MMtrans-26 :70'ခုနှစ် အမြှောက်စာအုပ် ၏မူရင်းဇာတ်လိုက် ပြန်လည်မွေးဖွားလာခြင်း။

Ch-20

Ch-20

မော့ရှင်း လျိုရုံ၏အကူအညီတောင်းသံကို မကြားသလိုပဲ ဖြတ်လျှောက်သွားသည်။

ဆန့်ကျင်ဘက်အနေနှင့် ဝမ်ဟောင် သည် လျိုရုံအနားဖြတ်သွားသောအခါတွင် အပြုံးကို ထိန်း၍ လျိုရုံအား ပြောလိုက်သည်။ "မိန်းကလေး နောက်တစ်ခါ မင်းက တစ်စုံတစ်ယောက်အပေါ် ပစ်လှဲချချင်ရင် မှန်ကန်တဲ့သူကို ရှာတာ ပိုကောင်းလိမ့်မယ်။ အစ်ကိုမော့ရှင်း က မင်းထိနိုင်တဲ့သူမဟုတ်ဘူး !"

စကားပြောအပြီးတွင် ဝမ်ဟောင် သည် လျိုရုံကို လျစ်လျူရှု၍ မော့ရှင်း ၏အနောက်သို့လိုက်လာသည်။

လျိုရုံ ဝမ်ဟောင် ရဲ့ အသံကို အဝေးကနေ ကြားနေရသည်။

"တကယ်ကို သတ္တိရှိတဲ့မိန်းကလေးပဲ .. ငါမကြိုက်တာ အဲလိုမိန်းကလေးမျိုးပဲ..."

လျိုရုံ ၏ မျက်နှာနီမြန်းသွားကာ နှလုံးသားက အလူးအလဲရှက်ရွံ့သွားပြီး ဒေါသတကြီး ဝမ်ဟောင် ထံပြေးပြီး အကြိမ်အနည်းငယ် ပါးရိုက်ချင်လာတော့သည်။

လိပ်တစ်ကောင်လို လယ်ကွင်းထဲမှာ လဲကျသွားခဲ့ပြီး ဘာပဲဖြစ်ဖြစ် နောက်ပြန်လှည့်လို့မရတော့ဘူ။းလယ်ကွင်းထဲမှာ ၂ နာရီပြည့်အောင်နေပြီးနောက်မှာ တစ်ယောက်ယောက် ဖြတ်လာစဉ် သူမကိုဆွဲခေါ်ပေးခဲ့သည်။

အိမ်ပြန်ရောက်သောအခါ သူမ၏မျက်နှာ ညိုမှိုင်းနေသည်။ မော့ရှင်း သည် ဤမျှရက်စက်ကြမ်းကြုတ်သူဖြစ်မည်ဟု မမျှော်လင့်ထားမိပါ။ မိန်းကလေးတစ်ဦး လယ်ကွင်းထဲသို့ ကျသွားသည်ကို သိတာတောင် လစ်လျုရူ၍ ချန်ထားခဲ့တယ်။

ဒီယောကျာ်း ... သူမ၏လက်ထဲမကျစေနဲ့ ! မဟုတ်ရင် ကြည့်ကောင်းအောင် လုပ်ပေးမိမှာ !

သို့သော် နာကြည်းမှုမှာ နာကြည်းမှုသာဖြစ်လို့ မော့ရှင်း ဘက်မှ လျစ်လျူရှုမှု ပိုများလေလေ လျိုရုံ သူ့ကို ရယူဖို့ ပို၍ဆုံးဖြတ်ချက်ခိုင်မာလေဖြစ်လာခဲ့တော့သည်။

စာအုပ်ထဲက ဆေးညွှန်းကို ကြည့်လိုက်သည်။ ဆေးအညွှန်းကို စောစောလုပ်တာ ပိုကောင်းမယ်ထင်တယ်။