قام ذياب بسرعه ومسح دمعتي
ذياب : لاتصيحين انزين . . والله الموضوع تافه ما يستاهل دموعج
طالعته
ذياب : دانه شفيج . . صايره تتحسسين من كلشي . . عسى ما سويت شي الا وزعلتي ؟؟!!
دانه : الي صار اليوم من حقي ازعل عليه
ذياب : لا مب من حقج . . لانه شي تافه والبنت مثل اختي وانتهى
دانه : بس هي ماتشوفك مثل اخوهاا . .انت شدراك شو فداخلها . . ومافي شي اسمه مثل اختي وين عايشين نحن!!!!!
ذياب : ممكن ما نتكلم عنها ونسكر الموضوع
دانه : بنسكر الموضوع لما يخلص
ذياب : اختصري شو تبيني اسوي
دانه : ماترمسها الا بين أهلها وتخليها تلزم حدودها وياك . . انت متزوج . . ولا انا طوفه عبيطه عندك؟!!
ذياب يبتسم : احلى طوفه عبيطه فحياتي
دانه : اوعدني بهالشي ؟
ذياب : اوعدج بشو ؟؟!
دانه : ذياببببببببببببببببببببببب
ذياب : شفيججج . . خلاص والله ما ارمسها الا بين أهلها
دانه : و ؟
ذياب : واسوي حدود بينا
دانه : عفيه عليك
ذياب : الحين نقدر نسكر الموضوع ؟
دانه : هيه
ذياب : اخيراا
دانه : . .
ذياب : انزين ليش قاعده اهني . . ليش مب قاعده ويا البنات
دانه : كيف اقعد وياهم وانا ماعرفهم احس فشله
ذياب : لا فشله ولا شي . . اقعدي وتعرفي عليهم
تثاوبت : بعدين . .الحين أبا اريح شوي
ذياب عقد حياته : تراج صايره كله ترقدين . . وكله تعبانه " حط ايده عليه ويهي " . . شفيج ؟
دانه : ماعرف . . احس اني تعبانه طول الوقت
ذياب شك : ليكون حامل ؟!!!!
دانه : مستحيلل انا ماحس بأعراض حمل . . يمكن تعب عادي
ذياب : يمكن
ابتسمت له وانسدحت وعطيته الظهر
ذياب : من صدقج بترقدين ؟
دانه : هيه
ذياب : تبين اتم وياج ؟
دانه : عادي كيفك
ذياب يبتسم بخبث : تبين ادري
سكتت
حسيت بذياب وهو ينسدح حذالي . . قرب من وحضني وانا ميته حياااااا
ذياب : انزين طالعيني
دانه : مابا
ذياب : يلا عاد
تجلبت صوبه وسحبني وخلاني فحضنه
ذياب : احين الواحد يقدر يريح عدل
ابتسمت وغمضت عيوني ورقدنا
.
.
.
صوب العنود وروضه وريم . . كانو قاعدين فالصاله
ريم : كيف ماتخبرينا عن زواج ذياب
العنود : كلشي صار سريع سريع ماخبرنا حد
ريم عقدت حياتها : ومانقيتو له الا هالشينه شوفيها زود عن غيرها ؟
روضه : الصراحه انا ماشوفها شينه . . بالعكس شحلوها تهبل
ريم : من يومج ماتشوفين عدل انتي
العنود : راي من راي روضه
ريم : شفيكممم انتو صايبكم عمى
روضه : بسمالله علينا
ريم تسويلهم مالت : والله ماعندكم ذوق دام حبيتوها
العنود : وانتي شفيج ترمسين بس عنها . . ماعندج سالفه شو ؟
ريم : حرمه ولد خالتي لازم احللها بعد
روضه : الي يشوفج كيف ترمسين عنها . . يحسج غيرانه منها موتتتتتت
العنود : لانها غيرانه
ريم بغرور : انااا اغاررر من هذيييي .. على شنوو . من جمالها ولا من اصلها وفصلها
روضه : كلنا نعرف من شنو
ريم دحتها بقوه : جب انتيي
العنود ملت وقامت عنهم طلعت برا تمشي شوي
شافت حمد قاعد فاليلسه ويطالع فوق
مشت صوبه
وقعدت حذاله بس بينهم مسافه
العنود : ليش قاعد بروحك اهني . . ومب مشغل التكيف بعد حشى ماتحرر
حمد : قاعد افكر
العنود طالعته : فشو
حمد عدل قعدته وركز على العنود
العنود : ليش تطالعني جي
حمد : انتي تعرفين عن شغل ابوج
العنود انصدمت : شو تقول انت
حمد يبتسم : اعرف انج تعرفين . . واعتقد ذياب يعرف بعد
العنود : وضح كلامك مافهمت
حمد : كلامي واضح . . " يطالع عيونها بتركيز " . . وانتي فاهمتنه عدل
العنود بلعت ريقها بتوتر
حمد : ماتوقعت عمي بهالانحطاط
العنود نزلت راسها . . حمد صدق يعرف
العنود : لاتق...قاطعها
حمد : مابفج ثميه لحد . . بسس أبا اتأكد من شي واحد .
العنود : الي هو ؟
حمد : اخوج الشخص الوحيد الي يقدر يأكد لي هالشي
العنود : شو هالشي
حمد يبتسم : بعدين تعرفين
العنود تنهدت بضيجج فظيع
حمد قام وراح عنها وخلاها بأفكارها المتشتته
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...