" သား !! လင်းမောင် ...."
" ဗျာ ....ဗျာ မေမေ ပြောလေ... "
" ငါ့သားနှယ့် မေမေခေါ်နေတာကြာပြီ
ဘာလဲ ဇနီးလောင်းလေးကို လွမ်းနေပြီလား "
" မဟုတ်ပါဘူးမေမေရာ "
မေ့မေ့ကို မအိပ်ခင် ကန်တော့ပြီးတော့ခြေဆုပ်လက်နယ် ပြုပေးနေတုန်းမေမေက သူ့ကိုနောက်နေခြင်းဖြစ်သည်။
ညနေက ခန့် နဲ့စကားပြောခဲ့ကြသည်ကို ပြန်တွေးနေတုန်း မေမေက သွယ့်ကို လွမ်းလို့လားတဲ့
မေမမေက သူ့ကို သွယ်နဲ့ မှားပြောလို့ သားတော့ ခန့်စိတ်ကောက်တာခံရတော့မှာပဲ
မေမေရယ် .....
ခေတ်လင်းမောင်တွေးရင်းဖြင့် မျက်ရည်များကျလာကာ မေ့မေ့ခြေထောက်ပေါ်သို့မျက်ရည်တစ်စက် ကျသွားသည်မို့ မေမေက
လှဲနေရာမှ ထလာကာ
" သား ...ဘာလို့ငိုနေတာလဲ ...."
မေမေက သူ့အားစိုးရိမ်မှုအပြည့်ဖြင့် ကြည့်ကာမေးလာသည်
ခုနက သွယ့်အကြောင်းပြောနေတုန်းက ကြည်လင်နေတဲ့ မေ့မေ့ မျက်နှာကလေးသည်
ရုတ်တရက် ရွာချတော့မည့် ကောင်းကင်ပမာ
အုံ့မိုင်းလာသည်
သူမေမေ့ကို အပူတွေပေးနေမိပြီလား ....
" မငိုပါဘူးမေမေရယ် ....နှာမွှန်နေလို့ နှာရည်ကျသွားတာပါ "
တောင်းပန်ပါတယ်မေမေ သားမေမေ့ကို
လိမ်ညာနေမိပြီ
သို့သော်လည်း ခန့်နဲ့ ပတ်သတ်ပြီး ကျူးလွန်မိတဲ့ ကံတစ်ပါးမို့သာ သူဖြေသာရသည်
" အော် ...သိပါဘူးတော် ....ကောင်မလေးအကြောင်းပြောလို့ သတိရပြီးငို နေတာလားလို့ ပါ "
" မေမေကလဲ ...."
" မေမေကလဲ လုပ်မနေနဲ့ သား ...
သားမိန်းမယူတာ စောသေးတယ်ဆိုပေမဲ့လေ
မေမေဖြင့် သွယ်လေးကို သိပ်စိတ်တိုင်းကျတာပဲကွယ်
ဖွင့်သာမပြောဖစ်တာ ....ငါသားလူရွေးမှားမှာ
မဟုတ်မဟက်တွေနဲ့ ဖြစ်သွားမှာ မေမေဖြင့်
သိပ်စိုးရိမ်နေခဲ့ တာ
ခုမှပဲ ဒီသားလေးအတွက်စိတ်ချရတော့တယ်"
မေမေက သူ့ကိုကြည့်တာ စိတ်အေးလက်အေးဖြင့် ပြောလာခဲ့သည်
YOU ARE READING
ရင်တွင်း ဆူးလေး နှုတ်ပေးပါ. ( Please Remove A Thorn From My Heart)
Romance" ချစ်ခြင်းတရားတွေသာ စစ်မှန်ခဲ့လျှင် ခွဲခွာခြင်းဟူသည် ဘယ်တော့မှ မရှိနိုင်ပါ အမှန်တကယ် နီးစပ်ချင်လျှင် နည်းလမ်းမျိုးစုံရှိပါသည် မနီးစပ်ချင်၍သာ အကြောင်းပြချက်မျိုးစုံပေးပြီး ခွဲခွာကြရခြင်းပင် "
