للكاتبهه الملكهه.. 🖤🪶 (آيات البشتي)
مهند: جيب اختك وتعال روحو
منذر: مزالت بتهدرز وتو نروحو
مهند: قتلك برا جيبها انيي
منذر تأفف ومشي لايات: هيا كبتروحي
ردينهه: مزال شوي
ايات: هيا والله سقعت اني ونبي نروح نرقد
ايات²: هيا اني بوي جي سلام
الكل: سلام
ايات: شن يبي منك
منذر: قاللنا روحو
ردينهه: على رجلينا
ايات: اكيدة هي خلي نمشو، هي سلام نتلقو غدوة
رحمهه&رغد&ميس
طلعو ايات وردينهه ومنذر
طلع قدامهم مهند وركب سيارته
محمد: خلي اني ننزل وانت وصلهم
مهند: تمام نوصلهم ونجيك
محمد: خليك معاهم ودزلي مازن كان تبي
مهند: تمام... نزل محمد ومهند لاحظهم ماشين ع رجليهم.. نزل وناداهم
مهند: اركبوو
منذر تلفت: بنروحو ع رجلينا
مهند: تعال انت واختك اركبو
ايات: علاش شن فيي
مهند: اركبي ف الحوش مش وقته الكلام اهني
ردينهه: بري مرات في شي صاير
ايات: انشاء الله خير يارب، وانتي بتروحي بروحك
ردينهه: عادي اصلا اهو في بنات يمشو تو نمشي معاهم
ايات: باهي هي سلام
ردينهه: كلميني لما توصلي
منذر: تو تكلمك غير هيا... مشت ايات ومنذر ركبو
منذر ركب م قدام وايات م تالي.. وصلو للحوش
ايات قعدت تشبح ف الشباب اللي قدام الحوش وتلفتت لمهند: شن فيي
مهند: تو يجي يوك ويحكيلك تو خشي انت وخوك بوك تو قريب يجي
ايات: تعال منذر... خشو الحوش واتصلت ببوها: بابا
صالح: ها بنتي
ايات ادور ف الصالة: شن في انت وين
صالح: تو قريب نجي اني وامك بديريلنا الغدي اليوم؟
ايات: حاضر انتم تعالو واني نديرلكم
صالح: هي ردي بالك م روحك وخوك
ايات حسة بغصة ف نبرتها: باهه
منذر: شن في بوي وين
ايات: ف الطريق قال وتو الغدي
منذر: باهي شن نديرو
ايات: مشعارف خلي نبدلو ونصلو ونجو نديرو الغدي
منذر: باهي واللي قدام الحوش هادو نديرولهم ولا شن
ايات: اكيدة... ومشت بدلت لبست توتة سوداء وصلت ونزلت
منذر مقعمز ع الكرسي: ها شن نديرو توا
ايات واقفة ع الرخامة: مشعارفهه
منذر: بدلتي وصليتي ولتوا مجاش لبالك شي
ايات فتحت التلاجة وبدت اطلع ف الحاجات: انديرو مكرونة وخلاص
منذر: في مدخنهه باهيي؟
ايات: اي في، تو نديروها.. وبدت اطلع وادير فيها
منذر: انطلعو معاهم فواكه باهي وديريهم ز هديكا المرا مقرضات مع بعض
ايات: باهي اني نغسلهم واني نقرضهم
منذر: اي هوا هدا ماهوو😒
ايات: وشن فيها كان ساعدتني يعني
منذر: باهي هي بالك.. وخدي بدي يغسل فيهم وهيا بدت ادير ف المكرونة
عند صالح...
ليلى ركبت السيارة: شنصاير
صالح اعطاها الهاتف: شوفي الرسالة ها
ليلى انصدمت: وتواا، الصغار وين باه ايات ومنذر
صالح: بعتت ولد صاحبي روح بيهم وجاب حراسة قال
ليلى: باه وبعدين شن بيصير
صالح: حنرميك عند اختك ونروح
ليلى: كيف وعلاش بترميني
صالح: منعرش خايف منوصلوش للحوش، ع الاقل انتي تقعدي مع الصغار
ليلى: شن تقول انت بنروحو مع بعض لصغارنا، والله لو ترميني وتمشي مش حنسامحك طول حياتي
صالح: هدا الكلام مش وقته فكري ف الصغار
ليلى: لو ترميني ويقتلوني اني مش انت
صالح معرفشش شن يدير وكمل طريقه للحوش وماهي الا 5 دقايق وقصت عليهم سيارة ونزلو منها رجالة: انزلل
ليلى: لا متنزلش خليك
صالح نزل م السيارة وسكرها: ردي بالك م الصغار، تلفت لراجل: مرتي متمسوهاش خلوكم رجالة ع الاقل
ليلى تخبط ع الروشن وتحاول تفتح الباب: صالح، نزلونيي حرام عليكم
الرجالة ضربوه وطاح طلقو عليه 3 رصاصات: هدا مصير اللي يلعب معانا ... مشو وخلوهم
طبعا اكيد ف ناس كانت حاضرة وجو اسعفو صالح وطلعو مرته... طبعا ليلى محاولتش تقرب لصالح بكل مصدومة ودموعها ينزلو وساكتة ( لا مش زي مسلسلاتنا🙂) م وصلو للمستشفى لعند توفى
مسعفة: عفوا ي ابلة، شن يقربلك المتوفي
ليلى معش عرفت شن ادير قعدت تبكي وبس: راجلي وبو صغاري
مسعفة: تفضلي هاذم الحاجات اللي كانو معاه، اسمعيني اختي توا كلمي اقاربك ولا خوته خلي يكملو اجراءات الدفن خلي راجلك يرتاح اليوم فقبره ع الاقل يلحقو ع اذان العصر وانتي م عليك الا تدعيله بالرحمه وف كل صلاة واهتمي بصغارك وخليك قوية لو انتي ضعفتي صغارك م بيقويهم
ردي بالك م صغارك وقويهم
ليلى: بس هوا معنداش خوت ولا اني
المسعفة: صحابه اي حد جيرانكم..
ليلى تفكرت صاحبه خالد: وخيتي نعطيك تتصلي بصاحبه
المسعفة: هاتي وخيتي
ليلى اعطتها هاتف صالح وعطتها تتصل منه..
المسعفة: الوو السلام عليكم
خالد رد ع الهاتف ع طول: ايوا صالح، استغرب م الصوت، وعليكم السلام اختي
المسعفة: صاحب الهاتف توفى عظم الله اجرك واللي معاه مرته قالتلي نتصل ونقلك تجي لان معنداش خوت ولا هيا فلو تتفضل تكمل اجراءات الدفن ف مستشفى الفلاني
خالد انصدم ودرس ع اليمين: لاحول ولا قوة الابالله، اجرنا واجرنا اختك، شوي وجاي باذن الله... ومشي للمستشفى ع طول
المسعفة مدتلها الهاتف: تفضلي قال شوي ويجي
ليلى خدت منها الهاتف...
ليلى وقفت خدت هاتفها واتصلت باختها: راجلي ي مروى
مروى توتي ف غداها: ليلى خيرك انشاء الله خير
ليلى: صالح توفى ي مروى، مششي وخلانا
مروى قعمزت مصدومة: لاحول ولاقوة الابالله، وين انتي توا ومن معاك
ليلى: ف المستشفى تعاليلي وخيتي
مروى: هاني جايتك، الصغار وين
ليلى: ف الحوش قاعدة مقلتلهمش
مروى: كلمتي حد يدير معانا اجراءات الدفن
ليلى: صاحبه شوي ويجي
مروى: هاني جاية نجيب هدى ونجيك... سكرت ومشت لبنتها وتي روحك بسرعة بنمشو لخالتك
هدى مقعمزة فدارها: علاش شن فيه
مروى خدت تلبس ف عبايتها: راجل خالتك توفى نوضي نولع السيارة وتطلعي منقعدش نستنا فيك
هدى ناضت تلبس بسرعة وخدت شنطتها وطلعت: وايات ومنذر شن صاير فيهم
مروى: قعديز فالحوش مسمعوش، خلي ناخدو خالتك ونمشولهم... ومشت لاختها وروحت بيها
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
