𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «37»

للكاتبة الملكهه🖤🪶 (آيات البشتي)

يوم جديد❤🪐

عند ايات...
فاقت الصبح هيا وهدى لبست الزي وعليه شال قهوي وسبيدرو ابيض، هدى لبست الزي وعليه هودي ابيض وسبيدرو اسود...وغيرو جدولهن وطلعو يفطروو
هدى: ماما اليوم بنروحو ف الاستراحة تعالي روحي بينا
مروى: وعلاش ف الاستراحة
ايات: ع خاطر حفل التخرج يبدا الساعة 12
مروى: اهاا باهي معناها تو نجي نرفعكم، وحتى للحفلة تو نرفعكم اني لان بنمشي نوقع ع بيع الحوش
هدى: حصلتي من يشريه
مروى: اي واليوم بنمشو نوقعو ع عقد البيع
ليلى: باهي كويس
ايات: لابين كملتي لعند كملت الحفلة وتروحي بينا
مروى: اي ممكن انتم لما تكملو كلموني... كملو فطورهم ومشو لمدرستهم

عند ردينهه...
فاقت الصبح غيرت لبست الزي وعليه جاكيت اسود وسبيدرو ابيض، خدت شنطتها وطلعت وصلوها للمدرسة ومشو، دخلت لقت ايات وهدى يراجعو
ردينهه: صباح الخير
ايات&هدى: صباح النور
ردينهه: سديتولي نفسي م الصبح
هدى: خليني بالك نحصل شن نجاوب
ايات سكرت الكتاب وحطاته ف شنطتها: حتى فديت اللي نجاوبه نجاوبه فكوني
هدى سكراته برضو وحطاته ف شنطتها: طيرتو مني النية حتى انيي... شوي ودخلوهم

عند مهند...
فاق مع ال9 نزل فطر وطلع للكتيبة وكانو الشباب الكل غادي
مهند: امس خدو مقاسات الكوجينة ايامات ويكلمونا بيش يجو يركبوها
مازن: تمام الاثاث حجزنا فيه يبي اسبوع ويوصل، انتم زوقتو
مراد: اي نظفنا المكان وزوقناه مزال ع الاثاث بس
محمد: بعد غدوة بنركبو اللافتة والكاسة والمرش الجديد والباب
احمد: تمام كويس، والطباخين تفاهمتو عليهم؟
مهند: اي تفاهمنا مع الشركة اني ومعاذ واول م يجهز المطعم حيبدو ف الخدمة
احمد: تمام معناها الاسبوع الجاي يمشي حد يتفق معاهم ع المنيو اللي حيديروه وهك نوفرولهم المنتجات بالمرة
مهند: تمام فكرة مليحة، على من اليوم المناوبة تبع المدرسه
محمد: خلاص انساها المناوبة غدوة بتبدا رحلتنا الجديدة
مهند: تم معناها نتلاقو ف حفل التخرج... طلعو وكل واحد اتجه لحوشه يوتي ف روحهه

ف المدرسة...
ف الاستراحة... اختارو مكان قعمزو فيه وشرو فطورهم وقعمزو يفطرو
رحمة: إطري ع قولت الشراقة😅
ايات: شن بنطري🌚
ميس: احكيلنا شن صار معاك شن حكيتو شن كانو لابسين شن جابو كل شي
ايات تنهدت: احمم... وبدت تحكيلهم
رغد: يعني بتبدي بتلبسي ديما عبايات
ايات: ايي
رغد: وف المدرسة؟
ايات: هادي متكلمناش عليها واحسن اني متكلمناش عليها
ايات²: هوا كان يبي وحدة قبل
ايات: ايي وكان يحبها حبب منحكيلكم
هدى: وانتي كيف عرفتي يلا بلا كدب
ردينهه: والحوش اللي مدايرهولها وكل من ذوقها شن هداكا يقلبيي
رحمة: باه علاش مخديهاش وهيا وين توا
ايات: حسب م سمعت نوا م قالي عليها شي اصلا مسألتاش بس صاحبه قال انها اختارت تمشي مع واحد تاني
ميس: وعلاش بهه
رحمة: كيف تحملل بعد هادا كلهه
ايات: وين نعرف عليه اني منعرف شي نعرف ان بعدها كره لبنات وهكك وتوا ليش خداني مش عارفة
ردينهه: واضحة حبك واكسبيهه احسنلك
ايات قعدت ساكتة شوي تكلمت: اياك تلحقني مخطوبة مخطوبة😌💍😂(لحنوها🌚😅)
ميس: تخيلو تولي هكيي🙂
جتهم بنت: ايات خالتك تبيك الادارة بتروحي
ايات: تمام، هيا ردينهه وهدى
رغد: وينن
ردينهه: اليوم حفل تخرج خوي يبدا الساعة 12 فقلنا نكملو الامتحان ونروحو ف الاستراحة
رحمة: اهاا مبروك عليهه
ايات²: الف الف مبروك عليه
رغد&ميس: الف مبرووك
ردينهه: يبارك فيكم، يلاا سلاام
الكل: سلاام... رقو التلاتة خدو شنطيهم وطلعو مشت ايات لمدرسة منذر وطلعت هيا وياه وصلو رودينهه وروحو دخلو
ليلى كانت برا ف الفيرندا: ايات خليك بنحكي معاك شوية
ايات رمت شنطتها بجنب الطاولة وقعمزت: نعمم
ليلى تلفتتلها: من بعد وفاة بوك معاش في حديث بينا ليش
ايات: عادي يعني نحنا نحكو يماما
ليلى: اوك احنا نحكو لاكن مش زي قبل ابدا انتي كنتي ديما تقعمزي بجنبي ونحضرو مع بعض ونطيبو مع بعض وفالليل نسهرو مع بعض لاكن توا معش نشوف في شي حتى ع الفطور مرات كلمة متجيش بيناا ايام العزي لما طلعتي احني تعاركنا واني سمعت منك كلام لعند توا مانسيته
فلاش باك 🎬...