للكاتبهه الملكهه.. 🖤🪶 (آيات البشتي)
عند محمد...
محمد فاق ولبس بدلته ونزل لقاهم كيف يحطو ف الفطور: صباح الخير
هيفاء&مرام: صباح النور
محمد: بوي قعد منزلش
هيفاء: اوينه ف الجنان
محمد: باهي كويس نشوفه ونجيكم
هيفاء: شوي وتعالو افطرو
محمد: باهيي... طلع لبوه: صباح الخير ي بوي
سالم: صباح النور
محمد جبد كرسي وقعمز وقعد يتفرج
سالم: شمداير ف الخدمهه
محمد: شي مكسدة مرات نشدو ع المدارس وبس
سالم: كويس خير من الاشتبكات
محمد: ايي
مرام: هي تعالو ك بتفطرو
محمد وقف و خش هوا وبوه...
هيفاء: بتمشي مع خوك ولاا
مرام: ايه، شوي ونمشي
سالم: درتي فطورك
مرام: ايه درته
محمد: باهي كولي بسرعة معاش مزال وقت
وفطرو ومشو مرام ومحمد..
عند ايات...
نضت بسرعهه لان تاخرت بدلت ولبست فوق الزي هودي اسود مسكر ودرت فازلين لرموشي ومرطب وخديت شنطي وطلعت جريي
لقيتهم كلهم يستنو ف السيارةة
منذر: ساعةة ساعة
ايات جت بتركب ولت: نسيت فطوري
ليلى: تعالي جبتهولك
صالح: بدينا ف الروتين🙂
ومشوو
عند ردينهه...
فقت الصبح بدلت ولبست فوق الزي فانيليا صوف لقصيرة رصاصية ولبست سبيدروي الابيض وطلعت
الاء تستنى فيها ف الباب: وقت عليا را مديريش فطورك هيا
ردينهه: ع اساس بتنتبهي مع الدكتور نصها هدرزة ودوران ف الكلية
معاذ: اطلعوو نفختولي راسي م ت الصبح
وطلعو ....
ف المدرسهه...
الكل واقفين طابور وطبعا تفتيش اظافر واللي لابسات هودي والمكياج والقصة اللي ترفرف🙂
الابلة جاية لايات&ردينهه: هي انتم الزوز اطلعو
ايات: علاش ي ابلة
الابلة: اطلعي منغير نقاش
ردينهه: اطلعي فكينا منهم هادوو
ايات مسو طلعوو: تفخخ
ولحقتهم رحمه: جييت
ردينهه: نورتي😂
ايات: خيرك انتي تاني
رحمة: ناسية ضوافري
الابلة: ضمي فمك انتي وياها من اهني
ردينهه: بدينا ف الجو تحساب روحها المديرهه
رحمة: طبيعي الشموخ
ايات: اسكتو استاذ محمد جي
كملو الطابور ودخلو الطالبات وقعدو اللي موقفينهم
الابلة جابتلهم قلامة: اللي ع الظوافر يوقفو طابور هيااا كل وحدة تقلم ظوافرها
ايات: رحمهعع، بتقلمي معاهم يعع
رحمة: مستحيل
ردينهه: من يد ليد ياريت حتى قالولكم قلمو ف الحوش
الابلة: هي جماعة الهودي هيي اوقفوو، اخرلكم مرة اكتبو اساميكم غدوة نلقاكم ف القائمة هادي مش حتخشو
ردينهه تهمس لايات: وكان ميتين باش نحضرو الحصص
ايات: سايري وخلاص😂
المهم وجماعة المزيتات غسلولهم وجوهم ودخلوهم
فاتو الحصص وجت الاستراحهه
نزلو الكل وتجمعو القروب
ميس: هيا من تبي نشريلها
ردينهه: انييعع
ايات²: حتى انيي
رغد: حتى اني جيبيلي بطاطا
ميس: ايات غريبهه شكلك جايبهه فطورر
ايات: يصص ماما دارتلي نصص بالتن
ميس: باهي امالا خليكم هني نشري ونجي
ردينهه الابتسامة العريضهه لايات: امممم
ايات قعدت تضحك ع ردينهه قسمتلها م نصها: شدي، من يبي بنات
الكل: صحتين
ايات: رغدد
رغد: لاله منحبش التن
رحمهه قسمت لرغد: تو نعطيك اني ذوقي مفروم ماما
ميس اعطتهم فطورهم وقعمزت: جيت مطلعت غادي الا بطلوع الروح جت وراي وحدة دبهه قريب مزرطتني ع الحيط
ردينهه والضحكة اللي تفضح وكملت عليها رغد
ايات²:اسكتو فضحتوناا
ميس: اعععععهههعععههههه ( طبعا هادي ضحكة صاحبتي ميس بسلامتها 🙂)
رحمهه: كرهتها المدرسهه الصراحهه شن هدا
ردينهه: اكيدة م لما قلمتي ظوافرك اععع
ايات: ناكلل راهه ناكلل
ايات²: قداش تبي باش تكملي ه النص
رغد: ياريت حتى هلبا طشة وقعدة فيها ساعة
ايات: انتم تاكلو بسرعهه
ميس: الله، قريب يدخلوني
ردينهه: لاااععع اسكتيي
رغد: اصلا عادي نص الابلات مجوش والجدول قاعد يتغير
رحمهه: طبيعي هادي ف كل بداية
ايات²: ياريته كلنا ف فصل واحد زي قبل
رحمهه: اي والله خسارهه
ميس: ايات زبطت معاها ردينهه وسكرت عيونها
ايات: اهم شي طبعاا
رغد: واحني خيرنا ي خاينهه
ردينهه: تدكري رغد لما مشت معانا المحل ومسدوش لفلوس
رغد: بيوع اهيا، قلنا تعالو نردو م البضاعه مع بعض دارت روحها متعرفناش
ايات: لااعععههه بس موقف تافه
ايات²: مصح وجهكك
ميس: وين اني هداكا الوقت
رحمهه: وقتها انتي درتي مع فصلك وخليتينا واحسن شي جت احلا منكم🙂
ورن الجرس ناضو الكل يتأففو....
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Roman d'amourرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
