"ဒေါက် !! ဒေါက် !! "
ဒီမနက် ခေါင့်ကိုချော့ရန် သျှားမင်းခန့်တစ်ယောက်အစောကြီးထပြီး မနက်စာစားဖို့ လာခေါ်ခြင်းဖြစ်သည်
" ဝင်လာလေ သားလေး "
တံခါးလာဖွင့်ပေးသူမှာ သျှားမင်းခန့်မသိသော မျက်နှာစိမ်းတစ်ဦးဖြစ်သည်
အသက် ၅၀ ကျော် ဝန်းကျင်လောက်ရှိပုံရပြီး ရိုးသားဖြောင့်မတ်သူ ဟု ကောက်ချက်ချနိုင်သည်အထိ တည်ကြည်လေးနက်သော သူဖြစ်သည်
" ဟုတ် "
ထိုဦးလေးကြီးကိုကျော်ပြီး ကြည့်လိုက်လေတော့ ခေါင်နှင့် နောက်ထပ် သူစိမ်းအမျိုးသားတစ်ဦးက ခေါင်းချင်းဆိုင်ကာ တစ်စုံတစ်ခုသော အကြောင်းအရာကို လေးလေးနက်နက် ဆွေးနွေးနေကြဟန်တူသည်
သျှားမင်းခန့် ဝင်လာတော့ ထိုအမျိုးသားက တစ်ဖက်ခုံသို့ပြောင်းထိုင်ရင်း သူတို့ပြောလက်စစကားကို ဖြတ်လိုက်ကြသည်
တံခါးရှေ့၌တွေ့ခဲ့သော ဦးလေးကြီးကလည်း ထိုအမျိုးသားနားသို့ ဝင်ထိုင်လိုက်လေသည်
" သျှားလာလေ ...မောင့်အနားလာထိုင်"
ခေါင်ကခေါ်သောကြောင့် ခေါင့်ဘေးတွင် ကျူံ့ကျုံ့ကလေးဝင်ထိုင်လိုက်ရသည်
" သျှားက အနေရခက်နေတာလား
မခက်ပါနဲ့ ...သူတို့ကသူစိမ်းေတွမဟုတ်ဘူး
ဒါက ဦးညိုဝင်းတဲ့ ဘွားဘွားကြီးရဲ့လူယုံ
အခုတော့မောင့်လူယုံပေါ့ "
" တွေ့ရတာ ဝမ်းသာပါတယ်သားလေး
ဦးညိုက သားလေးကို သိတာကြာပါပြီ
လူကတော့ အခုမှမြင်ဖူးတယ်
သားလေးက လူချောပဲကွ "
" ဗျာ ..ဟုတ် ...ကျေးစူးပါဗျ "
ထိုဦးလေးကြီးက သူ့ကိုဘယ်တုန်းကသိနေတာလဲ
သူတို့ချင်း မြင်လဲမမြင်ဖူးပါဘူး
သျှားမင်းခန့်အတွေးတွေနဲ့ ဗျာများနေရင်း ခေါင့်ကိုလှည့်ကြည့်မိလေတော့ ခေါင့်ဆီမှ
မြင်ရခဲ့သော အပြုံးနုနုကလေးကို လှစ်ခနဲတွေ့လိုက်ရေလသည်
တိုက်ဆိုင်မှုတစ်ခုလား !
" ဒါကတော့ ကိုကျော်ဇင်တဲ့
ဦးညိုဝင်းရဲ့သားလေ ...မောင့်အလုပ်တွေကို သူနဲ့ပဲ လွှဲထားရတာ "
YOU ARE READING
ရင်တွင်း ဆူးလေး နှုတ်ပေးပါ. ( Please Remove A Thorn From My Heart)
Romance" ချစ်ခြင်းတရားတွေသာ စစ်မှန်ခဲ့လျှင် ခွဲခွာခြင်းဟူသည် ဘယ်တော့မှ မရှိနိုင်ပါ အမှန်တကယ် နီးစပ်ချင်လျှင် နည်းလမ်းမျိုးစုံရှိပါသည် မနီးစပ်ချင်၍သာ အကြောင်းပြချက်မျိုးစုံပေးပြီး ခွဲခွာကြရခြင်းပင် "
