للكاتبهه الملكهه.. 🖤🪶 (آيات البشتي)
عند البنات...
آذن المغرب والبنات الكل روحو ايات وهدى ضمو الكوجينة والصالة ومشو صلو وقعمزو الكل ف دار المعيشة
ليلى: تعالي اسكني اهني احسن
مروى: اي وحوش بوي
ليلى: بيعوه، جيبو اثاتكم وبيعوه
مروى: كيف نبيع حوش بوي اللي عشنا فيه كلنا
ليلى: باهي أجريه يعني ميجيش اني في مكان وانتي فمكان
هدى: باهي علاش انتي خالتي متقدريش تجي معانا
ايات: وحوشنا لمن بنخلوه ان شاء الله
هدى: زيكم زينا عندنا اعذار
ليلى: تعالو معانا هدا الحل والحوش زي م قتلك بيعيه خلاص، احسن م نقعدو نأجلو
مروى: خلاص تو نعرضوه للبيع ونطلعو منه بضاعتنا وخلاص
ليلى: توا خليه يقعد مسكر بعد نتم العدة وقتها نعرضوه للبيع وتنقلو اثاثكم ع الاقل نساعدكم ف النقل وننظفوه بالمرة
مروى: ف الوقت هدا احني كل مرة نجيبو بضاعة وفي حاجات نبيعوها
هدى: مش ع اساس بترفعيني نجيب حاجاتي اليوم
مروى: غدوة ان شاء الله، ونجيب حتى ملفك نحولك مع ايات
هدى: احسن نفتك م هديك المدرسة
ليلى: بتمشي عدوك للمدرسة؟
ايات: اي بنمشي
مروى: خلاص نوصلك انتي ومنذر ونمشي
هدى: ايات اني وياك نختارو غرفة انسقوها لينا
ايات: شرايك نبيعو غرفتك وغرفتي ناخدو وحدة جديدة وناخدو الغرفة هادي بما انها اكبر
ليلى: عينك مش تاخدي الغرفة هادي وين تبي بيه تفكيرك الحوش يقعد زي ما كان نزيدو سرير ف غرفتك لا اكتر ولا اقل
هدى: خلي الحديث بعدين ايات
ايات: تمم
منذر: وانيي باهيي
ليلى: كل شي زي ما كان اني حنبيع غرفتي ومكتب بوك وناخد وحدة فردية فيها زوز اسرة واحد ليا وواحد لخالتك، وسرير لهدى معاك وتم
ايات: علااش، خليها دارك زي م هيا وخالتي تاخد داري واني وهدى ناخدو هادي
ليلى: الدار هادي حتقعد معيشة زي ما توا قاعدين فيها تاني شي انتم كبرتو خلاص بعد نديرلكم غرف تمشو وتخلوهم
هدى: عادي ي خالتي نجيبو صغارنا م جمعة لجمعة ونباتو فيهم😂
منذر: نوضو بالله ديرولنا عشي مفضاكم، وبعد اتمو جيبولنا ف المربوعة اني ومعاذ
ليلى: معاذ اهني؟
منذر: اي جي بعد م روح بوه
ليلى: والله بارك الله فيه
ايات: اي المهم شن نديرو عشي
هدى: نديرو حتى سندوتشات
مروى: زعما مش عيب
ايات: لالا عادي اصلا ميدورش
منذر: اي باهي شن بنديرو
ايات: في تست تو نديروه
ليلى: باهي ع راحتكم
هدى: باهي نوضي هيي... مشت ايات وهدى للكوجينة يجهزو العشي
عند محمد...
طلع المغرب م عند خالد وصلاح واتجه للحوش
محمد: وتي روحك مع اذان العشي بنمشو نباتو ف نفس الحوش اللي كنا فيه
مسلم: علاش؟
محمد: نساوين كلهم بروحهم لازم يقعد معاهم حد
مسلم: وين عمامهم واقاربهم
محمد: معنداش خوت وخالهم الوحيد مسافر ليه فترة ميعرفو عليه شي
مسلم: يعني معندهم حد توا؟
محمد: عمي خالد وصلاح صاحبه التاني
مسلم: الحمد لله ع كل حال
محمد خدي هاتفه واتصل بمعاذ: ايواا
معاذ قاعد ف المربوعة: اهاا شن الامور
محمد: ماشية والحمد لله، قتلك
معاذ: نسمع فيك
محمد: انت وين
معاذ: قاعد ف حوش المرحوم، بعد انت طلعت اني جيت
محمد: تمام حتى اني جاي معاي واحد
معاذ: تمام نستنى فيكم... سكر منه وقعد فاتح نت
محمد: هي نوض نمشو خود بضعتك وهيا، اني نمشي نغير ونجيك
مسلم: تمام، حتى اني بنغير
محمد طلع ودخل الداخل لقي امه ف الصالة: قتلك
هيفاء: نعمم
محمد: متحسبيناش ف العشي طالعين
هيفاء: متعشين برا؟
محمد: اي وبنباتو برا
هيفاء: وين برا؟
محمد: ف حوش المرحوم، مهند مسافر ومش قاعد معاهم حد، يعني مفيش راجل ف الحوش إلا ولد صاحبهم وبنمشي معاه اني والولد
هيفاء: باهي ردو بالكم م روحكم
محمد: حاضر، اني تو بنرقى نغير ونطلع
هيفاء: باهي...
محمد رقي غير لبس توتة بيضاء وخدي هاتفه والشحن وطلع
مسلم لبس سروال توتة ابيض وهودي اسود وخدي هاتفه وخيط الشحن وسماعاته وطلع لقي محمد يولع ف السيارة ركب معاه وطلعو
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romantizmرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
