𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «10»

للكاتبهه الملكهه.. 🖤🪶 (آيات البشتي)
ريان: احكولي شن صار لعمي صالح باه
ردينهه: مش وقته الموضوع هدا
ميس: اي حق مقلتولناش كيف توفى
ردينهه: لان مش وقته ي بنات بعديين
ريان: باهيي شنجوكم استحشتكم يبنات
ايات²: حتى احني استحشناك
ريان: تعرفو طول لوقت ايات بس تهدرز معاي وتكلم فيا
رغد: ماهو معندناش رقمك وهكك
ريان: مش عذر يبنات طلبتوه م ايات
ميس: الله غالب شن بنديرو هيي
ريان: قداش استاحشتها برو فيقوهاا
ردينهه: تو تفيق بروحهاا، اصلا هيا ف فترة صعبة توا
ريان: خيرهاا شن فيي تاني
ميس: جايتها صدمة مسكين حتى الكلام معش تتكلم ومش مستوعبة شيي بعد سمعت ببوها توفى
ريان: مستحيل اياتت مش لهدرجهه
رحمهه: بوها هداا راهه والله كان اني لما نختش بعيد الشر عليه يا ربي
ريان: عارفة بوها بس مش لدرجة لعند تسكت
ردينهه: ريان خيرك انت جايتها صدمة صدمهه
ريان: مقصدي شي خيركم ولعتو فياا بس استغربت
هدى: وعلاش بتستغربي لو انتي ف مكانها تقبلي صاحبتك تقول عليك هك
ريان: لا مش هكي خيركم منقصد شي وربي
ردينهه: معناها ياسرك م الدوة الفاضية منبي نتعاركو وربيي
ايات²: باه خلاص سكرو ع الموضوع ريان متقصد شي هيا مفهمتش القصة بس
ريان لمعو دموعها: اي هوا هدا بسس
هدى ناضت: نوضو نوزعو شي حاجة بنات
رحمة لحقتها: اني تو نجي معاك
رغد: نوضي ميس بالك تتعودي توزعي شن فيها يعني
ايات²: خايفة ياكلوهاا
ميس: فكيني نقعد نستانهم ووحدة تقلك هادا شاهي اخضر ولا احمر والتانية خبزة ولا فطيرة والسريب عادد
رغد وقفت.وجت بتلحقهم: مافيك ثمرة تو نمشي اني
ريان وقفت بدلها: تو نمشي اني خليك نتعود معاكم
رغد: باهيي براحتك تلقيهم ف الصالة
ريان: تمام... لحقتهم وقعدو يديرو مع بعض، وطلعو يوزعو ورجعو قعمزو مع بعض
جنات: هايي، عرفينا عليك انت امس مش معانا
ريان: اسمي ريان صاحبة ايات والباقي
جنات: اهاا بالجودة
جنة: خيره كل مرة طالعة وحده صاحبة ايات
ريان: نسو مقالوليش ماه منقراش معاهم
جنة: عاديي اصلا اول يوم ديما الزحمة تنسيك كل شي وانتي مريتي شي كيف كانت الحالة شي يبكي
ريان: لا حول ولا قوة الابالله
الاء: كنتي تقري معاهم ف الاعدادي وبعدين مشيتي حاسوب ولا
ريان: ايي خسارة
الاء: اي عرفتك تحكيلي عليك ردينهه
ريان: باهي كويس، عرفوني عليكم انت، مش بنات عمها صح لان معندهاش
جنة: اني واختي بونا وبو ايات اللي هوا عمي صالح الله يرحمه صحاب
الكل: الله يرحمهه
ريان: ااهاا بالجودة بيكم
جنات&جنة: وبيك اكتر

عند الشباب...
بعد م تغدو كلهم طلعو قعد معاذ بس
مهند ركب سيارته ومشي للمركز دخل لمكتبه واتصل بمحمد: ايواا تعال للمركز
محمد فطريقه للحوش: تمام نمشي للحوش ونجيك
مهند تمم... اتصل بمازن
مازن: بالهسرعة استاحشتني
مهند: عدل لسانك خيرلك، وتعال نبيك ف المركز وكلم معاك مراد
مازن: باهيي شوي ونجيك... اتصل بمراد ودوش وبدل ومشي للمركز
مراد بعد م اتصل بيه مازن بدل واتجه للمركز
مهند اتجه لمكتب احمد: شنصار ل الكميرات لقيت ولا لا
احمد: لا مفيش ولا كاميرة
مهند: ولاد الكلبب، شنصار ف الجماعة اللي دزيتهن يحققو
احمد: جبنا كل م كان ف حاضر واستجوبناهم صرفناهم وخلينا تلاتة
مهند: ايي كملل
احمد: واحد قال شافهم من وواحد ركز ع نوع السيارة وواحد ع اللوحة متع السيارة
مهند: وينهم توا
احمد: ف حجر التحقيق قلنا مرات يرشوهم بفلوس ولا شي
مهند: احسن مدرت باه ورقم اللوحة عندك؟
احمد: ايي، قاعد ندور باسم من مسجلة السيارة
مهند: باهيي كويس ياريت تستعجل... وجي بيطلع
احمد خدي ملف ومدهوله: شد معاك ملف التجار المعروفين واللي يخدمو معاهم مرات في حد منهم ف المشكلة
مهند خدي منه الملف: كانك اليوم بديت تخدم بضمير
احمد: والله قداش لينا ع عمليات كيف هاذم
مهند: باهي كويس خليك ديما هكك... ومشي لغرفة التحقيق مشي لاول واحد اللي شايف منهم
مهند دخل وف يده الملف: االسلام عليكم
...: وعليكم السلام( كان شاب ف 2000 هك)
مهند: انت اللي قلت شفتهم؟
...: اي اني شفتهم
مهند: اوك نوريك صور واللي تشك فيه او تعرف قلي عليه
...:تمام لاكن علاش خليتوني
مهند: منبوش ناجلو علينا هلبا محاظر
...: تمام
مهند فتح الملف م بدايته وحطهوله: شوف كويس وياريت متكدبش
...: تمام... وقعد يشوف فيهم بالصورة شوي ودخل مازن
مازن: السلام عليكم
مهند&...: وعليكم السلام
مهند: وصل مراد
مازن: مزال شكله وصلت لقيته مجاش
مهند: اوك يجي هوا ومحمد ناديني
مازن: تم تبي شي توا
مهند: بعديين
مازن: تمام... طلع وخلاهم