للكاتبهه الملكهه.. 🖤🪶 (آيات البشتي)
بدل م نقرا ف تطبيق التاريخ جيت نكتبلكم باش تعرفوني طيبهه المهم انشاء الله نجاوب🤧❤
عند الشباب...
معاد مشي للحوش دوش وبدل وخدي هاتفه وقعد يستنى ف الاء تطلع شوي ووصلها ومشي لجامعة.
مهند مشي للحوش دار دوش وبدل ومشي للكتيبة
ولحقوه الباقي ف الكتيبة
مهند مقعمز ف مكتبهه: شن قلتو تواا
مراد مقعمز قدامه: مشعارف بس من رايي ان نخلو البنت ع جنب نشوفو حد تاني
مازن واقف بجنب الباب: مراد عنده حق مرات ندخلوها ف مشاكل ولا يصيرلها شي الامور هادي صاعبة
مهند: هيا اصلا حتوافق منغير تفكير
محمد: البنت صغيرة مهند حتى لو هيا وافقت امها اكيد مش حتخليها
مهند: مش لازم تسمع امها بعد م نتمو كل شي تو وقتها نقولولها وتمم
مازن: اوك لو نفذنا انت شن حتستفاد الراجل ينحبس وتم الموضوع
محمد: واصلا انت شن دخلك ف الموضوع هدا
مهند: بعد نشدوه كتيبتنا حيولي عندها قدر وقيمة مش زي توا سايبة ونقدرو نزيدو ندخةو فيها اعضاء وندربوهم ونقدرو نولو اليد تبع النائب العام
مراد: نذكرك احني مليشيات والنائب يتعامل مع عسكرين وضباط خريجين وبشهادتهم
مهند: حاليا القوة هيا تحدد مصيرك
محمد: نصيحة فوت الموضوع
مهند: اني هكي ولا هك ح انفذ معاي ولا لا
مازن: اوك م لينا حل غير نقولو تمام
محمد: اطيح ل مصيبة انت والبنت نحن مدخلنا
مهند ضحك بهزوة: عارفكم م تقصروو حتى اني
مراد: محمد ميقصد شي بس الموضوع فيه بنت وهدا علاش هوا خايف يصيرلها شي
مهند: قتلكم البنت مش حيصيرلها شي متخافوش
محمد: تمام تفاهمنا وتوا شن تبينا نديرو وكيف بتقنع امها
مهند: امها مش حنقلهة شي اكيد مش حتوافق
مازن: باه كيف بدير
مهند: بنكلم البنت وبس وباقي الامور تو نمشيها بروحي وبعدين نقلكم شن درت
محمد: شن هوا بتمشيه بروحك
مهند: مشية البنت للشركة
محمد: باه نديرو م يراقبها ع الاقل
مهند: اي ومن غير علمها يكون احسن، وهك نقدرو نحرسوها ويكون لبسهم مدني
مراد: تمام بس من حينضبط بالشي هدا الشباب اللي معانا مش حيلتزمو
مهند: هدا علاش اني نبيكم معاي ،يوم انت ومازن ويوم اني ومحمد
محمد: تمام بعد تنظم امورك قللنا نبدو بحراسة الملكهه
مهند: هه الملكهه هادي حترقينا لفوق
مراد: تو نشوفو شن يصير
مهند: مع هدا بنقعدو ندورو ع التاجر
مازن: تمام امالا هي اني طالع عندي مشوار نتلاقو فاليل
مراد: اصبر نطلع معاك حطني ف الحوش بناخد سيارتي
مازن: تمام هياا... طلعو مازن ومراد وقعدو محمد ومهند
مهند: خيركك
محمد شاد هاتفه ويتكلم: خيرني
مهند: امس فاليل شن تلقح
محمد ضحك وحط هاتفه وعدل روحه: علاش شن قلت اني امس نسيت
مهند: فكك م جوو
محمد: ي ولد معقولهه اول يوم ماشيلها ف الليل وانت العشية رافعها المستشفى مش سادك ريتها وزيد امس خليتنا رقدنا طلعت مشيتلهاا وانت مروح بيها المغربب
مهند: تفكيرك الخامر لوحهه بعيد ومعش تحطه عليا
محمد: قصدي هلباا هكي صاحبك ومتقليش
مهند: م عندي م نقلك، كان اني نبيها را منخاطرش ونحطها تخدم ف شركة بوها
محمد: من قاللك انت تبيها
مهند: نوض اطلع اقلب وجك مش فاضيلك
محمد: اهاا حق نسيت ماهه تشبح فيها كل يوم وهيا مروحة
مهند: نوض محمد
محمد: نبصر عليك عادي يعنيي
مهند: فوتها المواضيع هاديي
محمد: تمام، امتى بتقول للبنت
مهند اتذكر لما قالت اعطت رقم بوها لرياض: تو ندبر راسي
محمد: وعلاش متمشيلها فالليل ولا في من كبسكم
مهند: ياسر ضم فمك
محمد: باهي كان م في شي انت وين مشيت ليلة امس والليلة اللي قبلها
مهند: انت علاش تسال تواا
محمد: هادا غير صاحبك تمام منور
مهند: مشيتلها صح اول يوم لقيتها لبرا، اكيد انت تعرف اللي هيا كانت ف صدمة
محمد: اي ونعرف انها قعدة ف صدمة
مهند: امس استوعبت ممكن
محمد: كيف ممكن
مهند: مشعارف بس امس تكلمت عادي واول يوم قالت جملة وبعدها دخلت
محمد: مفهمت منك شيي مالاخير
مهند: اففف مشلازم اصلا شن دخلنا والنبي نوض... طلعو الاثنين مع بعض محمد مشي لحوشهم قال بيرقد ومهند طلع بسيارتهه
مهند مشي لنفس الشارع يدور ع رياض لعند لقاه مدرس سيارته درس وراه وركب معاه
مهند ركب معاه: السلام عليكم
رياض تفاجئ: شكله كل يوم هاد عليا واحد متكملوش
مهند: وانت متبيش ترد السلام
رياض: وعليكم السلام، ايي تفضلل
مهند: بنت اللي توفى من وين تعرفها
رياض: عاطيها قبل زرف وانت تعرف
مهند: مش هدا سؤالي
رياض: وضحلي معناها
مهند: قاعد نعامل فيك كويس لو حد تاني كان بعتلك جماعة ورفعك وتسمع وسخ وذانك وهما يرفعو فيك
رياض: علاش يومها م دزلي جماعة
مهند: لما دزيت جماعة رفعوك باحترام
رياض: اوك شن تبي، عندي خدمهه
مهند: هه اي خدمهه، في شي بينك وبين البنت
رياض: زي شنن
مهند: واضح كلامي
رياض: وضح اكتر منفهمش ف الالغاز
مهند شده م رقبته: اخطاك م المشاكل
رياض: نزل يدك اوويي
مهند نزل يدهه: جاوب مزال عندي معاك مواضيع
رياض: قول علاقة وتم يعني لهدرجة ثقيلة عليك الكلمة
مهند: معناها فاهم شن قصدي م الاول علاش متحلش فمك، ايي جاوب ت السؤال
رياض: مافي شي بيناا، جتني امس وكانت تسال ع بوهاا، هه تحساب بتاخد حقهاا ولا بتنتقم
مهند: اي وشن تانيي
رياض: هوا هدا، وقعدت تبي تعرف من اللي دار هكي
مهند: وعطاتك رقم بوها
رياض: اي من وين عرفت
مهند: كنت نعرف وبس
رياض: وجاي تحرقلي ف دمي بما انك عارف علاش جايني
مهند: اعطيني رقمهه
رياض: علاش خيرر
مهند: وانت شز دخلك
رياض: حتى اني فاضي نسال فيك... اعطاهوله
مهند خداه منه وطلع دخانه وقعد يدخن ويفكر
رياض قاعد يشبحلهه: نجبدلك زرف من هني تزيد تروق
مهند: شرايك تمشي معاي نضيفك ليلتين ف الشيلة
رياض: صحيت بارك الله فيك مش فاضي الايام هادي الحق🙂
مهند: انست... نزل وخلاهه ركب سيارته وطلع
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romansaرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
