للكاتبهه الملكهه.. 🖤🪶 (آيات البشتي)
عند مهند...
مهند دخل للمربوعة هوا و الشباب وقعدو يهدرزو شوي اتصل باحمد
مهند: ايواا
احمد: اهاا نعم
مهند: وينن
احمد: ف المكتب شوي ومروح
مهند: اوك اسمع انت توا المسؤول غادي
احمد: خير شن في
مهند: صاير معانا موضوع ونبيك تهتم بيه
احمد: ان شاء الله خير
مهند: نبيك تفتح محضر عند النائب العام ضد ايوب(التاجر) اللي قتله عليه يومها ع الجريمة اللي صارت وتعطيه كل م تعرف ع الجريمة واسماء الاشخاص
احمد: تمام، يعني التاجر والاشخاص لازم نشدوهم
مهند: نبيك تضمن انهم ف الحبس غيره معاد نبي شي
احمد: تمام لاكن ايوب هدا عنده هلبا اعوان برا
مهند: عارف بس توا خلي نشدوه بعدين تو نقصوله جوانحه واحد ورا التاني
احمد: تمام خلال اسبوع نقلك شن يصير
مهند: اني توا لا كلمتك ولا كلمتني
احمد: تم... سكر منه
محمد: باه توا شن بنديرو مع البنات، لو يعرف مكانا حيبعت مجموعة تصفينا وتم
مهند: متخافش مش حيعرفو المكان
محمد تلفتت لمسلم: زعماا؟
مسلم: متخافش ميعرف حد المكان
محمد: تمام، الموضوع هدا لازم يتم بسرعة
مسلم: انتم ضامنين ان البنات هاذو مش حيهربو مثلا
محمد: صح هما م يبو يقعدو اهني لاكن حتى لو طلعو وين حيمشو
مهند: برا شوفهم محمد
محمد: تمام رغم اني عارف انهم م حيطلعو
مهند: ع الاحتياط هادو مراهقات ويديرو اي شي
عند البنات...
ايات وردينة اول شي رقو للدور التاني كان فيه جناحين دخلو ع الجناح الاول كان فيه زوز غرف واسعات وفارغات وزوز حمامات
طلعو ومشو للجناح التانية كانت فيه غرفة نوم كبيرة وفيها مكان صالون وشاشة وبلكون وجيهة فيها مكتب يفصل ع الغرفة وحمام لونها ابيض وفيها نقش ذهبي بسيط
ردينة: محلاها الغرفة
ايات: ايه اكيد الحوش كان لشخص متزوج
محمد دخل وملقاهمش تحت رقي للدور التاني ولقاهم يحكو ع الغرفة
محمد قرب بجنبهم: لا مكانش متزوج
ردينهه تلفتت لقاته محمد: مطلق معناها
محمد ضحك ع جنب: هه، لا بس كان حيتزوج بعدها مصارش
ايات: هدا حوش من
محمد: مهند، كان يحب شي اسمه عائلة وحب
وصغار
ايات: بعدين
محمد تنهد: هوا مر بفترة صاعبة ودخل لمشاكل وكره شي اسمه بنات وحب وعائلة
ملقاش بنت الحلال اللي يستاهلها
ايات: كان ع علاقة او خاطب شي زي هك؟
محمد: كان يبي بنت بس هيا مشت وخلاته
مع واحد تاني وتزوجت، تخيلي 3 سنين نهايتها مفيش بينا نصيب، م هداك الوقت م عاد عنده ثقة ف البنات ولا حاول يدير علاقة كمل ع هدا بدي يتعاطى فترة قصيرة بعدها لما سمع العقيد دخله يتعالج
ايات: بس مش كل البنات هك
محمد: عارف هوا محتاج لبنت لحلال تنسيه الماضي
ردينهه: ان شاء الله يلقى بنت الحلال، هيا ايات ننزلو
محمد: ان شاء الله، كان تبو شي احني موجودين ف المربوعة وتحت ف غرفة وحمام تقدرو تستعملوهم
ردينهه: تمام، تقدر تمشي
ايات: هياا... نزلو للكوجينة ومحمد طلع
ردينهه: شن نديرو؟
ايات: سندوتشات وخلاص
ردينهه: اوك ونمشو للصالة نشوفو التلفزيون كان يخدم نتفرجو عليه
ايات: تمام والشباب؟
ردينهه: احني شن دخلنا بيهم
ايات: ميجيش احني ناكلو وهما لا
ردينهه: تمام نديرولهم معانا وخلاص... دارو سندوتشات وخدو عصير رفعت ايات للشباب
ايات لقت المربوعة مفتوحة وقفت ف الباب: جيت بنعطيكم تاكلو، درنا ساندوتشات قلت نعطيكم معانا
مهند قف خدي منها: شكرا،خليك شوي البرا نبيك
ايات مدتله السفرة: تمام
مهند طلع ورجع الباب وراه: اكيد الجو بارد وفالليل اكتر والحوش كبير
ايات: اي الجو بارد هلبا لاكن عادي
مهند: حنكلم جنات تجهزلكم لبس انتي واللي معاك تبي شي تاني؟
ايات: لا بس هاتفي وهاتف بابا وخيط الشاحن
مهند: علاش؟
ايات: نبيهم وبس
مهند: هاتفك وخيط الشاحن لا اكتر
ايات: تمام، شكرا... ورجعت لردينهه لقتها تتفرج ع التلفزيون قعمزت جنبها
ايات: بنسالك
ردينهه تقلب ف القناوات: اسالي
ايات: هاتفك رافعاته معاك للمدرسة؟
ردينهه: ايي 😂
ايات: مصح وجك وعلاش رافعاته
ردينهه: كساد قلت نصورو ف المرواح، بعدين كان م رفعته را م روحت معاك توا
ايات: مصلحجيهه، كويس انك رفعتيه
ردينهه: يسس
ايات: اعطيني نكلم هدى
ردينهه: كان فيه رصيد را بكري كلمت حتى اني الاء
ايات: خسارة
ردينهه: علاش تبي شي
ايات: مهند ممكن بيبعت حد بيجيبلنا لبس قلت نقللها تحطلي حاجات
ردينهه: اهاا باهي قوليله يعطيك تكلمي هدى
ايات: مرات م يعطيني
ردينهه: انتي بري وكان قلك لا قوليلي
ايات: تمام...طلعت للمربوعة
ايات: ممكن شوي نبيك
مهند طلعلها: نعم
ايات: نبي نكلم بنت خالتي
مهند: علاش
ايات: نبي نوصيها ع حاجات ليا
مهند طلع هاتفه واعطاه لها: متطوليش
ايات خدت منه وباعدت شوي واتصل ع هدى
هدى: الوو م معاي
ايات: اني ايات
هدى: ايواا وينكم
ايات: اسمعي بنوصيك ابعتيلي هاتفي وخيط الشاحن وهاتف بابا حاولي كيف تخبيه المهم ابعتيه
هدى: تمام بس علاش، حق وين انتم
ايات: مشعارفة انتي ابعتي هاتفي وبعدها نكلمك
هدى: تمام ... سكرت منها ورجعتله الهاتف
رجعت بجنب ردينهه وقعدو يهدرزو شوي وبعدها غسلو الماعين تبعهم وتبع الشباب
مهند بعد دخلت ايات اتصل ب جنات
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
