشيلهم حتى اني يوم؟
سالم: امشيلهم ايي
محمد: اي تو تلقي عمتي فاطمه غادي
هيفاء: عندهم زحمة؟
محمد: يوم الفرق وبعدها خلاص معاد في هلبا ناس
هيفاء: كان هدا تو نمشي اني مرام بعد م نروحو
محمد: تمام، اني توا طالع العشية نجيكم
هيفاء: سلامتك.
محمد طلع بسيارت ومشي قدم محضر عند النائب العام ورجع مع الشباب
مع الساعة 10...
مهند وصلاته رسالة م رقم ( بما انك ادور فيا حنستضيفك لاكن مش بروحك) مدورهاش
محمد دخل للشباب ف الخيمة: خيرر، قاعد م جي حدد
صلاح: نص الاقارب جو خلاص والجيران ع شوفتك
محمد: فطرتوو؟
مهند: مزال، وانت
محمد: حتى اني م فطرت، غريبة اليوم كان تاخرو ع الفطور
معاذ: عادي مرات نسونا
مازن: اني عصافير بطني تزقزق كلمونا حد صارلنا هبوط
خالد: بالله انت ولد من
مازن: اني صاحب مهند معقولة معرفتنيش ي عمي
مهند: هدا مجرد زميل عمل ي بوي متصدقاش را نا منصاحب ف المكاليب
مازن: بارك الله فيك، اني طلعت مكلوب، ركبتلكم الخيم، نبات معاكم،امنت معاكم، دورت معاكم البنت اللي هبلت، فالنهاية طلعتني مكلوب نوارة زميلي
خالد: ع من دورت؟
مازن: معاذ جيبلنا فطور عمك مفطرش
خالد تلفت لمهند: مهندد
مهند: بنت المرحوم
خالد: خيرهاا؟
مهند: اول م سمعت بوفاة بوها صارتلها صدمة معاد تكلمت ممكن تلاتة ايام، اليوم الاخير طلعت بروحها فاليل طلعنا دورناها لقيتها روحت بيها وبس
خالد: واني وين م الموضوع هدا كله
صلاح: وانت كل يوم تصبح وتمسي فوجي ومتقليش
معاذ: ي بوي موضوع تافهه البنت حتى حالها كويس توا
خالد: رفعتوها المستشفى
مهند: اي رفعتها م اول يوم اغمى عليها
خالد: اي وهدا وين نسمعو وعندكم عادي
مهند: المهم وضعها كويس
معاذ: اي امس سلمت عليها تتكلم وواضح عليها كويسة
مازن: الفطور ي معاذ
معاذ: تي باهي ضم فمك، شوفلنا حد ي مهند
مهند وقف اتصل بجنات
جنات: نعمم
مهند: مش دايرين فطور ولا كيف
جنات: شوي بس
مهند: مش فايقين بكري
جنات: لا البنات اللي مشو للمدرسة هدوكا والباقي قعدنا راقدين
مهند: م مشيي
جنات: ايات وباقي صاحباتها اللي كانو يساعدو فينا
مهند: علاش م قالتش
جنات: قالت لامها وخلاص لمن تبي تقول تاني
مهند: لما تكملي الفطور كلمي بوك ياخد منك
جنات: تمامم
مهند سكر منها ورجع خدي مفتاحه: ع من اليوم المراقبة
محمد: اي مراقبة
مهند: المدرسة
محمد: اليوم شن
مهند: اربعاء
محمد: ع مازن ومراد ع اساس
مراد: اي اليوم علينا
خالد: وين، خيرك شن فيه
مهند: البنت مشت اليوم للمدرسة ي بوي
معاذ: اي اني وصلتها بكري
خالد: اي وكان مشت
مهند: لو يخطفها حد م نفس الجماعة
خالد: بعد قتلو بوها شن مزال يبو منها، شن في
مهند: م في شي بس ناخد حذرنا وبس اني طالع توا عندي خدمة
محمد: اصبر نجي معاك... وقف ولحقهه
مهند ركب وركب جنبه محمد
محمد: شن صاير
مهند ولع سيارته وتحرك: مشعارف وصلتني رسالة، مرات يديرو شي للبنت
محمد: رسالة شن ومن بعتها
مهند مدله الهاتف: شد اقرا
محمد: انت ادور ع حد خاطي التاجر
مهند سكت واتذكر شخص خاطي ايات وقعد يسوق ومحمد معاد ساله... وصلو ونزل مهند للمدرسة ومحمد قعد يستنى برا
مهند: السلام عليكم
الاستاذ: وعليكم السلام
مهند: نبي الادارة
الاستاذ: تفضل معاي... مشي دخل بيه للادارة
مهند: السلام عليكم
المديرة: وعليكم السلام
مهند: نبي الطالب ايات صالح الفلاني
المديرة: تقربلها؟
مهند: ولد عمها
المديرة: سمعنا ببوها توفى عظم الله اجرك
مهند: شكر الله سعيكم
الاستاذ: عظم الله اجرك
مهند: اجرنا واجرك، نبو نروحو بيها ضروري
الاستاذ: ان شاء الله خير
مهند: مافي الا الخير ان شاء الله
الاستاذ طلع بعت طالبة تنادي ايات
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romansaرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
