𝓱𝓲𝓼 𝓶𝓲𝓼𝓽𝓻𝓮𝓼𝓼..🖤🦋

الحلقهه «15»

للكاتبهه الملكهه.. 🖤🪶 (آيات البشتي)
يوم جديد ع ابطالنا...
عند البنات...
ميس فاقت مع ال7 توضت وصلت وبدلت لبست الزي وفوقه هودي اسود خدت شنطتها وفطورها ومشت للمدرسهه
ريان نفس الشي ولبست كاب رصاصي
رحمهه فاقت مع ال 9:30 توضت وصلت وفطرت وبدلت لبست توتة طلعة بيج واسعة وفوقها شال ووشاح اسود وخدت عبايتها وشنطتها وقالت لخوها يرفعها
ايات² فاقت مع ال9 توضت وصلت وبدلت لبست سروال اسود واسع وفوقه بلوزة صوف وردية هادية ووشاح اسود نزلت فطرت خدت ملايتها وشنطتها وطلعت رفعتها اختها
رغد فاقت مع ال9:30 توضت وصلت وبدلت لبست سروال جينز ابيض وبلوزة صوف سمائية ووشاح ابيض نزلت فطرت وطلعت وصلها بوها
ايات فاقت مع ال8 توضت وصلت قعدت تدعي شوي ناضت مشت قعدت توتي ف الفطور شوي لحقتها هدى
هدى دخلت عليها: صباح الخير
ايات: صباح النور
هدى: نبي نسالك متكدبيش عليا
ايات: حسب السؤال
هدى: مصحك لاكن بالله متكدبي عليا، ولو م تبي تقولي قولي منبيش
ايات: قوليي
هدى: يومها لقيتك البرا فاليل انت وخو جنات وجنة قال يبو غطاوات بس مدخلش لدماغي لان كراسي الطاولة كانو متحركات وفنفس الوقت انتي كيف عرفتي انهم يبو هوا اصلا حتى الباب ممكن مطق عليه
ايات: اي باه مش قال نبو غطاوات، وكانك ع الكراسي مرات حركهم الريح 🙂
هدى: ايات فكينا م الجوو، اصلا لما طلعتي اولامس قال خو الاء ان مهند هوا اللي لقاك خو جنات وجنة
ايات: سبحان الله صدفة
هدى: باهي ي ايات باهيي بنت خالتك الوحيدة ومتحكيليش
ايات: تو نحكيلك كل شي بس مش توا
هدى: ديما هك بتحكيلي بعدين تنسي
ايات: وعد تو نحكيلك فالليل
هدى: باهي، اعطيني ندير معاك... قعدو يوتو فطور مع بعض لعند بدو يستفو
ايات: خلي نمشي انوضهم ونقول لمنذر يكلم الشباب شكلهم قعدين مناضوش
هدى: باهي، لاكن منذر امس رقد مع الشباب راهه
ايات: تو نقول لوحدة م البنات تكلم خوهاا
هدى: لا عادي تو نمشي اني
ايات: معندك وين بتمشي هني روحك
هدى: حتى انتي متبيني نزوج
ايات: انتي جاية لعزي ولا فرح
هدى: هوا عزي لاكن مرات ربي يكتب فيه النصيب وف فرحي يغنولي سبب معرفتي نا وياه اعترت وقلي بسم الله
ايات: خيرلك هدى احترميني شوي
هدى: سامحيني والله نبصر، خلي نمشي نفيق الشباب
ايات: انتي اطلعي م اهني واني والله نمشي لخالتي نقولهاا ونزيد نعطيها عصا مكنسة تلحقق لغادي
هدى: باهي معاش نبي
ايات: كملي شوي ونجيك
هدى: باهيي... مشت ايات نوضت البنات وقالت لالاء تكلم معاذ مردش عليها وجنة كلمت مهند قاللها طالع مشت للنساوين لقتهم يهدرزو ف الصالة
ايات: صباح الخير، كيف حالكم اليوم
الكل: صباح النور، الحمدلله كيف حالك انتي
ايات: الحمدلله بخير، خالتي تمشي للشباب تفيقيهم؟
مروى: علاش وين منذر
ايات: منذر راقد معاهم، واتصلو بيهم مردوش
مروى: اكيد راقدين، خلوهم مرات ساهرين
ايات: باه وفطورهم؟
مروى: غطوه وخلاص لما يفيقو ارفعولهم
ايات: باهه... رجعت لهدى ولقتها تمت
هدى: من بيمدلهم
ايات: هني روحك، قالت امك خليهم يرقدو امتى يفيقو نعطوهم
هدى: باهي تعالي نطلعو فطورنا
ايات: اوك نفرش المفارش ونجيي نرفع معاك
هدى: اوك باهيي...مشت ايات فرشت ولقت البنات مقعمزين ف الصالة
ردينهه: نجي ندير معاكم شي
ايات: بنجيبو الصفر بس
جنة: تعالي ردينهه تو نجيبوهم اني وياك
الاء: خلي نجي معاكم حتى اني
ايات: خليك تو نمشي اني... مشو جابو الصفر وقعمزو يفطرو
ليلى: ايات قعمزي افطري
ايات: مخاطريش، بنمشي بندير دوش
مروى: خودي اي شي وبعدين بري
ايات: لاله والله م نبي
مروى: باهي براحتك... مشت ايات دخلت طلعت لبسها ودخلت دارت دوش وطلعت لبست تيشرت اسود كم خفيف وسروال توتة ابيض، استشورت شعرها وخلاته مفتوح وقعمزت بجنب المرش وقعدت تقرا فروايتها