للكاتبة الملكهه🖤🪶 (آيات البشتي)
عند ردينهه...
صلت العصر وبدت توتي ف روحها هيا والاء
ردينهه لبست( قفطان اسود منغير كمام وتحته سورية بيضاء سبيدرو ابيض ووشاح اسود وشنطة باللون الاسود واكسسوارت )
الاء لبست( نفس لبست ردينهه باللون الازرق )
طلعو ركبو السيارة واتجهو لحوش المحروم
عند ايات...
ايات: نوضي نصلو العصر تو قريب ردينهه تجي
هدى: خشي توضي نلم الكتابات ونساوي الدار نلقاك طلعتي
ايات توضت وطلعت تصلي، هدى دخلت بعدها وطلعت تصلي...
هدى دخلت الكوجينة توتي ف كيكة
ايات: شن نديرو لما يجو مهند وعيلته
هدى: قهوة وحلو شن بنديرو يعني
ايات: مش هدا قصدي خيرك
هدى: امالا شن قصدك
ايات: مشعارفة يعني نلبس عادي ولااا
هدى: تو تجي ردينهه ونقولولك شن تلبسي وشن اديري
ايات: باهيي... سمعت صوتهم ف الباب
هدى: اوينه شكلهم جوو
ايات: خلي نمشي نسلم عليهم
هدى: نحط الكيكة ف الكوشة ونجيك
ايات: باهيي... مشت سلمت عليهم وقعمزت هيا وردينة والاء ف الفيرندا
الاء: وين هدى؟؟
ايات: ف الكوجينة خليتها تحط الكيكة ف الكوشة
الاء: اهاا معناها تسلم ع ماما وتجي
ردينهه: شن فيي جديد
هدى سلمت ع حنين وطلعت للبنات: هاايي
الاء: هااي شنجوو... سلمو ع بعض وقعمزو يهدرزو
ردينهه: شنصار قلتيلي اليوم بتقولي لامك قلتيلها؟
ايات: اي الصبح قلتلها
الاء: وافقتي؟
ايات: ايي
ردينهه: الحمدلله هادي وحدة وافتكيت منها العقبة للباقي
ايات: مصح وجكك
الاء: متخافيش حتى هيا لاحقاتك
ردينهه: خطبتيني واني مندريش ولا شنوو
ايات: قولي الاء شنو فيي
الاء: لحد الان مافي شي نظرات حب وبس هذا اللي شفتهه
ردينهه: ياسرك وخيتي م الوهم
ايات: نظراات لمنن، ومتقوليليش انتي التانية
ردينهه: تي مصار شي اصلا
الاء: عرفتي محمد صاحب مهند هوا هداكا
ايات: كدبهه
الاء: اني قتلك وانتي شوفي روحك
ردينهه: وعلاش ان شاءلله بتشوف روحها، وانتي ما قتلك تلاقينا غادي بس يعني
ايات: انتم اي تلاقيتو ورفعكم لاكن محكيتيليش ع النظرات
الاء: والابتسامات برضو
ايات: لا هكي هلبا، خلاص غير ننخطب اني رسمي تو نخطبك لسلفي
ردينهه: لا حول ولاقوة الابالله وخلاص قتلكم م في شي خيركم هكي
هدى: وكان في يعني الحب مش عيب يقلبي
ردينهه: فوتو الموضوع خيرلكم، احكيلي شنصار بعدين كلمتوهم
هدى: اي الصبح خالتي كلمتهم قالتلهم موافقين
ردينهه: باهي كويس
الاء: من توا اني كل م بنلقاك فاتحة نت بنقول تهدرز ع مهند
هدى: امالا شن تبيها ادير
ايات: مدام خطيبي اكيد بنكلمهه ولا تبيني نخليه عرضض🙂
ردينهه: بدينا ف الجو
هدى: ردي بالك تتغيري زي هذوك المخطوبات جو خطيبي جاب خطيبي رفع
ايات: لا متخافيش حبوبهه
ردينهه: زعما يجيب هوا🙂
الاء: ف اعياد الميلاد والجو امالا شن
ردينهه: اي حق عيد ميلادك غدوهه😀
ايات: وشن يعني
ردينهه تلفتت لهدى: احمم
هدى: شنوو
ايات: اسمعو انتو الزوز والله تقولوله معاد نكلمكم
هدى نزلت راسها وتشبح لايديها: فات الاوان
ردينهه: منورههه😂🤝
ايات ناضت م الكرسي: كلبههه من قلك قوليله ليشش
الاء: الله ع الشحاتهه🙂
هدى: عادي حبيي هدا خطيبها
ايات: مبردكك، بجدك انتيي
هدى: هدي ي بيبي هديي معلشش🙂🤝
ايات قعمزت: منبصرش ع فكرة
هدى: ضمي فمك، بعد يجيبلك هدية اقعدي ادعيلي
ايات: ندعيلك ع قهرتكك امالاا
الاء: خوديها مني ايات حيفكرك جعانة وعمره م حد هداك هدية
ردينهه تلفتت لالاء: بنت منو انتيي🙂
ايات: اففف منكم، شرايك تكلميهه وتقوليله كنت نكدب عليك
هدى: لا حبيبة نتحشمم، تبيه يقول بنت خالتها شادتها فجرتيي
ايات: ومتحشمتيش لما كلمتيه زي الشحاتهه
هدى: باهي خلاص عاد اللي فات ماتت
ايات: تففِ
ردينهه: احمم زعما شن بيجيبلك🌚
ايات: اكيد مش حناخدهاا
ردينهه: بالله شنن
الاء: ردينهه😐
ردينهه: اوك يعني تردها وكان اصر عليها تاخدها
ايات: الصبرر... قعدو يهدرزو وطلعت هدى الكيكة وشربو معاها قهوة
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romantikرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
