" သျှား ! "
" ဟင် "
" အဆင်ပြေရဲ့လား ..."
" မပြေစရာအကြောင်းမှမရှိတာ ခေါင်ရယ်"
" သျှားဒီလိုစိတ်ဆင်းရဲနေမယ်မှန်းသိရင်
မဂ်လာပွဲကို မသွားဖြစ်အောင်တားမိခဲ့မှာ "
" ခေါင်ရယ် ...
သူများတွေရဲ့ ကောင်းခြင်းမဂ်လာနေ့မလား
ဒီလိုကြီးတော့မပြောပါနဲ့ "
အရင်က သူ့အပေါ်ဆို ခပ်စွာစွာကလေးပြောကာ ရန်ရှာတတ်သော သျှားသည် အခုတော့ အရာအားလုံးကို လက်လွတ်လိုက်ရသယောင် ....
ဒီပုံစံသည် သျှားနှင့်မလိုက်ဖက်သောပုံစံဖြစ်သည်
အရင်လိုတက်ကြွတဲ့သျှားပဲအမြဲဖြစ်စေချင်ပါသည်
မိုးထိခေါင် တစ်ယောက် သျှားရဲ့ ညိုညက်ညက် မျက်နှာကလေးကို ငေးရင်း တွေးနေမိခြင်းဖြစ်သည်
ပါးချိုင့်သေးသေးလေးတွေလဲပျောက်ကွယ်နေသလို မျက်လုံးထောင့်က မှဲ့နက်ကလေးကလဲ ဝမ်းနည်းနေသယောင်
" ငါ နောက်အပတ်ထဲ ကလောကို သွားရတော့မယ် "
" အစောကြီးသေးတယ်မဟုတ်ဘူးလား
ကျောင်းတွေတောင်အခုမှပိတ်တာကို "
" စောပေမဲ့ ...နေစရာရှာရဦးမယ်လေ
ပတ်ဝန်းကျင်နဲ့လဲ ရင်းနှီးကျွမ်းဝင်အောင်လို့ပေါ့"
" အင်း ..."
သျှားက ဆင်ခြေမျိုးစုံပေးနေေပမယ့်
အဓိကအကြောင်းရင်းကိုသူသိပါသည်
သျှားဒီရပ်ဝန်းမှာ မနေနိုင်ခြင်းကြောင့်ဖြစ်သည်
သျှားအတွက် အဲ့တစ်ယောက်က ဘယ်လောက်ထိအရာရောက်လဲ
အကန့်အသတ်မဲ့လား !
~~~~~~~~~~~~~
ဒီညက သွယ်နဲ့ အစ်ကိုရဲ့ မဂ်လာဦးည
သွယ်ညနေက စိတ်လှုပ်ရှားနေခြင်းဖြစ်သည်
လက်ဖျားခြေဖျားတွေတောင်အေးချင်လာပါသည်
အစ်ကိုနဲ့ သူနဲ့ ဒီည ....
သွယ်တွေးနေတုန်း အစ်ကို က အခန်းခဲသို့ဝင်လာပါသည်
သွယ်ရင်ထဲထဲတွင် ဒိန်းခနဲ ဖြစ်သွားကာ
ရှက်သလိုလို ကြောက်သလိုလို ဖြစ်လာရသည်
YOU ARE READING
ရင်တွင်း ဆူးလေး နှုတ်ပေးပါ. ( Please Remove A Thorn From My Heart)
Romance" ချစ်ခြင်းတရားတွေသာ စစ်မှန်ခဲ့လျှင် ခွဲခွာခြင်းဟူသည် ဘယ်တော့မှ မရှိနိုင်ပါ အမှန်တကယ် နီးစပ်ချင်လျှင် နည်းလမ်းမျိုးစုံရှိပါသည် မနီးစပ်ချင်၍သာ အကြောင်းပြချက်မျိုးစုံပေးပြီး ခွဲခွာကြရခြင်းပင် "
