" ကဲ... ဘောပေါ်ကစာတွေကူးပြီရင် ပြောမယ်နော် ..."
" ဟုတ်ကဲ့ "
ကလေးများ၏ အသံညီညီညာက သူ့စိတ်ကိုတကယ်ပင်ရွှင်လန်းစေပါသည်
နယ်ကျောင်းဖြစ်၍ကျောင်းဆရာရှားလွန်းသော ထိုကျောင်းလေးတွင် တစ်နေ့လုံးမထိုင်ရဘဲသင်ရရင်ပင်ပန်းသည်ဟုမခံစားရပါ
ကလေးများကလည်း စာလိုချင်ကြသည်
မြို့ကျောင်းက ကလေးတွေလိုမဟုတ်
သူတို့လေးတွေမှာ အိမ်အလုပ်လဲကူရသည့်အပြင် ကျောင်းစာကိုလည်း အလွန်ကြိုးစားကြသည်
တစ်နေ့တောက်ပလာမည့်ကျောက်ရိုင်းတုံးလေးတွေပင် ဖြစ်ပါသည်
" ဆရာလေး ဆရာလေးခင်ဗျ "
" ဗျာ ! "
" ဆရာလေးအိမ်မှာ ဧည့်သည်ရောက်နေတယ် "
ဧည့်သည်ဆိုပါလား !
မေမေတို့တော့မဖြစ်နိုင်ပါဘူး လာရင်ကြိုပြောမှာပေါ့
ငဇွဲကလည်း ကျောင်းဖွင့်ရက်ဆိုတော့မအားဘူး
ဒါမှမဟုတ် မောင့်ဧည့်သည်များလား
မောင်က လန်ဒန်ကပြန်မရောက်သေးဘူး
မောင့်ဧည့်သည်ပဲဖြစ်မှာပါလေ
သူ့ဆီကို လာစရာမှမရှိတာ
" ဟုတ်! ကျွန်တော်လာခဲ့မယ်ဗျ သတင်းပါးပေးလို့ ကျေးဇူးနော်"
" ရပါတယ်ဆရာလေးရာ ကျူပ်သွားပြီဗျို့"
" ဟုတ်ကဲ့ "
အခုမှ နေ့လည်ခင်းပဲရှိသေးသဖြင့် ကျောင်းလွှတ်ချိန်တော့စောင့်လို့မရတော့ပေ
ဘေးခန်းကဆရာမကိုပဲ အားနာနာနဲ့ပဲ အကူညီတောင်းရတော့မည်
" ဆရာမခင်ဗျ "
" ဟုတ်ဆရာလေး ပြောလေ "
" ကျွန်တော့်အိမ်ကို ရုတ်တရက်ကြီးဧည့်သည်ရောက်လာလို့ဗျ အဲ့တာ ဒီဘက်အခန်းလေးကို ကြည့်ပေးထားပါလို့ အကူညီတောင်းချင်လို့ "
" ရတယ်လေဆရာလေး ...ကျွန်မကြည့်ထားပေးမယ် စိတ်ဖြောင့်ဖြောင့်ထား "
" ကျေးဇူးပါဗျာ "
" ရပါတယ်ရှင် "
ကျောင်းကအလုပ်တွေကို အပြီးဖြတ်ပြီး အိမ်သို့ခပ်သွက်သွက်ပြန်လာရသည်
YOU ARE READING
ရင်တွင်း ဆူးလေး နှုတ်ပေးပါ. ( Please Remove A Thorn From My Heart)
Romance" ချစ်ခြင်းတရားတွေသာ စစ်မှန်ခဲ့လျှင် ခွဲခွာခြင်းဟူသည် ဘယ်တော့မှ မရှိနိုင်ပါ အမှန်တကယ် နီးစပ်ချင်လျှင် နည်းလမ်းမျိုးစုံရှိပါသည် မနီးစပ်ချင်၍သာ အကြောင်းပြချက်မျိုးစုံပေးပြီး ခွဲခွာကြရခြင်းပင် "
