MMtrans-26 :70'ခုနှစ် အမြှောက်စာအုပ် ၏မူရင်းဇာတ်လိုက် ပြန်လည်မွေးဖွားလာခြင်း။

Ch-19.1

Ch-19.1

"အခုပဲ လျိုရုံ က ညီမရဲ့အလှကုန်ဆေးညွှန်း ကို ခိုးသွားတယ် ခိုးသွားတယ်!"

လျိုရုံ က သူမ မမြင်ဘူးဟု ထင်နေခဲ့သည်။ ယခင်ဘဝတုန်းက သူမသည် မေးခွန်းဖြေရှင်းရာတွင် လုံးဝနှစ်မြှုပ်နေခဲ့ကြောင့် ပတ်ဝန်းကျင်အခြေအနေကို သတိမထားမိခဲ့ပေ။

သို့သော် အခု လျိုရုံ ၏ ခရီးစဉ်သည် အကြံဥာဏ်တောင်းခြင်းကဲ့သို့ မရိုးရှင်းကြောင်း သိရှိခဲ့သည်။ ပတ်ဝန်းကျင်အခြေအနေကို လုံးဝလျစ်လျူရှုပြီး မေးခွန်း ဖြေရှင်းခြင်းအပေါ် အာရုံစိုက်ရန် ဘယ်လိုလုပ်ဖြစ်နိုင်မှာတဲ့လဲ?

လျိုရုံ သည် ယုရုရှန်း၏ဆေးညွန်း ရသွားသည်ဟု ထင်နေသော်ငြား အဆိုပါဆေးစာသည် သူမအတွက်မူလတည်းက ပြင်ဆင်ထားသော ဆေးညွန်းဖြစ်ကြောင်း မသိပေ။

"ဘာ?" ဝေဟွမ် ၏ မျက်လုံးပြူးကျယ်သွားလေသည်။ "နင် သိတာတောင် မတားဘူးပေါ့? နင့်ပစ္စည်းတွေ ခိုးသွားတာလေ.. နင် အရူးလား?"

"အစ်မဟွမ် စိတ်မပူနဲ့ ညီမစကားကို နားထောင်!"

"ငါ ဘယ်လိုမှ အလျင်မလိုပဲ မနေနိုင်တော့ဘူး။ ငါတို့ ငွေနည်းနည်းပဲရှာရသေးတာ ဒီဆေးညွန်း ကို လျိုရုံ ခိုးသွားတယ်ဆိုတော့ ငါတို့ ပိုက်ဆံ ဘယ်လိုရှာကြမလဲ"

ဝေဟွမ် သည် အလျင်လိုခြင်းမရှိသော ဖန်ရူကိုကြည့်၍ သူ့ဒေါသပြေပျောက်သွားသည်။ "ဘာတွေဖြစ်နေတာလဲ ပြောစမ်းပါဉီး ... ငါ့ကို ထိတ်လန့်လွန်းပြီး သေစေချင်နေတာလား!"

"သူ ခိုးထားတဲ့ ဆေးညွန်း က အတုပဲ!" ဝေဟွမ် ၏စိုးရိမ်ပူပန်မှု ကိုကြည့်ရင်း ဟန်မဆောင်တော့ပဲ အမှန်အတိုင်းပြောလိုက်သည်။

ရွာမှာ သူမရဲ့မျက်နှာလိမ်းခရင်မ် တွေ ခေတ်စားလာကတည်းက လျိုရုံ ကို သတိထားနေခဲ့သည်။ လျိုရုံ သည် သူမ၏ မျှော်မှန်းချက်အတိုင်း အမှန်တကယ် ရှင်သန်ခဲ့ပြီး သူမ တံခါးဆီသို့ အမှန်တကယ် ရောက်လာခဲ့သည်။

"အတု? သူမ ဆေးညွန်းအတုကိုခိုးသွားတာပေါ့? သူလုပ်ထားတဲ့အရာက တစ်ယောက်ယောက်ကို ထိခိုက်စေရင် ဘယ်လိုလုပ်မလဲ။" ဝေဟွမ် သည် မျက်လုံးများကို မော့၍ ဖန်ရူကို ကြည့်လိုက်သည်။