للكاتبهه الملكهه.. 🖤🪶 (آيات البشتي)
عند الشباب...
مهند كمل م التحقيق طلع اتجه لمكتبه واتصل بمحمد: ايواا
محمد: هاا وين
مهند: كيف تميت م التحقيق قلت نشوفك
محمد: نتلاقو في العزي تو نحكيلك
مهند: تمام... سكر م محمد واتصل ع مازن مردش اتصل بمراد
مراد: ايواا
مهند: اهاا وينن
مراد: كيف مروحين، انت وين
مهند: حتى اني طلعت، شن صار معاكم
مراد: الراجل مختفي وتوا نزيد نحكيلك ع الباقي
مهند: تم نتلاقوو... سكر منهم و اتجه ع العزي
عند البنات...
هدى: تحدي ولا صراحة
ميس: صراحة
هدى: اخر مرة كدبتي فيها ع صاحباتك امتى
ميس: اهاا
رحمة: شن اهاا جاوبي
ميس: الاسبوع الفات
رغد: شن هيا الكدبة
ميس: هوا سؤال واحد خلاص
هدى: اوك هيي عاودوو
ريان: فوتونا منها اللعبة خلاص
الاء: باه شن نديروو
ريان: نهدرزو وخلاص
ايات²: برو طلعو حاجة للناس باهه
الاء: باه نوضيي هي
جنة: خلي نجي معاكم
رحمة: كسااد، اياتت تسمعي فينا
هدى: قالولك معادش تتكلم مش طرشت
رحمة: نجربو مرات ترد علينا او شي
ايات قعدت تشوف لرحمة وهدى وكان في شي مخليها متتكلم
هدى: خلي نفتح نت نشوف البنات شن واخدين عليا ف المدرسة
جنات: مش قلتي معنديش صاحبات وكلهم باردات
هدى: ف الاول خديت ايميلاتهم لما تعرفنا ع اساس بنديرو قروب قراية بعدين قعد ضحك ودوة فاضية جنات: اممم، كلميهم وخودي منهم شن فات عليك
هدى: اي تو نكلمهم، زعما غدوة نمشي للمدرسة
رغد شادة هاتفها وفاتحة نت: غدوة تالت يوم اقعدي بري اليوم الرابع وخلاص
ميس: ايي رغد عندها حق اقعدي وخلاص
رحمة: ف سؤال حيرني منقصد بيه شي بس جي ف بالي
ردينهه شادة هاتفها: شن هوا، قولي
رحمة: توا من بيقعد معاهم ولا زعما يتحولو مع خالتهم
هدى: مشعارفة لاكن اكيد يتحولو معانا
ريان: بعدين وين بتقرا وحتى لو قعدت تقرا هني بعيد المسافة ولااا
هدى: ايي بعيد وكان تحولو معانا اكيد بتقرا معايي
جنة ردت الصفرة الداخل ورجعت: ع شنو تحكو
جنات: ع وين بيقعدو بعد وفاة عمي صالح
الاء جت قعمزت بجنبهم: شن خطر عليكم السؤال
رحمة: مشعارف جاني فضول
ردينهه: ان شاء الله م يتحولو يا رب
ميس: ان شاء الله خير وخلاص
رغد: مستحيل بعد م قرينا مع بعض هدا الوقت كله مش ناقصين تحولت ريان وتوا ايات
ايات²: خلاص معاش تفاولو انتم
ردينهه: سكرو الموضوع
ايات وقفت ومشت لدارها
الاء: زعما اضايقت ولا عرفت شن نحكوو
ردينهه: مشعارفة بنمشي نشوفهاا... وقفت لحقتها
ايات مشت لمكتب بوها وقعدت ادور ع هاتفه
ردينهه دخلت وراها: ايات خيرك، ادوري ع شي
ايات شافت لردينهه وقعدت تاشرلها بمعنى هاتف بوها
ردينهه: تبي الهاتف تبع عمي صالح
ايات اشرتلها براسها بمعنى ايي
ردينهه: انتي امشي لدارك واني تو نشوفهولك وينن
ايات طلعت ومشت لدارها
ردينهه طلعت للخيمة ومشت لليلى: عمتي ليلى
ليلى مقعمزة ف الخيمة وبجنبها فاطمه: نعمم يا بنيتي
ردينهه قعمزت قدامها: تلفون عمي صالح عندك؟
حنين: وانتي شن تبي فيه
ردينهه: ايات تبيه مش اني
ليلى: اي عندي مشعارفة امس وين حطيته ومالي حيل ندور عليه
مروى: علاش ايات تكلمت
ردينهه: لا بس هيا اشرتلي
ليلى: شوفي ف وحدة م شناطي متعي
مروى: قولي لهدى ادور معاك ف دار خالتك ليلى
ردينهه: باهي حاضر... وقفت ومشت لهدى ف الفيرندا
ردينهه: هدى تعالي معاي لدار خالتي ليلى
هدى: علاش شن فيي
ردينهه: بندورو تلفون عمي صالح
هدى: شن تبو فيه
ردينهه: نوضي هيا وياسرك م الاسئلة
هدى وقفت ومشت معاها: باهي هي تعاليي
مشت هيا وردينهه وقعدو يدورو لعند لقوه ف شنطة ليلى
هدى: توا قوليلي شن تبيه
ردينهه: ايات لما لحقتها لقيتها ادور فيه وقعدت تاشرلي انها ادور فيه قتلها تو نجيبهولك
هدى مدتهولها: اوك شدي اعطيهولها اني بنمشي نطلع امية للناس
ردينهه خداته منها: اوك هاتيي... خداته وطلعت مشت لايات
ردينهه دخلت ولقتها شادة هاتفها: لقيتهولك
ايات وقفت وخداته منها
ردينهه: تقدري تتكلمي معاي
ايات قعمزت وقعدت تشوف ف الهاتف
ردينهه: ايات ركزي معاي شوي وقوليلي ع الاقل مرات نقدر ندير معاك شي
ايات تنهدت وحطت الهاتف وقفت لردينهه وطلعته وسكرت الباب
ردينهه: ايات افتحيي ع الاقل قوليلي شن اديري... ردينهه حاولت وايات مفتحتلهاش رجعت قعمزت بجنب لبنات
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
