" ကျွီ "
ကားဘရိတ်အုပ်သံကြားတော့ သျှားမင်းခန့် အိပ်ပျော်နေရာမှ လှုပ်စိစိလေး ဖြစ်ကာနိုးလာသည်
အိပ်ချင်မပြေသေးသော မျက်လုံးကလေးများကို လက်ဖြင့်ပွတ်ရင်း အရှေ့ကိုပြူးပြဲ
ကြည့်လိုက်မိသည်
" ငါဘယ်ရောက်နေတာလဲ "
ကလောမဟုတ်တာတော့ သေချာပါသည်
ရာသီဥတုကလဲ ပူကပူနဲ့
" ဒါကျွန်တော့်အိမ်လေ ကျွန်တော်သျှားကိုခေါ်လာာတာ "
ခေါင့် အသံကြားမှပဲ ဘေးမှာခေါင်ရှိသေးမှန်း သတိရတော့သည်
" ဪ ...မင်းယူစရာရှိလို့လား"
" မရှိပါဘူး ...ဒီမှာ ခရီးခဏနားကြမယ်လေ
သုံးရက်လောက်ပေါ့ "
" ဟမ် ! သုံးရက်ကြီးတောင် "
သျှားက ဆူပုတ်ပုတ်ဖြင့်သူ့ကိုပြန်မေးလာ
ေလသည်
ဘယ်လိုဟာလေးပါလိမ့်
လူကိုမယုံဘူးလားမသိ
" နေပါဦး ...ဒီမှာ မင်းနဲ့ ငါအပြင် တခြားဘယ်သူမှမရှိတော့ဘူးလား "
" အလုပ်သမားတွေတော့ရှိပါတယ် "
" ဪ "
သူတို့ကားပေါ်ကဆင်းပြီး မကြာမီပင်
ဟင်းချက်အဒေါ်ကြီးရောက်လာကာ
" အစ်ကိုလေး ပြန်ရောက်လာပြီလား
ဪ ...ဧည့်သည်ပါလာတာကိုး "
" ဧည့်သည် မဟုတ်ပါဘူး ဒေါ်ဒေါ် "
အဒေါ်ကြီးက ခဏ ကြောင်သွားဟန်ဖြင့်
ပြီးတော့မှ
" ဟင် ! ဪ ...အေးပါကွယ် "
ခေါင့်၏အပြောကြောင့် သျှားတကယ်ပင် မျက်နှာပူရပါသည်
အဒေါ်ကြီးက ဧည့်သည်လို့ပြောတာကို ငြိမ်ခံလိုက်ရင်ပြီးနေတာကို တကယ်ပါပဲ
" အစ်ကိုလေး လက်ထဲကအထုပ်တွေပေးလေ "
အလုပ်သမားဖြစ်ဟန်တူသော သက်လတ်ပိုင်းအရွယ်အမျိုးသားတစ်ဦးက ပါးစပ်ကလဲပြော ခေါင့်လက်ထဲက အိတ်ကိုလဲ ယူလိုက်သည်
ဒီလိုကျတော့လဲ ခေါင်က တကယ့်လူကြီးလိုပင်
" သျှားရဲ့အထုပ်တွေကို မောင့်အလုပ်သမားဆီ ပေးလိုက်လေ လေးနေမှာပေါ့ "
YOU ARE READING
ရင်တွင်း ဆူးလေး နှုတ်ပေးပါ. ( Please Remove A Thorn From My Heart)
Romance" ချစ်ခြင်းတရားတွေသာ စစ်မှန်ခဲ့လျှင် ခွဲခွာခြင်းဟူသည် ဘယ်တော့မှ မရှိနိုင်ပါ အမှန်တကယ် နီးစပ်ချင်လျှင် နည်းလမ်းမျိုးစုံရှိပါသည် မနီးစပ်ချင်၍သာ အကြောင်းပြချက်မျိုးစုံပေးပြီး ခွဲခွာကြရခြင်းပင် "
