للكاتبة الملكهه 🖤🪶 (آيات البشتي)
عند محمد...
نزل مسلم ومهند واتجه للكتيبة...
محمد دخل لمكتبه وقعمز يفكرر: لامتى ي محمدد، لامتى ع هالحالل... قعد يتأفأف غمض عيونه ونزل راسهه... شوي وجت صورة ردينهه قدامه، رفع راسه وقعد يفكر فيهاا
محمد: والله م وقتك يأم العيون، لاكن والله ما ناسيك، بإذن الله ليا وبالحلال
محمد قعد يضحك ع حالهه: اوففف وقعد يضحك
مازن دخل عليه طول: شن اديرر
محمد يبتسمم: معندي م ندير امتى جيت انت
مازن: غير لحظة لحظة، تضحك وتتبسمم، من اللي داهبتلك شيرتك
محمد يغير ف الموضوع: قولي شن درتو غادي
مازن تقدم وقعمز قدامه: متغيرش الموضوع، واضح عليها بنت، من تعيسة الحظالي بتحصل فواحد زيك
محمد: علاش مش عاجبك انيي
مازن: هوا انت مافيك شي لاكن مشعارف هكي تحسك واحد معقد تقيل مافيكش جوو
محمد: الرزانة باهية
مازن: فكك م الكلام العبيط هدا وانت زيك ز مهند تقول عجنة وحدة، شوف جاي ي ولدي بنات توا ميحبوش الراجل المعقد التقيل البارد
محمد يشبحله بإستهزاء: بالله شن امالا شن يحبو
مازن: يحبو هك الراجل اللي زيني اني فيا جو نضحك ونبصر نسهل ف الامور ديما ريلاكس متع زرادي طلعات راقي متأنق نلبس كويس جوي فرري
محمد: بالله نوض لخدمتك نوض م غير جو زايد، الشكالات اللي زيك هادم عمرهم م يتقدمو م الباب تلقاه شادهالي مع عشرة عنده هادي ويشبح لهديكا، لا مستقبل لا هم
مازن: علاش انت عندك مستقبل، تاني شي اني م شادها لا مع عشرة ولا مع حد احترم نفسك، ع الاقل اني محترم
محمد: من النادرر
مازن: عادي المهمم جوي مليح
محمد: مراد مجاش؟
مازن: لاا، وانت خيرك جاي حقاا
محمد: كساد نفكر ندور خدمة
مازن: خدمة زي شنوو
محمد: اي حاجة فيها مدخول كويس
مازن: خودلك كورسات تعلم حجات وافتح بيهم مشروع ولا اخدم ف مكان بالشهادات هذين
محمد: كيف يعني؟
مازن: في كورسات خاصين باللي يبو يخدمو قهاوي ف كورسات لغات ومنها تاخد شهادة معتمدة تخدم بيها ف كورسات ورشات كورسات تمريض اسعاف وهكك في هلبا حجات
محمد: م وين تعرف الحجات هذين انت
مازن: ف هلبا ناس ينزلو ع النت
محمد: وانت هدا علاش مستفاد وفاتح مشروع هك كبرهه 🙂
مازن: اني قاعد ندور ف حاجة باهية تاني شي اني قاعد نبي نعيش حياتي
محمد: و على حساب من بتعيشها
مازن: شندخلك بيا اني، انت شن تبي؟
محمد: دورلي كورس ولا شنهوا هدا ولا خدمة وقوليي
مازن: باه شن بدير بيه
محمد: نفكر نجمع مرة مرة وناخد بيهم شقة، كان سخر ربي
مازن: ربي يوفقك رفيقي، لاكن ننصحك متجمعش برا ادخل ف جمعيات بعد تحصل خدمة وشوف كيف حيجيك مبلغ كامل مكمل
محمد: اي حتى هادي فكرة، انت خيرك م تنصح فينا م قبل؟
مازن: مفتحتليش موضوع زي هدا انت
محمد: باهي كويس
مازن شاف لساعته: قاعد اهني؟
محمد: بنطلع الساعة كم توا
مازن: ربع ساعة ويأذن المغرب
محمد وقف خدي هاتفه ومفتاحه: بتطلع انت
مازن وقف معاه: اي بنطلع... طلعو ورا بعض محمد اتجه للحوش ومازن اتصل بمهند يشوف فيه وين
مازن: وين
مهند: كيف طالع بنمشي لحوش المرحوم
مازن: خاسف نقلك بنجي معاك لاكن نحس كترنا عليهم
مهند: اني مش بايت غادي
مازن: تمام معناها جاي معاك
مهند: تم نتلاقو
أنت تقرأ
𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋
Romanceرواية من وحي الخيااال) وطبعا فيها شوي من الواقع تحكي ع بنت مرت بحالة نفسية لفتره وابتعدت هلبا ع صاحباتها والاقارب والعيلهه ووصلت لمرحله الصمت ومفيش حد فاهمها ومن بعد قعدت شخصية تحكي عليها منطقة كاملهه.. ♡ اسم الروايه(𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋)...
