နောက်ရက်တွင် ကျောင်း၌
လင်းမောင်နှင့်သူ စကားမပြောဖြစ်ပါ
ဒီတစ်ခါတော့ သျှားမင်းခန့် စိတ်ကို တင်းထားချင်မိသည်။
ဒီလောက်လေးအတွက်နဲ့ သူ့ကို
စကားကြမ်းကြမ်းတွေပြောဖို့လိုလို့လား
" ခန့် ..."
လင်းမောင်၏ခေါ်သံကြားသော်လည်း
တမင်လှည့်မကြည့်ဘဲ စိတ်ဝင်စားစရာမပါသော စာအုပ်ကိုသာ ပြူးပြဲ ကြည့်နေလိုက်သည်
" ခန့် လို့!! ....."
" ပြောစရာရှိတာပြော အော်မနေနဲ့
ငါနားမလေးဘူး...."
လင်းမောင်အံ့ဩသွားရသည်
တောင်းပန်ချင်လို့ အသံကိုတောင် နှိမ့်ပြောထားခါမှမအော်နဲ့တဲ့ အတော်ဆိုးတဲ့ကောင်လေး
" ဟိုလေ ....ငါတောင်းပန်ပါတယ် ..."
" ဘာအတွက်လဲ "
" ဟိုနေ့က ငါစိတ်ဆိုးလို့ မင်းကို ပြောလိုက်မိတာရော အော်မိတာရော အတွက် "
" မင်း မှားမှန်းတော့ မင်းသိသေးတယ်ပေါ့ "
" အွန်းးး ငါသိပါတယ်
ငါက ဝမ်းနည်းသွားလို့ပါ "
သျှားမင်းခန့် အပြင်ပိုင်းတွင်ရုပ်တည်ထားသော်လည်း စိတ်ထဲတွင်ကြိတ်ပျော်နေမိသည်
လင်းမောင်မချော့လျှင်လဲ သူကပဲ စချော့မည်ဟု အစထဲကတွေးထားခြင်းပင်
" ရပါတယ် ငါခွင့်လွှတ်တယ်
ဥဒယမင်းကြီးလိုပဲ ငါရဲ့စိတ်ထားလေးက
ဖြူစင်မြင့်မြတ်နေလို့ မင်းကံကောင်းသွားတယ် "
" ဟုတ်ကဲ့ပါဗျ
နောက်တစ်ခါ မဖြစ်စေရပါဘူး "
နှစ်ယောက်သား စနောက်ရင်း ဘာမှမဖြစ်ခဲ့ကြသလို ရယ်မောဖြစ်ကြသည်
အချစ်ဆိုတာ ဒါပဲထင်ပါရဲ့
စွန့်ခွာချင်ရင်တောင် ခွာလို့မရတာမျိုး
သူတို့နှစ်ဦးရယ်မောနေတာကို ခေါင် တစ်ယောက် စာသင်ခန်းအဝကနေ လှမ်းမြင်
ေနရသည်
သူမဝင်သေးပါ သူဝင်လိုက်လျှင်
သျှားအပြုံးလေးတွေပျောက်သွားမှာကို
သူသေချာသိပါသည်
" ပြုံးနေလိုက်တာများအချစ်ရယ်
ပါးချိုင့်သေးသေးလေးတွေကို ခွက်လို့ "
YOU ARE READING
ရင်တွင်း ဆူးလေး နှုတ်ပေးပါ. ( Please Remove A Thorn From My Heart)
Romance" ချစ်ခြင်းတရားတွေသာ စစ်မှန်ခဲ့လျှင် ခွဲခွာခြင်းဟူသည် ဘယ်တော့မှ မရှိနိုင်ပါ အမှန်တကယ် နီးစပ်ချင်လျှင် နည်းလမ်းမျိုးစုံရှိပါသည် မနီးစပ်ချင်၍သာ အကြောင်းပြချက်မျိုးစုံပေးပြီး ခွဲခွာကြရခြင်းပင် "
