اتبع هواك ومتجه في مصيرك.

Part 1

نشيت الصبح على صوت منبهي صكيته وطالعت الساعه الي كانت ٧ ونص باقي نص ساعه وتبدا محاضراتي قمت منتزقه وعلى طول دشيت الحمام خذت لي شور عالسريع وترتبت للجامعه يعني اول يوم لازم اكون كاشخه وجي .. طلعت من البيت عالساعه ٨ ووصلت ٨ونص ولحسن حظي انه الاستاذ كان متأخر وما فاتني شي من المحاضرة ..مر يومي بشكل سلسل جدا وقررت عقب الجامعه امر المطعم واكل لاني كنت ميتههه يوععع وفعلا خلصت محاضراتي وخطفت على مطعم ***** ونزلت طلبت لي وجبه دسمه تسد يوعي وفهاي الاثناء كنت حاسه انه في واحد رايح راد عليه وايددد وترني لدرجه نسيت كيف اكل كان منظره وايد مريب ومشكوك فأمره حاولت اني اتجاهله وكملت اكلي وماتهنيت فيه ، قمت عقبها وطلعت من المطعم والريال الغريب بعده وراي!!!.. وقفت لوهله ولفيت عليه وقلت " نعم اخوي فيه شي؟" تصغرت عيونه وهو يحاول يميز ويهي وقال" دانه !!انتييي دانه؟" انصعقت وحسيت انه ماي حار انصب على ويهي هاااا من وين يعرفني وليش قاعد يلحقني توترت منه حيلل وسحبت عليه وركبت سيارتي وهو لحقني عالسريع وحط ايده عالباب قبل ما اسكره ، طالعته بعصبيه وقلت" شووو تباااا منيييي انتههه ما تستحي على ويهك قاعد تلاحقني!!؟" رد عليه" فيه موضوع لازم ارمسج فيه ضروري " قلت " منو انته عسبت ارمس وياك فمواضيع على اي اساس ياي تقولي هالكلام..اسمععع احسلك وخر لا افضحك جدام الكل اهني " رد عليه بكل جديه وعصبيه " دانههه انا مب قاعد العب وياججج ابوججج فالمستشفى وقاعد يعيش اخر ايامه" انا اهني ارتعشت مكاني ابويييي!! ابوي الي تزوج وهدني.. ابوي الي ساحب علي هالسنين كلها ومافكر انه يدق ويسأل عني نزلت دمعه من عيني وحاولت اتمالك نفسي وقلت له" انا ماعندي ابو ابوي توفى من زمان" رد عليه "لاتقصين على عمرج ابوج بعده عايشه وهو بحاجتج له الحين " رديت عليه وانا متنرفزه حدي " وانا طول هالسنين كنت بحاجته ومافكر انه يساعدني خل انانيته تنفعه الحين" رد عليه" لاتخلين الحقد والكره ينسيج حقيقه انه ابوي وهو بحاجتج وفأصعب اوقاته الحين " سكت عنه ومارديت طلع كرت من جيبه وعطاني اياه وقالي " فكري عدل الله يخليج لا تخليني افقد شخص غالي بسبت عنادج " وهدني وراح و خلاني بحاله ما احسد عليها .. رديت البيت وكلامه بس ينعاد فراسي خذت فتره طويله وانا افكر لين قررت اني ادق عليه