للكاتبة الملكهه🖤🪶 (آيات البشتي)
عند مروى...
حطت لبنات ف الجامعة واتجهت لمكتب العقارات اللي سجلت فيه حوشها للبيع ووقعت عقد البيع هيا والزبون وطلعت اتصلت بالبنات وقالولها مزال اتجهت للحوش لقت ليلى ف الفيرندا مدايرة قهوة دخلت غيرت وطلعت قعمزت معاها
ليلى: ها شن صار
مروى: تمينا البيع الحمدلله اعطاني شيك غدوة بنرفعه للمصرف يحولي المبلغ ف الحساب
ليلى: باهي كويس، البنات مزال؟
مروى: اي كلمتهم قالولي مزال قلت نروح وبعدين نوليلهم، حقا فكرت ندور خدمة
ليلى: وعلاش بدوري خدمة
مروى: كسدت الحق
ليلى: كان حتى ناقصنا فلوس نقولو
مروى: اي لاكن قلت نلهى فيها ع الاقل
ليلى: اهاا زي شن الخدمة باهه
مروى: مشعارفة تو نشوف اي شي
ليلى: يخدم معاي واحد فاتح دورات تمريض وشهادة معتمدة وبعد تتخرجي يديرلك عقد مع المستشفى
مروى: لاله فكيني م الدم والامور هادي نبي خدمة بسيطة بوتيك عبايات او اي شي هك
ليلى: اها حتى هادي فكرة... شوي الباب يطق
مروى: من زعماا؟
ليلى: مشعارفة
مروى: خلي نشوف من... طلعت فتحت الباب لقتها جارتهم الجديدة
فايزة دخلت سلمت عليهم وقعمزت: جاية ع السريع لان وقت ع الغدي
مروى: خلي نجيبلك قهوة ع الاقل
فايزة: والله ما في داعي جتية ع موضوع سريع
مروى& ليلى: ان شاءلله خير
فايزة: ولدي الكبير توا ليه كم يوم مش باين واني معنديش غيره صح هوا يشرب لاكن منقدرش نقعد منغير حد ف الحوش هوا اللي كان يقعد معانا
ليلى: ان شاءلله ما عليه شر ويرجعلك يارب
فايزة: تسلمي في يوم جوني شباب لان ولدي يومها مروح سكران قالولي انهم يقعدو يسهرو قدام حوشك م بعد الوفاة وهك ورفعو ولدي والخق ردوه اليوم التاني واني نبيهم بالك يدورولي عليه وهك ع الاقل نعرف وين وهك
ليلى: اي حق كانو يسهرو اهني ومنهم يخدمو ف كتيبة هما
فايزة: بالله لو تكلميهملي ولا قليلي وين نلقاهم وعادي نكلمهم حتى اني
ليلى: انتي تعرفي اني قعدة ف العدة ف اهي اختي مروى تكلمهم عادي مفيش مشكلة وان شاءلله تسمعي عليه الاخبار الطيبة
فايزة: ان شاءلله يارب صحيتي بارك الله في، خليني نمشي خليت البنات بروحهم
مروى: خلي نشربو حتى قهوة مع بعض
فايزة: والله وقت غدي وهك مرة تانية ان شاءلله
مروى: ان شاءلله ولو تبي حاجة ولا ناقصاتك حاجة تبي تجيبيها عادي تفضلي
فايزة: صحيتي بارك الله فيك... طلعت فايزة ومشت لحوشها
مروى تنهدت: ربي يلطف بحالها ويرجعلها ولدها يارب
ليلى: ان شاءلله... خدت الصفرة ومشت اطيب ف الغدي
عند البنات...
معاذ كملو المناقشة هوا وصحابه وقعدو يباركولهم سلمو عليه امه وبوه وخواته وايات وهدى ومنذر وجو اولاد عمامه وولاد خواله وصحابه يباركوله
اريج باركت لمعاذ واتجهت للبنات: ردينهه
ردينهه: ارييج، شنجوو
اريج: تمام شنجوك انتي
ردينهه: تمام
اريج: مبروك ع خوك
ردينهه: يبارك فيك
اريج وسلمت ع الاء: شنجو الاء
الاء: الحمدلله بخير
ردينهه تلفتت لايات وهدى: نعرفكم اريج هادي بنت خالتي
ايات: اهلين تشرفنا
هدى: هايي تشرفنا
ردينهه: ايات صاحبتي تعرفيها وهدى بنت خالها برضو صاحبتنا
اريج: تشرفت بمعرفتكم
هدى&ايات: تسلمي
اريج غمزت ردينهه: شن امورك شمدايرهه
ردينهه: تمام
اريج خدو ردينهه ع جنب: تعالي هك شوي نحكوو
ردينهه: ان شاءلله خير
اريج: تتذكري مرت عمي اللي لقيتوها عندنا
ردينهه عرفتها ع شن بتحكي وابتسمت: اييه تذكرتها
اريج: اتصلت بينا تسال عليك
ردينهه بإستغباء: ع شن تسال
اريج: تستعبطي
ردينهه قعدت تضحك: انتي شن تبي تعرفي بالزبط
اريج: من امتى
ردينهه: صدفة اني منعرف شي اصلا
اريج: تي بنت خالتك احكيلي
ردينهه: شفتي ايات صاحبتي هادي
اريج: اي خيرها
ردينهه: خطيبها ومحمد صحاب، يعني هوا شايفني من قبل ف حالة الوفاة تبع بوها
اريج: اهااا يعني مكنتوش تحكو
ردينهه: لا ابدا ومن يومين قال لمعاذ بيجي بيعطي كلمة ومدري ايش قلت نفكر بعدين نرد
اريج: يعيني نقلك من توا ولد عمي هدا مفيش زيه احترام واخلاق الله يبارك وديما ف حاله
ردينهه: واني شن بندريله يعني
اريج: تي نحكيلك انه كويس يعني وهك
ردينهه: باهيي
اريج: تعالي نمشو للبنات... قعدو يهدرزو مع بعض
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
